ອະດີດເຈົ້າຫນ້າທີ່ລາວ ເຊື່ອວ່າ ດອກງິ້ວຄໍາ ມີເບື້ອງຫຼັງ

ສິດນີ
2018-02-06
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ໂຮງຄາຊີໂນ ຢູ່ເມືອງຕົ້ນເຜິ້ງ ແຂວງບໍ່ແກ້ວ
ໂຮງຄາຊີໂນ ຢູ່ເມືອງຕົ້ນເຜິ້ງ ແຂວງບໍ່ແກ້ວ
RFA

ອະດີດເຈົ້າຫນ້າທີ່ ຣະດັບສູງ ສປປລາວ ທ່ານນຶ່ງເຊື່ອວ່າ ຄາຊີໂນ ຄິ້ງໂຣມັນ ໃນເຂດເສຖກິດພິເສດສາມຫລ່ຽມຄຳ ທີ່ແຂວງບໍ່ແກ້ວ ມີສ່ວນກ່ຽວຂ້ອງ ກັບກິຈກັມທີ່ຜິດກົດຫມາຍຫລາຍຢ່າງແທ້, ຕາມທີ່ກະຊວງການຄັງ ຂອງສະຫະຣັດຕັ້ງຂໍ້ກ່າວຫາ ເປັນຕົ້ນ ການຄ້າ ປະເວນີ ຄ້າຢາເສບຕິດ ຫລື ຊັກຟອກເງິນ ແລະຄ້າສັດປ່າ ຍ້ອນເຂດດັ່ງກ່າວ ເປັນເຂດປົກຄອງຕົນເອງ ຈຶ່ງຂ້ອນຂ້າງເສຣີໃນການ ດຳເນີນທຸຣະກິດໃນເຂດນີ້. ດັ່ງທ່ານກ່າວຕໍ່ເອເຊັຽເສຣີ ໃນມື້ວັນທີ 6 ມົກຣາ ນີ້ວ່າ:

"ຂ້າພະເຈົ້າຄິດວ່າໃບອະນຸຍາດນີ້ຖືກຕ້ອງ ແຕ່ການປະພືດຂອງບໍຣິສັດ ຫລືວ່າສະຖານທີ່ແຫ່ງນີ້ ກະຄົງຈະບໍ່ຖືກຕ້ອງເນາະ ມົ້ວສຸມການ ບໍຣິການທາງເພດ ສອງມາແມ່ນເຣື້ອງພົວພັນ ກັບຢາເສບຕິດ ເພາະວ່າຂ້າພະເຈົ້າ ກໍເຄີຍມີມູນຢູ່ວ່າ ເຈົ້າຫນ້າທີ່ເຂົ້າໄປ ກ່ຽວພັນຢູ່ນະ."

ທ່ານກ່າວຕື່ມວ່າ ຕາມປົກກະຕິເຈົ້າຫນ້າທີ່ ທ້ອງຖິ່ນທີ່ແຂວງບໍ່ແກ້ວ ບໍ່ສາມາດເຂົ້າໄປກວດສອບສິ່ງທີ່ຜິດກົດໝາຍ ໃນຄາຊີໂນດັ່ງກ່າວ ນີ້ໄດ້ເພາະເປັນສິດພິເສດ ຂອງເຂດດັ່ງກ່າວຢູ່ແລ້ວ ມີແຕ່ເຈົ້າຫນ້າທີ່ຂັ້ນສູນກາງ ສາມາດເຂົ້າໄປໄດ້ແຕ່ບໍ່ຮູ້ວ່າ ເຂົ້າໄປກວດກາຫຍັງແດ່ ບໍ່ໄດ້ເປີດເຜີຍ ຕໍ່ສື່ມວນຊົນຮູ້ ແຕ່ຢ່າງໃດ.

ທ່ານວ່າ ເຖິງຢ່າງໃດກໍຕາມ ທ່ານກໍຕ້ອງການຢາກໃຫ້ທາງການລາວ ເຂົ້າໄປກວດສອບໃນບັນຫາດັ່ງກ່າວ ແລະອອກຖແລງການ ໃຫ້ ມວນຊົນຮູ້ ກ່ຽວກັບຂໍ້ກ່າວຫາ ຂອງກະຊວງການເງິນ ຂອງສະຫະຣັດ ເພາະເປັນປະເດັ່ນຂ່າວໃຫຍ່ ຣະດັບໂລກ ແລະ ໃນຖານະທີ່ ຣັຖບານລາວ ອະນຸຍາດໃຫ້ເປີດຄາຊີໂນ ແຫ່ງນີ້.

