ເຂື່ອນຈີນເຂື່ອນໄຊຍະບູຣີສ້າງ ກັງວົນ

ມະນີຈັນ
2014-02-24
ອີແມວລ໌
ຄໍາເຫັນ
Share
ພິມ
ເຂື່ອນໃນແມ່ນໍ້າຂອງ ທີ່ຈີນສ້າງແລ້ວ ແລະເຂື່ອນໄຊຍະບູຣີ ທີ່ກໍາລັງກໍ່ສ້າງ ເຮັດໃຫ້ຊາວລຸ່ມນໍ້າຂອງກັງວົນ
ເຂື່ອນໃນແມ່ນໍ້າຂອງ ທີ່ຈີນສ້າງແລ້ວ ແລະເຂື່ອນໄຊຍະບູຣີ ທີ່ກໍາລັງກໍ່ສ້າງ ເຮັດໃຫ້ຊາວລຸ່ມນໍ້າຂອງກັງວົນ
RFA

 

ການປ່ຽນແປງຂອງນໍ້າໃນແມ່ນໍ້າຂອງຕອນລຸ່ມພາຍຫລັງປະເທດຈີນໄດ້ສ້າງເຂື່ອນກັ້ນແມ່ນໍ້າຂອງຕອນເທິງສົ່ງຜົລກະທົບຕໍ່ປະຊາຊົນ ຫລາຍຢ່າງທັງການປູກຝັງ,ການປະມົງແລະການທ່ອງທ່ຽວ.ດັ່ງນັ້ນຊາວໄທຈຶ່ງມີຄວາມກັງວົນວ່າ ຫາກການສ້າງເຂື່ອນໄຊຍະບູຣີຂອງ ລາວສໍາເຣັດຈະມີຜົລກະທົບຕໍ່ຜູ້ຄົນທີ່ອາສັຍຢູ່ແຄມແມ່ນໍ້າຂອງ ຫລາຍກວ່າຜົນກະທົບຈາກເຂື່ອນຂອງຈີນ.ຕາມຄໍາເວົ້າຂອງຍານາງ ອ້ອມບຸນທິບສຸນາຕົວແທນເຄືອຂ່າຍປະຊາຊົນເຈັດແຂວງ ລຸ່ມແມ່ນໍ້າຂອງ ພາກອິສານຂອງໄທ:

"ຍານາງກ່າວວ່າ ຍອມຮັບກັນໄດ້ແລ້ວຫລືບໍ່ວ່າ ຜົລກະທົບຂ້າມຊາຍແດນ.ແຜນສ້າງເຂື່ອນໄຊຍະບູຣີບໍຣິສັດບອກວ່າຊໍການຊ່າງ ດຽວນີ້ຂໍປັບແຜນກ່ອນແລ້ວຈະສົ່ງໃຫ້ເບິ່ງ.ແຕ່ເຖິງປັດຈຸບັນຊາວບ້ານກໍຍັງບໍ່ເຫັນບໍ່ວ່າຂັ້ນໃດປານັ້ນຖືກປ່ຽນແປງໄປແນວໃດ ປາ ມັນຈະປີນຂັ້ນໄດ້ບໍ່,ເຮົາກໍຍັງບໍ່ທັນໄດ້ຮັບຄໍາຕອບ.ເຮົາເປັນຄົນ,ເຮົາມີສິດຮູ້,ຢ່າທໍາຮ້າຍກັນ.ລາວຈະບອກວ່າແມ່ນໍ້າຂອງທີ່ສ້າງ ເຂື່ອນຕັນນັ້ນຢູ່ໃນເຂດຂອງຕົວເອງນັ້ນບໍ່ໄດ້.ມັນເປັນແມ່ນໍ້າຂອງຄົນທຸກຊາດ ທີ່ແມ່ນໍ້ານັ້ນໄຫລຜ່ານ.ດັ່ງນັ່ນຈຶ່ງຕ້ອງເວົ້າກັນ ເຖິງການປ້ອງກັນ,ການປົວແປງ,ການມີສ່ວນຮ່ວມແລະຄວາມເທົ່າທຽມໃນການ ໃຊ້ນໍ້ານັ້ນ ນໍາດ້ວຍ".

