ທາງການ ຈະຍ້າຍ ປຊ​ຊ ຈາກເຂື່ອນນໍ້າເທີນ 1

ຈໍາປາທອງ
2020-02-11
ອີແມວລ໌
ຄໍາເຫັນ
Share
ພິມ
ຮູບຈໍາລອງ ຂອງ ເຂື່ອນນໍ້າເທີນ 1
ຮູບຈໍາລອງ ຂອງ ເຂື່ອນນໍ້າເທີນ 1
ຮູບເຂື່ອນຈໍາລອງ ອຸປຖັມໂດຍ: ນັກຂ່າວເຂື່ອນນໍ້າເທີນ 1 ຄາດວ່າການກໍ່ສ້າງ ຈະສຳເຣັດພາຍໃນປີ 2020

ທາງການ ແຂວງບໍລິຄໍາໄຊ ຈະໂຍກຍ້າຍ ປະຊາຊົນ ເມືອງວຽງທອງ ທັງໝົດ 7 ບ້ານ, 335 ຄອບຄົວ ທີ່ໄດ້ຮັບຜົລກະທົບ ຈາກໂຄງການ ເຂື່ອນໄຟຟ້າ ນໍ້າເທີນ 1 ໄປຢູ່ບ້ານຈັດສັນ ບ້ານຫ້ວຍຫອຍ ໃນເດືອນກຸມພານີ້, ພາຍຫລັງທີ່ ການປະຕິບັດ ແຜນການໂຍກຍ້າຍ ປະຊາຊົນນັ້ນ ຫຼ້າຊ້າ ມາໄດ້ເກືອບ 4 ເດືອນ, ອີງຕາມຄໍາເວົ້າ ຂອງເຈົ້າໜ້າທີ່ ຜແນກພະລັງງານ ແລະ ບໍ່ແຮ່ ແຂວງບໍລິຄໍາໄຊ ຕໍ່ວິທຍຸ ເອເຊັຽ ເສຣີ ໃນມື້ວັນທີ 11 ກຸມພານີ້:

"ເພິ່ນກໍໄດ້ມາກວດອີກ ເທື່ອນຶ່ງແລ້ວ ຕາມແຜນຂອງເຂົາ ເພິ່ນວ່າ ສິຍ້າຍເດືອນນີ້ ວ່າຊັ້ນເດ ທັງໝົດຢູ່ໃນ 300 ກວ່າເບາະ ຍັງບາງວຽກ ກໍຍັງບໍ່ທັນແລ້ວເທື່ອຫັ້ນນະ ແຕ່ວ່າ ໃຫ້ 100 ກໍຍັງບໍ່ທັນ 100 ຫັ້ນນະ ມີບາງໜ້າວຽກ ທີ່ຍັງຄ້າງໆຄາໆ ບໍ່ທັນສໍາເລັດ ເພິ່ນຍັງສິປັບປຸງ ພະຍາຍາມ ເຮັດໃຫ້ໄວເທົ່າທີ່ໄວໄດ້."

ທ່ານເວົ້າຕື່ມອີກວ່າ ຕາມແຜນການເດີມ ການໂຍກຍ້າຍ ປະຊາຊົນ ທັງໝົດ 7 ບ້ານ ໄປຢູ່ບ້ານຈັດສັນ ໃໝ່ນັ້ນ ແມ່ນເດືອນ ພຶສຈິກາ ປີກາຍ. ແຕ່ການສ້າງ ບ້ານຈັດສັນ ບໍ່ແລ້ວ ຕາມກໍານົດເວລາ ຍ້ອນບໍຣິສັດ ຜູ້ຮັບເໝົາກໍ່ສ້າງ ອ້າງວ່າ ເສັ້ນທາງຄັບແຄບ ເປ່ເພ ເປັນອຸປະສັກ ໃຫ້ແກ່ ການຂົນຍ້າຍເຄື່ອງຂອງ.