ກ່ຽວກັບຂໍ້ກ່າວຫາດັ່ງກ່າວ ທ່ານ ຈ້າວ ເຫວີຍ ປະທານບໍຣິສັດດອກງິ້ວຄຳ  ກໍໄດ້ອອກຖແລງການຕອບໂຕ້ ທາງການສະຫະຣັດແລ້ວວ່າ ເຂດດັ່ງກ່າວໄດ້ດຳເນີນ ກິຈກັມຖືກຕ້ອງຕາມກົດຫມາຍ ທຸກຢ່າງ ບົນພື້ນຖານສັນຍາ ການສຳປະທານ ແລະເຈົ້າຫນ້າທີ່ ແຂວງບໍ່ແກ້ວ ກໍບອກວ່າ ຄາຊີໂນ ຄິ້ງໂຣມັນບໍ່ໄດ້ເຮັດກິຈກັມ ທີ່ຜິດກົດຫມາຍ ແຕ່ຢ່າງໃດ ຍ້ອນພາຍໃຕ້ການຄຸ້ມຄອງ ຂອງທາງການລາວ ຢ່າງເຄັ່ງຄັດ.

ຄໍາເຫັນ (2)
  • ພິມ
  • ໃຊ້ຮ່ວມກັນ
  • ອີແມວລ໌

(

Laos must name Mr Zhao Wei to be the second vice-president. I'm sure he knows how to turn things around. Laos will be a better place than Macau because Macau is in China and the Chinese might keep an eye on Mr Zhao's King Roman casino. Laos is a land of no law so Mr Zhao will have a more free hand to conduct his business. There's no limit in his imagination : prostitution, drug, illegal logging, wild animals of all kinds, human trafficking, arms trafficking,mines, silver, gold you name it... There will be more billionnaires. Well, I'm sad but hopeless for Lao people. As a saying goes. You have the government you deserve. Do Lao people deserve the government they've got ? I wish you all good luck and I hope I'll have compassion for you but probably not the money since I'm poor. :)


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 07, 2018 04:44 AM

(

ຄວາມຈິງແລ້ວ ສປປລາວ ກໍບໍຣິຫານປະເທດແບບເຖື່ອນໆ ເຫມືອນກັບ ບໍຣິສັດດອກງິ້ວຄຳ. ສປປລາວຈະເຣີນ ຈຳຫນ່າຍຢາບ້າ ຈຳຫນ່າຍໂສເພນີໃຫ້ຕ່າງປະເທດ ຕັດໄມ້ເຖື່ອນໄປຂາຍ ສົ່ງເສີມການຄ້າທີ່ຜິດກົດຫມາຍ ໃຫ້ການສະດວກນາຍທຶນ ເງິນເປືຶື້ອນມາຊັກຟອກເງິນ ໂດຍການເປີດກາຊີໂນ ເລື້ມຈາກກາຊີໂນຢູ່ບໍ່ເຕັນ ຊຶ່ງຈີນສັ່ງໃຫ້ປິດໄປແລ້ວ ເພາະມັນເຖືື່ອນໂພດ. ອັນນີ້ຄືຄວາມຈິງ ຊຶ່ງປະຊາຊົນລາວຮູ້ແຕ່ເຮັດຫຍັງບໍ່ໄດ້ ພະນັກງານຮູ້ແຕ່ປາກບໍ່ໄດ້ ຄະນະລັດຖະບານຮູ້ແຕ່ຢຶກບໍ່ໄ້ດ ເພາະຈະຫມົດອຳນາດ. ໃນທີ່ສຸດກໍໄ້ດກົ້ມຫົວ ໃຫ້ຕ່າງຊາດ ເຂົາເຮັດຫັຍງໄດ້ຕາມໃຈ. ພັກແລະລັດພາກັນກົ້ມຫົວກິນ ຄືກັບຫມູກິນຮຳ ບໍ່ຮູ້ວ່າມື້ໃດເຂົາຈະເປັນເຮັດເປັນສົ້ມຫມູ. ເວົ້າລວມແລ້ວ ສປປລາວ ເປັນຣະບອບການປົກຄອງ ທີ່ເປື່ອຍເຍື່ອຍທີ່ສຸດ ໃນປະວັດສາດຂອງຊາດລາວ ແຂງແຕ່ເປືອກນອກ ແຕ່ທາງໃນ ເຫນົ່າເຫມັນທີ່ສຸດ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 07, 2018 04:43 AM

ເຕັມຫນ້າ