ພະນັກງານໄຟຟ້າຫົງສາ ໄປ ອົບຮົມ ຢູ່ໄທ

ສິດນີ
2017-03-05
ອີແມວລ໌
ຄໍາເຫັນ
Share
ພິມ
ພະນັກງານ ບໍຣິສັດ ໄຟຟ້າຖ່ານຫີນ ຫົງສາລິກໄນ ທີ່ກໍາລັງຝຶກອົບຮົມ ວຽກງານການຊ່າງ ທີ່ ປະເທດໄທ
ພະນັກງານ ບໍຣິສັດ ໄຟຟ້າຖ່ານຫີນ ຫົງສາລິກໄນ ທີ່ກໍາລັງຝຶກອົບຮົມ ວຽກງານການຊ່າງ ທີ່ ປະເທດໄທ
RFA/PN

ໂຮງງານໄຟຟ້າຫົງສາ ລິກໄນ ເມືອງຫົງສາ ແຂວງ ໄຊຍະບູຣີ ໄດ້ສົ່ງ ພະນັກງານ ຄົນລາວຈຳນວນ 40 ຄົນ ໄປຝຶກອົບຮົມ ກ່ຽວກັບ ວຽກງານການຊ່າງ ທີ່ແຂວງນ່ານຂອງໄທ ຣະຫວ່າງ ວັນທີ 27 ກຸມພາ ຫາ ວັນທີ 3 ມິນາ 2017 ເພື່ອມາປະຕິບັດ ວຽກງານ ການຊ່າງ ທີ່ໂຮງໄຟຟ້າ ຫົງສາ ລິກໄນ ໃນລາວ.

ເຈົ້າຫນ້າທີ່ໂຮງງານໄຟຟ້າຫົງສາ ກ່າວວ່າປັດຈຸບັນ ໂຮງໄຟຟ້າຫົງສາ ມີພະນັກງານ ຄົນລາວຫຼາຍຂຶ້ນ ກຸ່ມດັ່ງກ່າວ ຕ້ອງໄດ້ ຝືກອົບຮົມ ກ່ຽວກັບ ການຊ່າງເພີ້ມຕື່ມ ໃນການ ປະຕິບັດ ຫນ້າທີ່. ດັ່ງນັ້ນ ຈຶ່ງໄດ້ສົ່ງ ພະນັກງານລາວ ຊຸດທຳອິດ 40 ຄົນ ໄປ ຝຶກອົບຮົມ ທີ່ແຂວງ ນ່ານ ຂອງໄທ ໃນຫຼາຍວິຊາ ທີ່ຈຳເປັນ. ດັ່ງທ່ານກ່າວ ຕໍ່ເອເຊັຽເສຣີ ໃນວັນທີ 2 ມິນາ ນີ້ວ່າ:

"ເພື່ອຕຽມເຂົ້າສູ່ ປະຊາຄົມອາຊຽນ ແລະເພື່ອພັທນາ ທັກສະອາຊີບ ໃຫ້ກັບປະຊາຊົນ ອາຊຽນ ແລະ ການເຊື່ອມພັນ ຣະຫວ່າງແຂວງນ່ານ ແລະ ແຂວງໄຊຍະບູຣີ ສປປລາວ".

ທ່ານກ່າວຕື່ມວ່າ ການຝຶກອາຊີບ ໃຫ້ແກ່ ຄົນງານລາວ ມີທັງພາກວິຊາການ ແລະ ພາກປະຕິບັດ ຕາມມາຕຖານ ໂຮງງານ ອຸດສາຫະກັມ ແລະ ການເຊື່ອມສຳພັນ ກັບບັນຫາ ປະເທດ ອາຊຽນ.

ໂຮງໄຟຟ້າ ຫົງສາລິກໄນ ມີພລັງການຜລິດ 1 ພັນ 878 ເມກາວັດ ກວມຄຸມເນື້ອທີ່ ປະມານ 60 ຕາຕະລາງ ກິໂລແມັດ ທີ່ເມືອງຫົງສາ ລາວແລະໄທ ໄດ້ຕົກລົງ ຊື້ຂາຍ ໄຟຟ້າ ໃນໂຄງການນີ້ ໃນປີ 2010 ໃນ ປາຣິມານ 1 ພັນ 473 ເມກາວັດ ໃນຣະຍະ 25 ປີ ໄຟຟ້າ ສ່ວນເຫລືອ ແມ່ນໃຊ້ ໃນລາວ.

ເຕັມຫນ້າ