ການກໍ່ສ້າງເຂື່ອນເຊກະໝານ 3

ການກໍ່ສ້າງເຂື່ອນໄຟຟ້າເຊກະໝານ3 ໃນແຂວງເຊກອງ ຊຶ່ງເລີ້ມ ແຕ່ປີ 2006 ເປັນຕົ້ນມາແລະກໍານົດເປີດໃຊ້ໃນປີ 2012 ແຕ່ມາ ຮອດປັດຈຸບັນກໍຍັງບໍ່ສໍາເຣັດເທື່ອ ຍ້ອນທໍ່ສົ່ງນໍ້າໃນເຮືອນຈັກແຕກ ກໍາລັງສ້ອມແປງກັນຢູ່ແລະຄາດວ່າຈະເຍີ້ນເວລາໄປຕື່ມອີກ:

"ເຂື່ອນໄຟຟ້າເຊກະໝານ3 ກໍຍັງມີບັນຫາຢູ່ ເພາະວ່າເຂົາຍັງປັບ ປຸງຢູ່ ຍັງບໍ່ສາມາດນໍາໃຊ້ໄດ້ເຂົ້າໃຈວ່າເດືອນ 6 ເດືອນ 7 ມັນ ແຕກ ຄື ຍັງເອົາຊ່ຽວຊານປັບປຸງຢູ່ ທໍ່ດັນຂອງມັນ ທໍ່ໃຫ່ຽແລ້ວ ໂຮງປາວເວີ້".

ເຂື່ອນໄຟຟ້າ ເຊກະໝານ3 ເຄີຽເລື່ອນເວລາມາແລ້ວ ຄັ້ງນຶ່ງຫລັງ ຈາກໄດ້ຮັບຜົນກະທົບຈາກພາຍຸເກສນາເມື່ອປີ 2009 ແລ້ວເລື່ອນ ກໍານົດເປີດມາເປັນປີ 2012. ການລ້າຊ້າໃນການ ກໍ່ສ້າງນີ້ເຮັດໃຫ້ ບໍຣິສັດ ຕ້ອງຈ່າຍເງິນຄ່າກໍ່ສ້າງເພີ້ມຂຶ້ນຕື່ມ 20 ລ້ານໂດລາ.

ໂຄງການເຂື່ອນໄຟຟ້າ ເຊກະໝານ3 ຕັ້ງຢູ່ເມືອງດັກຈຶງ ແຂວງເຊກອງ ມີກໍາລັງຜລິດ 250 ເມກາວັດ ສ້າງໂດຍບໍຣິສັດ VLP ຂອງວຽດ ນາມ. ຫລາຍປີຜ່ານມານີ້ ຊາວບ້ານໃນແຂວງ ເຊກອງ ແລະອັຕະປື ໄດ້ຮັບຄວາມເດືອດຮ້ອນຫລາຍ ເພາະວ່າທາງບໍຣິສັດ ບໍ່ເອົາຫົວຊາ ນໍາສິ່ງແວດລ້ອມພໍເທົ່າໃດ ປະປ່ອຍໃຫ້ນໍ້າຂີ້ຕົມ ໄຫລລົງນໍ້າເຊ. ເທົ່າປານນີ້ ປະຊາຊົນແຂວງ ເຊກອງ ແລະອັຕະປື ບໍ່ສາມາດໃຊ້ນໍ້າຕາມ ປົກກະຕິໄດ້. ຊາວບ້ານທີ່ໄດ້ຮັບຜົນກະທົບຈາກເຂື່ອນເຊກະໝານ3 ມີປະມານ 200 ຫລັງຄາເຮືອນ ຫລື 1200 ຄອບຄົວ.