ແຕ່ມາເຖິງ ປັດຈຸບັນ ການສ້າງ ບ້ານຈັດສັນນັ້ນ ກໍຍັງຫຼາຍວຽກ ທີ່ບໍ່ທັນສ້າງສໍາເຣັດ ເປັນຕົ້ນ ເສັ້ນທາງບາງຈຸດ, ນໍ້າສະອາດ, ໂຮງຮຽນ ອະນຸບານ ແລະອື່ນໆ. ສ່ວນວ່າ ເຮືອນຢູ່ ຂອງປະຊາຊົນນັ້ນ ແມ່ນໄດ້ສ້າງໝົດແລ້ວ ດັ່ງທີ່ທ່ານກ່າວວ່າ:

"ແມ່ນແຫລະ ເຮັດໝົດແລ້ວ ຕີຕົວນີ້ ການຈັດຕັ້ງ ປະຕິບັດໝົດແລ້ວນະ ເຫລືອພຽງແຕ່ ໂຍກຍ້າຍຊື່ໆ ເພາະວ່າ ເຂດຈັດສັນ ເພິ່ນຕຽມໄວ້ ໝົດແລ້ວເດ ປຸກເຮືອນໄວ້ໝົດແລ້ວ.”

ໂຄງການ ເຂື່ອນໄຟຟ້າ ນໍ້າເທີນ 1 ສ້າງຜົລກະທົບ ໃຫ້ປະຊາຊົນຫລາຍ. ປະຊາຊົນ 7 ບ້ານ ຮວມທັງບ້ານທ່າເດືອ, ວັງໝາກ, ພຽງຕົ້ນ ແລະ ບ້ານໜອງມົນ ຈໍາເປັນຕ້ອງໄດ້ ໂຍກຍ້າຍຄອບຄົວ ອອກຈາກບ້ານເດີມ ໄປຢູ່ບ້ານຈັດສັນ.

ກ່ຽວກັບ ເຣື່ອງ ທີ່ວ່ານີ້ ວິທຍຸ ເອເຊັຽ ເສຣີ ໄດ້ພະຍາຍາມ ຕິດຕໍ່ໄປຫາ ປະຊາຊົນ ທີ່ໄດ້ຮັບ ຜົລກະທົບ ແລະ ໄປຫາບໍຣິສັດ ເຂື່ອນໄຟຟ້ານໍ້າເທີນ 1 ເພື່ອຂໍຮູ້ຣາຍລະອຽດ ກ່ຽວກັບ ເຣື່ອງຄ່າຊົດເຊີຍ ຄວາມເສັຽຫາຍ ແລະ ແຜນການໂຍກຍ້າຍ ປະຊາຊົນ ໄປຢູ່ບ້ານຈັດສັນ, ແຕ່ຍັງຕິດຕໍ່ ບໍ່ທັນໄດ້.

ໂຄງການ ເຂື່ອນໄຟຟ້າ ນໍ້າເທີນ 1 ຂນາດ 650 MW, ມູນຄ່າ 900 ລ້ານໂດລາຣ໌ສະຫະຣັຖ ເປັນໂຄງການ ຮ່ວມທຶນ ຣະຫວ່າງ ກຸ່ມບໍຣິສັດ ພອນສັກ ຂອງລາວ 60%, ກຸ່ມບໍຣິສັດ ເອັກໂກ ຂອງໄທຍ 25% ແລະ ບໍຣິສັດ ພະລັງງານ ອີດີແອລ 15%. ໂຄງການນີ້ ໄດ້ເຣີ່ມກໍ່ສ້າງ ມາຕັ້ງແຕ່ປີ 2014 ແລະ ສ້າງສໍາເຣັດ ໃນທ້າຍປີກາຍ. ໄຟຟ້າ ທີ່ຜລິດໄດ້ ຈະສົ່ງຂາຍໃຫ້ໄທຍ.

ຄໍາເຫັນ (3)
Share

lao usa

ຈາກ dc

Thankyou Mr. Bounhueng the freedom fighter of Laos. We all laotians are happy to heard this news from all of you who fought the communist Lao PDR for many of decades.You are the very loyalty for our lao people and the country , we known that the time is moving back to Asian especially maybe it would be in Laos soon. Please fight to until the world is change, we all lao we support your group forever. God bless you all


