ພຣະຣາຊາຄນະ ຫຼິງ ມັງຄະເນກຸນ

ຈໍາປາທອງ
2017-05-31
ອີແມວລ໌
ຄໍາເຫັນ
Share
ພິມ
ສັງຄະຣາຊ ຫຼຸຍສ-ມາຣີ ຫຼິງ ມັງຄະເນກຸນ ແຫ່ງໂບດ ຄາໂຕລິກ ມິສຊັງ ທີ່ເມືອງປາກເຊ ແຂວງຈຳປາສັກ
ສັງຄະຣາຊ ຫຼຸຍສ-ມາຣີ ຫຼິງ ມັງຄະເນກຸນ ແຫ່ງໂບດ ຄາໂຕລິກ ມິສຊັງ ທີ່ເມືອງປາກເຊ ແຂວງຈຳປາສັກ
Photo credit: Kto Lao

ຊາວລາວ ທີ່ນັບຖື ສາສນາຄຣິສຕຽນ ນິກາຍ ຄາໂຕລິກ ຍິນດີ ແລະ ດີໃຈຫຼາຍ ພາຍຫຼັງທີ່ໄດ້ ຮັບຂ່າວວ່າ ອົງສັນຕະປາປາ ຟຣັງຊິສ ໄດ້ ຊົງແຕ່ງຕັ້ງ ໃຫ້ສັງຄະຣາຊ ຫຼຸຍສ-ມາຣີ ຫຼິງ ມັງ​ຄະ​ເນ​ກຸນ ແຫ່ງໂບດ ຄາໂຕລິກ ມິສຊັງ ທີ່ເມືອງປາກເຊ ແຂວງຈຳປາສັກ ເປັນ 1 ໃນ 5 ພຣະຣາຊາຄນະ ຄາດີນາລ ຊຸດໃໝ່ ແຫ່ງສາສນາ ຄາໂຕລິກ ສາກົນ. ຊາວຄາໂຕລິກ ຜູ້ອາວຸໂສຂອງລາວ ຈາກເມືອງທ່າແຂກ ໄດ້ກ່າວຕໍ່ ວິທຍຸເອເຊັຽເສຣີ ໃນມື້ວັນທີ 30 ພຶສພາ 2017 ນີ້ວ່າ:

“ເອີ່, ດີໃຈແຫຼະ ກະດີໃຈຫັ້ນແຫຼະ ດີໃຈທີ່ເຫັນ ສັນຕະປາປາ ແຕ່ງຕັ້ງໃຫ້ເປັນ ຄາດີນາລ. ກະດີແລ້ວ ເຫັນສົມຄວນຢູ່”.

ພ້ອມກັນນັ້ນ, ຄຸນແມ່ຄາໂຕລິກ ປະຈຳໂບດ ຄາໂຕລິກ ທີ່ແຂວງສວັນນະເຂດ ກໍໄດ້ກ່າວຕໍ່ ວິທຍຸເອເຊັຽເສຣີ ໃນມື້ດຽວກັນ ນັ້ນວ່າ ຊາວຄາໂຕລິກລາວ ທົ່ວໄປ ຕ່າງກໍຍິນດີ ເປັນຢ່າງຍິ່ງ ເພາະຖືເປັນ ການແຕ່ງຕັ້ງ ຜູ້ໃຫ່ຍ ທາງສາສນາ ຄາໂຕລິກ ຜູ້ທຳອິດໃນລາວ ໃຫ້ດຳຣົງຕຳແໜ່ງ ຢູ່ໃນຄນະນໍາ ສູງສຸດ ຂອງສາສນາ ຄາໂຕລິກ:

“ກະດີໃຈ ເພິ່ນກະໄດ້ຮັບເປັນເພິ່ນຜູ້ໃຫ່ຍ ທາງສາສນາເນາະ ເປັນຕົວແທນ. ຢູ່ເມືອງລາວເຮົາ ກະແຕ່ໃດມາ ບໍ່ເຄີຍມີ ພຣະຄາດີນາລ ເນາະ. ທຸກຄົນ ກະດີໃຈ ພວກເຮົາທີ່ເປັນ ຄາໂຕລິກ ທີ່ຖືສາສນາ ກະດີໃຈເນາະ. ແຕ່ໃດມາ ພວກເຮົາແຕ່ໃຫ່ຍຂຶ້ນມາ ຢູ່ນີ້ ຖືສາສນາ ຢູ່ທາງນີ້ ຕັ້ງແຕ່ນັບຖື ກະບໍ່ໄດ້ມີ ພຣະຄາດີນາລ ເປັນຄົນລາວ ຄົນທຳອິດ ທີ່ເພິ່ນໄດ້ ຮັບແຕ່ງຕັ້ງຈາກ ພຣະສັນຕະປາປາ, ຫັ້ນນ່າ”.

ເມື່ອວັນທີ 21 ພຶສພາ 2017, ອົງສັນຕະປາປາ ຟັຣງຊິສ, ອົງປະມຸກສາສນາຄຣິສຕຽນ ນິກາຍ ໂຣມັນຄາໂຕລິກ ທີ່ນະຄອນວາຕິກັນ ໄດ້ປະກາດ ແຕ່ງຕັ້ງ ສັງຄະຣາຊ ຫຼິງ ແຫ່ງໂບດ ຄາໂຕລິກ ເມືອງປາກເຊ, ແຂວງຈຳປາສັກ. ຄາດກັນໄວ້ວ່າ ພຣະຣາຊາຄນະ ຫຼຸຍສ-ມາຣີ ຫຼິງ ຈະເດີນທາງໄປ ນະຄອນວາຕິກັນ ໃນກຣຸງໂຣມ, ປະເທສ ອິຕາລີ ເພື່ອເຂົ້າຮ່ວມ ສູ່ພິທີປະກາດ ແຕ່ງຕັ້ງຢ່າງເປັນ ທາງການ ໃນມື້ວັນທີ 28 ມິຖຸນາ 2017 ທີ່ຈະມາເຖິງນີ້.

ຄໍາເຫັນ (1)
Share

(

Your Eminence,
I am thrilled to see in my lifetime a Lao national be chosen to be cardinal. Your task is huge to get things done in this country of Laos.Nevertheless, I still hope that your presence will bring about changes that Laos needs immensely, that your contact with those with power to right the wrongs that have been for so many long years the cause of poverty, lack of human right and most of all the imbalance between those who have everything and those- the majority - who have nothing.
May God help you.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 31, 2017 05:48 PM

ເຕັມຫນ້າ