ຊາວບ້ານທີ່ຢູ່ແຄມແມ່ນໍ້າຂອງໃນຫລາຍເຂດມີຄວາມເຫັນກົງກັນວ່າປີ 2013 ທີ່ຜ່ານມາເປັນປີທີ່ແມ່ນໍ້າຂອງບົກແລະແຫ້ງລົງຫລາຍ ທີ່ສຸດໃນຮອບ150ປີເຂື່ອນໃຫຍ່ໃນປະເທດຈີນເຮັດ ໃຫ້ການຂຶ້ນລົງຂອງນໍ້າຜິດປົກກະຕິ ໂດຍສະເພາະຊ່ວງເດືອນທັນວາ.ຣະດັບນໍ້າ ປ່ຽນແປງຄືນໍ້າຂຶ້ນເຖິງ7ແມັຕພາຍໃນມື້ດຽວ,ເຮັດໃຫ້ເກີດນໍ້າຖ້ວມຮົ້ວສວນຂອງຊາວບ້ານເປັນຈໍານວນຫລວງຫລາຍ.ປາໃນກະຊັງທີ່ ຊາວບ້ານລ້ຽງໃນແມ່ນໍ້າຂອງກໍຕາຍຍ້ອນນໍ້າໄຫລໄວ ຜິດປົກກະຕິ.ເຮືອແລະອຸປກອນຫາປາ ທີ່ຊາວບ້ານເອົາໄວ້ຢູ່ແຄມຂອງ ກໍຖືກ ນໍ້າພັດເອົາໄປເປັນຈໍານວນຫລວງຫລາຍ.

ຍານາງເວົ້າຕື່ມອີກວ່າຂນາດເຂື່ອນໃນປະເທດຈີນທີ່ຢູ່ຫ່າງໄກຈາກປະເທດໄທ 1 ພັນກວ່າຫລັກກິໂລແມັຕກໍຍັງມີຜົລກະທົບຂນາດ ນີ້;ແຕ່ໃນເມື່ອເຂື່ອນໄຊຍະບູຣີຊຶ່ງຕັ້ງຢູ່ຫ່າງປະເທດໄທພຽງ 200 ກວ່າຫລັກກິໂລແມັຕເທົ່ານັ້ນ ຈະສົ່ງຜົລກະທົບຫລາຍຂນາດໃດ.

ດັ່ງນັ້ນຈຶ່ງຢາກໃຫ້ຣັຖບານລາວແລະຣັຖບານໄທ ຊຶ່ງຖືວ່າມີສ່ວນໃນການກໍ່ສ້າງເຂື່ອນໄຊຍະບູຣີ ນັ້ນທົບທວນຄືນໃໝ່ເຖິງຜົລໄດ້ ແລະຜົລເສັຽທີ່ອາດຈະເກີດຂຶ້ນນັ້ນຕື່ມອີກ.

ເຂື່ອນໄຊຍະບູຣີຂອງລາວເປັນເຂື່ອນແຫ່ງທໍາອິດທີ່ກໍາລັງສ້າງກັ້ນແມ່ນໍ້າຂອງຕອນລຸ່ມ,ຈະມີກໍາລັງການຜລິດ1280ກວ່າແມັກກາວັດ, ເລີ່ມກໍ່ສ້າງເມື່ອທ້າຍປີ2012ໂຄງການນີ້ມີຊາວບ້ານ ໄດ້ຮັບຜົລກະທົບແລະຖືກໃຫ້ໂຍກຍ້າຍອອກຈາກບ້ານເດີມຂອງພວກເຂົາເຈົ້າ ໄປແລ້ວ2100ກວ່າຄົນຕາມກໍານົດຈະສ້າງໃຫ້ສໍາເຣັດໃນປີ 2019. ປັຈຈຸບັນສ້າງໄດ້ແລ້ວເກືອບຮອດ 30 ສ່ວນຮ້ອຍ.

ຄໍາເຫັນ (2)
Share

Lao 100%

ຈາກ Huk Laos

You could say that "declared of war" but the problem would not be fixed easily just like your peanut-size brain.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 25, 2014 05:08 PM

problem

ຈາກ Asia

Declare war and kill each other.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 24, 2014 03:25 PM

ເຕັມຫນ້າ