ກອງປະຊຸມພັທນາເພື່ອຄວາມ ຍືນຍົງ

ອຸ່ນແກ້ວ ສຸກສວັນ
2014-02-25
Share
f-mk ການພັທນາ ເຂື່ອນໄຟຟ້າ ຕ້ອງຮັບປະກັນ ຄວາມຍືນຍົງ (ຮູປຖ່າຍແມ່ນໍ້າຂອງ ຢູ່ເຂດສີ່ພັນດອນ)
RFA

 

ຕົວແທນຂອງບໍຣິສັດໄຟຟ້າພລັງນໍ້າໄດ້ປະຊຸມກັນຢູ່ນະຄອນຫລວງວຽງຈັນຊຶ່ງຖືວ່າເປັນການປະຊຸມກັນເທື່ອທຳອິດຂອງບັນດາກຸ່ມ ບໍຣິສັດທີ່ຮັບຜິດຊອບສ້າງເຂື່ອນໄຟຟ້າພລັງນ້ຳ.

ກອງປະຊຸມດັ່ງກາວໄດ້ເລັງໃສ່ການພັທນາເຂື່ອນໄຟຟ້າໃນລາວ ເພື່ອຮັບປະກັນຄຸນນະພາບທາງດ້ານເສຖກິດແລະຮັກສາສິ່ງແວດ ລ້ອມໃຫ້ຍືນຍົງ.ອີງຕາມການລາຍງານຂອງສຳນັກຂ່າວຊິນຫົວຂອງຈີນ.

ບໍຣິສັດວິສາຫະກິດທາງດ້ານການເງິນສາກົນຫລືໄອເອັຟຊີແລະສະພາການຄ້າແລະອຸດສາຫະກັມແຫ່ງຊາດລາວໄດ້ເປັນເຈົ້າພາບ ຈັດກອງປະຊຸມຄັ້ງນີ້ຊຶ່ງມີຜູ້ເຂົ້າຮ່ວມ 60 ກວ່າຄົນ ທີ່ເປັນຕົວແທນມາຈາກພາກສ່ວນທີ່ຮັບຜິດຊອບກໍ່ສ້າງເຂື່ອນໄຟຟ້າ.

ເຈົ້າໜ້າທີ່ຂັ້ນສູງຂອງສະພາການຄ້າແລະອຸດສາຫະກັມແຫ່ງຊາດໄດ້ກ່າວວ່າ: ການພັທນາເຂື່ອນໄຟຟ້າພລັງນໍ້າແມ່ນນຶ່ງໃນຄຳ ຕອບຂອງປະເທດລາວໃນການລຶບລ້າງຄວາມທຸກຍາກ.ປັດຈຸບັນ ສິ່ງທ້າທາຍຂອງພວກເຮົາກໍຄືການເຮັດໃຫ້ເກີດຄວາມຍືນຍົງ ແມ່ນເປັນບູຣິມະສິດຂອງທາງການລາວ.

ບັນດາຜູ້ເຂົ້າຮ່ວມຍັງໄດ້ປຶກສາຫາລືກັນກ່ຽວກັບການລົງທຶນແລະການສນັບສນູນທາງດ້ານການເງິນໃຫ້ແກ່ໂຄງການເພື່ອໃຫ້ເກີດ ຄວາມຍືນຍົງເຊັ່ນການຈັດການກັບຄວາມສ່ຽງເພື່ອໃຫ້ມີຄວາມ ຮັບຜິດຊອບຕໍ່ຜົນກະທົບທາງດ້ານສິ່ງແວດລ້ອມແລະສັງຄົມ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