ບໍຣິສັດມາເລເຊັຽແກ້ຂ່າວ ເຣື້ອງ ເຂື່ອນ

ທ່ານ Peter Hawkins ເຈົ້າຫນ້າທີ່ ຝ່າຍ ວິຊາການ ຣະດັບ ສູງ ທີ່ ບໍຣິຫານ ຈັດການ ດ້ານ ສີ່ງແວດລ້ອມ ຈາກ ບໍຣິສັດ Mega First ຂອງ ມາເລເຊັຽ ໄດ້ ຕອບ ຄຳຖາມ ນັກຂ່າວ ກ່ຽວກັບ ໂຄງການ ເຂື່ອນ ດອນສະໂຮງ ໃນຊ່ວງ ທີ່ ທ່ານ ໄປຢ້ຽມຢາມ ພື້ນທີ່ ຈະມີການ ກໍ່ສ້າງ ໃນເດືອນ ທັນວາ ຜ່ານມາ ວ່າ, ເຂື່ອນ ດອນ ສະໂຮງ ເປັນ ເຂື່ອນ ນ້ອຍໆ ບໍ່ໄດ້ຕັນ ແມ່ ນ້ຳຂອງ ທັງຫມົດ ຕັນແຕ່ ຮູ ສະໂຮງ ໃນ ແມ່ນ້ຳຂອງ ເທົ່ານັ້ນ ບໍ່ໃຫຍ່ ຄື ເຂື່ອນ ຂອງຈີນ ທາງເທິງ ແມ່ນ້ຳຂອງ.

ດັ່ງນັ້ນ ຈະບໍ່ສົ່ງ ຜົລ ກະທົບ ຂ້າມແດນ ໄປສູ່ ປະເທດ ກຳພູຊາ ແລະ ວຽດນາມ ບໍ່ວ່າ ຈະເປັນ ທາງ ດ້ານ ສີ່ງ ແວດລ້ອມ ການ ປະໂມງ ເນື້ອທີ່ ອຸດົມ ສົມບູນ ຂອງ ວຽດນາມ ໃນເຂດ ສາມຫລ່ຽມ ປາກ ນ້ຳຂອງ ແລະ ການ ປະໂມງ ຂອງ ກຳພູຊາ.

ທ່ານວ່າ ຂໍ້ມູນ ທີ່ ນັກ ເຄື່ອນໄຫວ ດ້ານ ສິ່ງ ແວດລ້ອມ ແລະ ປະຊາຊົນ ທ້ອງຖິ່ນ ຈາກ ປະເທດ ເພື່ອນບ້ານ ໄດ້ມາ ກ່ຽວກັບ ຜົລ ກະທົບ ຕ່າງໆ ນັ້ນເປັນ ຂໍ້ມູນທີ່ ບໍ່ມີ ການວິຈັຍ ທາງ ດ້ານ ວິທຍາສາດ ເປັນການ ສຶກສາ ແລະ ປະເມີນຜົລ ຈາກ ນັກຂຽນ.

ເຂື່ອນ ດອນສະໂຮງ ເປັນ ເຂື່ອນ ນ້ອຍໆ ມີ ອ່າງ ເກັບນ້ຳ ພຽງແຕ່ 27 ພັນ ແມັດກ້ອນ ເທົ່ານັ້ນ ຢູ່ໃນ ສັດສ່ວນ ຂອງ ອ່າງ ນ້ຳຂອງ ໃນເຂດ ດັ່ງກ່າວ .01 ເປີເຊັນ ເທົ່ານັ້ນ ຈະບໍ່ສົ່ງ ຜົລ ກະທົບ ຕໍ່ ປະເທດ ເພື່ອນບ້ານ ແຕ່ຢ່າງໃດ.

ສຳລັບ ການ ຂຶ້ນລົງ ຂອງປາ ນັ້ນ ທ່ານວ່າ ຕັນແຕ່ ຮູ ສະໂຮງ ຮູດຽວ ຍັງມີ ຮູ ຊ້າງເຝືອກ ແລະ ຮູ ສະດຳ ສຳລັບ ປາ ຂື້ນລົງ ໄດ້ ຕລອດປີ ຮ່ວມທັງ ໂຄງການ ເຂື່ອນ ດອນສະໂຮງ ເປັນ ໂຄງການ ເຂື່ອນ ນ້ຳລີນ ປາ ສາມາດ ຂື້ນລົງ ໄດ້.