ເຂື່ອນ ໄຊຍະບູຣີ ຄືບໜ້າ

2013-06-27
ອີແມວລ໌
ຄໍາເຫັນ
Share
ພິມ
ຊາວໄທ ລຸ່ມ ແມ່ນໍ້າຂອງ ຍັງຕິດຕາມ ຕໍ່ຕ້ານ ການກໍ່ສ້າງ ເຂື່ອນ ໃສ່ ແມ່ນໍ້າຂອງ ໃນແຂວງ ໄຊຍະບູຣີ ຢ່າງບໍ່ລົດລະ
ຊາວໄທ ລຸ່ມ ແມ່ນໍ້າຂອງ ຍັງຕິດຕາມ ຕໍ່ຕ້ານ ການກໍ່ສ້າງ ເຂື່ອນ ໃສ່ ແມ່ນໍ້າຂອງ ໃນແຂວງ ໄຊຍະບູຣີ ຢ່າງບໍ່ລົດລະ
International river

 

ເຈົ້າຫນ້າທີ່ ໂຄງການ ເຂຶ່ອນ ໄຊຍະບູຣີ ທ່ານນຶ່ງ ເວົ້າວ່າ ໂຄງການ ກໍ່ສ້າງເຂຶ່ອນ ໄຊຍະບູຣີ ໄດ້ດຳເນີນ ການໄປໄດ້ 10 ສ່ວນຮ້ອຍ ແລ້ວ ແລະ ຄາດວ່າ ທຸກຢ່າງ ເປັນໄປ ຕາມແຜນການ. ດັ່ງ ທ່ານກ່າວ ໃນ ຕອນນຶ່ງ ວ່າ:

"ໂຄງການນີ້ ສຳເຣັດ ປັດຈຸບັນ 10% ແລ້ວ ຫມູ່ບ້ານ ຈັດສັນໃຫມ່ ປັດຈຸບັນ ເຮັດໄດ້ ແລ້ວ 2 ຫມູ່ ບ້ານ ຫລັງຈາກ ທີ່ຍ້າຍໄປ ຢູ່ ຫມູ່ບ້ານ ໃຫມ່ ກໍຈະຕ້ອງ ໄດ້ເບີ່ງແຍງ".

ທ່ານວ່າ ຕາມຂໍ້ມູນ ລ້າສຸດ ມາຮອດ ເດືອນ ມີຖຸນາປີ 2013 ວຽກງານ ກໍ່ສ້າງ ຖນົນ ຂົວ ທີ່ພັກ ຂອງ ພະນັກງານ ທີ່ພັກ ຂອງ ກັມມະກອນ ກໍ່ສ້າງ ສຳເຣັດແລ້ວ ສາມາດ ໂຍກຍ້າຍ ຊາວບ້ານ ມາຢູ່ບ່ອນ ຢູ່ໃຫມ່ ໄດ້ 2 ຫມູ່ບ້ານ ຄື ໄດ້ຍ້າຍ ຊາວບ້ານ ທີ່ ບ້ານຫວ້ຍສຸ້ຍ ມາຢູ່ ບ້ານ ນາຕໍໃຫຍ່ ເມືອງ ໄຊຍະບູຣີ ປະມານ 400 ຄົນ ແລະ ບ້ານ ປາກເນີນ ມາອາສັຍ ຢູ່ບ້ານຫີບ ເມືອງນ່ານ ແຂວງ ຫລວງພຣະບາງ ປະມານ 450 ຄົນ ຄາດວ່າ ໃນ ອະນາຄົດ ຈະໄດ້ ໂຍກຍ້າຍ ຊາວບ້ານ ຈາກ ບ້ານອຶ່ນໆ ອີກປະມານ 1,100 ຄົນ.

ໃນຂະນະ ດຽວກັນ ເຈົ້າຫນ້າທີ່ ຈາກ ບໍຣິສັດ ຊ ການຊ່າງ ຊຶ່ງ ເປັນຜູ້ໄດ້ ຮັບ ສຳປະທານ ໃນການ ກໍ່ສ້າງ ກໍເວົ້າວ່າ ຄຳວ່າ ເຂຶ່ອນ ອາດຈະບໍ່ ຖືກຕ້ອງ ຄວນເວົ້າ ວ່າຝາຍ ຈະດີກວ່າ ດັ່ງນາງ ກ່າວວ່າ:

"ມັນບໍ່ແມ່ນ, ຄຳວ່າ ເຂື່ອນ ມັນຈະເປັນ ລັກສນະ ກັ້ນນ້ຳໄວ້ ແຕ່ອັນນີ້ ມັນເປັນ ຝາຍ ນ້ຳລົ້ນ ໃຫ້ລອງນຶກ ພາບວ່າ ມັນເປັນນ້ຳ ຂອງ ແລ້ວເອົາ ຝາຍນ້ຳໄຫລ ມາ ວາງໃສ່ ເພາະຝາຍນ້ຳ ຄື ນ້ຳສາມາດ ໄຫລຜ່ານ ໄດ້ ເພາະວ່າ ພວກເຮົາ ຈະເອົາ ການໄຫລ ຂອງມັນມາ ປັ່ນໄຟຟ້າ".

ກ່ຽວກັບ ການໃສ່ຊຶ່ ນັ້ນ ນັກວິຊາການ ຫລາຍຄົນ ກໍຄັດຄ້ານ ຍ້ອນວ່າ ໂຄງການ ເຂຶ່ອນ ໄຊຍະບູຣີ ເປັນ ແບບດຽວກັນ ກັບການ ສ້າງເຂຶ່ອນ ບໍ່ແມ່ນ ຝາຍ ນ້ຳລົ້ນ.

ຄໍາເຫັນ (1)
Share

Souphaksone Silaphet

ຈາກ Vietniane Capital

Dear Respectable Journalists of RFA

The article "ເຂື່ອນ ໄຊຍະບູຣີ ຄືບໜ້າ" I would suggest that there be proper editing and checking for facts more. For example ບ້ານ ນາຕໍໃຫຍ່ NOT ບ້ານ ຕໍໃຫຍ່ . Furthermore, proper Lao journalism would not say "ມັນບໍ່ແມ່ນ", please see link and a lot of incorrect Lao spelling (also in other Lao language articles), ຖະນົນ NOT ຖນົນ

Please use the official names clearly. For example Rewat Suwannakitti has made those similar comments, but he uses different words. Please use him as proper reference. There is also correct name for the dam he uses.
http://www.youtube.com/watch?v=6drWcOUQ6H0

Wishing you great successes.

Souphakson Silaphet


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 28, 2013 10:37 AM

ເຕັມຫນ້າ