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 14, 2020 05:59 AM

ບູນເຮືອງ

ຈາກ ທ່າລາດ

ປະກາດເຸຖິງ ພໍ່ແມ່ພິນ້ອງ ປະຊາຊົນລາວທົ່ວປະເທດ,ແລະປະຊາຊົນລາວ ຢູ່ຕ່າງປະເທດ ທີ່ຍັງຮັກຫອມ ບ້ານເກີດເມືອງນອນ ທີ່ຮັກແພງແລະນັບຖື ທັງຫລາຍ.ໃນເດືອນທີ່ຜ່ານມາ ທັງປະທານ ແລະຄະນະອົງການ ຕໍ່ສູ້ຢູ່ຕ່າງປະເທດ ທ່ານ Charlie Lee( Mouayeng Ly(Lee)ອົງການ 411-ຫລືປະຈຸບັນ 422 ໄດ້ເດີນທາງຈາກ ຕ່າງປະເທດ ໂດຍຜ່ານ ກົງສູນ ສະຖານທູ ດສປປລາວ ເພື່ອນຳອຸປະກອນ ມາຊ່ວຍກອງກຳລັງ ຕໍ່ສູ້ເຮົາຢູ່ເຂດຍຶດຄອງ ແຂວງໄຊສົມບູນ, ທຸກສິ່ງ ທຸກຢ່າງ ໄດ້ມາເຖິງເປົ້າໝາຍ ດ້ວຍຄວາມປອດໄພ.ກອງກຳລັງ ແລະເຂດຍຶດຄອງ ຂອງພວກເຮົາ ປະຈຸບັນ ໄດ້ຖືກຮັບຮູ້ ຈາກບັນດາປະເທດ ມະຫາອຳນາດ ແລະອົງການສາກົນ ໃຫ້ເປັນເຂດ ຍຶດຄອງ ທີ່ຖືກຕ້ອງ.ປີໃໝ່ມາແລ້ວ ຂໍຮຽກຮອ້ງໃຫ້ ປະຊາຊົນລາວທັງຊາດ ຈົ່ງຮ່ວມຈິດຮວ່ມໃຈ ລຸກຂຶ້ນຕໍ່ສູ້ ຂັບໄລ່ພວກພັກລັດ ສປປລາວ ທີ່ຂາຍຊາດ ເອົາດິນລາວ ໃຫ້ຕ່າງຊາດ ມາສ້າງເຂື່ອນ ດັບສູນຍົກຍ້າຍເຮືອນຊານ ບ້ານຊ່ອງທີ່ເຄີຍຢູ່.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 12, 2020 05:04 AM

ບູນເຮືອງ

ຈາກ ທ່າລາດ

ປະກາດເຖິງ ພໍ່ແມ່ພີ່ນ້ອງ ປະຊາຊົນລາວທົ່ວປະເທດ,ແລະປະຊາຊົນລາວ ຢູ່ຕ່າງປະເທດ ທີ່ຍັງຮັກຫອມ ບ້ານເກີດເມືອງນອນ ທີ່ຮັກແພງແລະນັບຖື ທັງຫລາຍ.ໃນເດືອນທີ່ຜ່ານມາ ທັງປະທານແລະຄະນະ ອົງການຕໍ່ສູ້ຢູ່ຕ່າງປະເທດ ທ່ານ Charlie Lee( Mouayeng Ly(Lee)ອົງການ 411-ຫລືປະຈຸບັນ 422 ໄດ້ເດີນທາງ ຈາກຕ່າງປະເທດ ໂດຍຜ່ານ ກົງສູນ ສະຖານທູດສປປລາວ ເພື່ອນຳອຸປະກອນ ມາຊ່ວຍກອງກຳລັງ ຕໍ່ສູ້ເຮົາຢູ່ເຂດ ຍຶດຄອງ ແຂວງໄຊສົມບູນ, ທຸກສິ່ງ ທຸກຢ່າງ ໄດ້ມາເຖິງເປົ້າໝາຍ ດ້ວຍຄວາມປອດໄພ.ກອງກຳລັງ ແລະເຂດຍຶດຄອງ ຂອງພວກເຮົາ ປະຈຸບັນ ໄດ້ຖືກຮັບຮູ້ ຈາກບັນດາປະເທດ ມະຫາອຳນາດ ແລະອົງການສາກົນ ໃຫ້ເປັນເຂດຍຶດຄອງ ທີ່ຖືກຕ້ອງ.ປີໃໝ່ມາແລ້ວ ຂໍຮຽກຮ້ອງ ໃຫ້ປະຊາຊົນລາວ ທັງຊາດ ຈົ່ງຮ່ວມຈິດຮວ່ມໃຈ ລຸກຂຶ້ນຕໍ່ສູ້ ຂັບໄລ່ພວກພັກລັດ ສປປ ລາວ ທີ່ຂາຍຊາດ ເອົາດິນລາວ ໃຫ້ຕ່າງຊາດ ມາສ້າງເຂື່ອນ ດັບສູນຍົກຍ້າຍ ເຮືອນຊານບ້ານຊ່ອງທີ່ເຄີຍຢູ່.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 12, 2020 05:02 AM

ເຕັມຫນ້າ