ຍາດແຍ່ງທີ່ດິນກັນ ຈົກປືນ ຍິງຂຶ້ນຟ້າ

ໄຊຍາ
2019-03-18
ອີແມວລ໌
ຄໍາເຫັນ
Share
ພິມ
ຊາວບ້ານຢູ່ເຂດບ້ານນາໂນ ເມືອງໄຊເສດຖາ ນະຄອນຫລວງວຽງຈັນ ທີ່ອອກມາສັງເກດເຫດການ ທີ່ເກີດຂຶ້ນ
ຊາວບ້ານຢູ່ເຂດບ້ານນາໂນ ເມືອງໄຊເສດຖາ ນະຄອນຫລວງວຽງຈັນ ທີ່ອອກມາສັງເກດເຫດການ ທີ່ເກີດຂຶ້ນ
ຮູບພາບຈາກ : ນັກຂ່າວພົລເມືອງ

ມື້ວານນີ້ເກີດເຫດການຂັດແຍ່ງທີ່ດິນກັນ ຣະຫວ່າງ ຄອບຄົວ ພະນັກງານບຳນານ ກັບນັກທຸຣະກິດ ທີ່ເຂດບ້ານນາໂນ ເມືອງໄຊເສດຖາ ນະຄອນຫລວງວຽງຈັນ, ໃນເຫດການດັ່ງກ່າວ ຜູ້ເປັນນັກທຸຣະກິດ ບໍ່ພໍໃຈ ທີ່ຄອບຄົວ ພະນັກງານບຳນານ ປັກຫຼັກໝາຍ ກາຍເຂດແດນ ເຂົ້າມາ ຈຶ່ງຈົກປືນ ມາຍິງຂົ່ມຂູ່ ຄູ່ກໍຣະນີ, ດັ່ງປະຊາຊົນ ຜູ້ຢູ່ໃນເຫດການ ທ່ານນຶ່ງ ໄດ້ເວົ້າຕໍ່ ວິທຍຸ ເອເຊັຍ ເສຣີ ໃນມື້ນີ້ວ່າ:

"ເຣື່ອງຣາວມັນລະແມ່ນ ດິນ ທີ່ວ່າຣັຖຈັດສັນໃຫ້ພໍ່ແມ່ ພະນັກງານຫລາຍກະຊວງ ຫລາຍກົມຫັ້ນແຫລະ ແຕ່ວ່າມັນມີພະນັກງານບຳນານ ຜູ້ນຶ່ງຂາຍໃຫ້ຜູ້ທີ່ ຍິງປືນຂຶ້ນຟ້າ ພວກນັ້ນລະບໍ່ຮູ້ບຸກເບີກ ມາຖືກດິນລາວ."

ຕໍ່ເຫດການທີ່ເກີດຂຶ້ນ ຜູ້ທີ່ຍິງປືນຂົ່ມຂູ່ອ້າງວ່າ ຕົນເອງເປັນເຈົ້າຂອງ ທີ່ິດິນຕອນ ທີ່ຂັດແຍ່ງກັນ ຍ້ອນວ່າໄດ້ເຮັດໜັງສື ການຊື້ຂາຍ ກັບ ພະນັກງານບຳນານຄົນນຶ່ງ ທີ່ເປັນເຈົ້າຂອງດິນຜູ້ເກົ່າ. ດັ່ງນັ້ນຈຶ່ງບໍ່ພໍໃຈກັບຄອບຄົວ ພະນັກງານບຳນານ ທີ່ບຸກເບີກ ເນື້ອທີ່ດິນກາຍເຂດ ເຂົ້າມາ ຈຶ່ງເກີດມີການຜິດຖຽງກັນ ເຖິງຂັ້ນຮອດຍິງປືນຂົ່ມຂູ່ກັນ.

ເຖິງແນວໃດກໍຕາມ ປັດຈຸບັນ ເຈົ້າໜ້າທີ່ເມືອງໄຊເສດຖາ ໄດ້ເຂົ້າມາໄກ່ເກັ່ຍບັນຫາ ທີ່ເກີດຂຶ້ນແລ້ວ ໂດຍໄດ້ແຕ່ງຕັ້ງ ຄນະກັມມະການ ສອບສວນເຣື່ອງນີ້ຢູ່, ດັ່ງເຈົ້າໜ້າທີ່ ກ່າວວ່າ:

"ກະຍັງປົກກະຕິ ຄືເກົ່າຫັ້ນແຫລະ, ເພາະວ່ານັກຂ່າວພາກສ່ວນນຶ່ງ ກະລົງໄປແລ້ວເດ້ ກະຍັງບໍ່ທັນຣະອຽດປານໃດນະ, ເຣື່ອງທັມມະດາ ຊື່ໆດອກ ອັນນັ້ນນະ."

ສ່ວນປືນຂອງນັກທຸຣະກິດ ທີ່ໃຊ້ຍິງຂຶ້ນຟ້າຂົ່ມຂູ່ ຄູ່ກໍຣະນີນັ້ນ, ໃນຂນະນີ້ທາງເຈົ້າໜ້າທີ່ ປກສ ເມືອງໄຊເສດຖາໄດ້ຍຶດເອົາໄວ້ແລ້ວ, ເຊິ່ງ ເປັນປືນ ທີ່ມີໜັງສືອະນຸຍາດ ຖືກຕ້ອງ ອອກໃຫ້ໂດຍຫ້ອງການ ສັນຕິບານ ທີ່ຂຶ້ນກັບ ກອງບັນຊາການ ປກສ ນະຄອນຫລວງວຽງຈັນ.

ຄໍາເຫັນ (4)
Share

(

It sounds like the Magnificent Seven ! Long live the scum Lao party-state.How can you sleep at night ? You are the laughing-stock of mankind ! Claps claps.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 21, 2019 06:22 AM

(

Since there's no justice in Laos only the strong will prevail. The strong are the party-state's families and friends. This is the regime the whole free world must fight and condemn in whatever way possible. This kind of regime must be wiped out of the earth in order to make it a better place for mankind.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 21, 2019 06:16 AM

ດວງໃຈ

ຈາກ ໄຊຖານີ

ປະເທດລາວ ພັກລັດ ສປປລາວ ບໍ່ມີນະໂຍບາຍທີ່ສອດຄ່ອງ, ປະຊາຊົນທີ່ດິນກໍ່ຖືກພັກລັດຢືດຂາຍ, ນາບຂູ່,ຕໍ່ນີ້ໄປປະເທດລາວ ຈະກາຍເປັນອຳນາດປາຍປືນ. ທີ່ດີນ, ທ້ອງຕະລາດຫລາຍໆແຫ່ງໃນສປປລາວ ຖືກພັກລັດຢືດຂາຍໄປໃຫ້ຄົນຈິນ ເກືອບຈະໝົດແລ້ວ. ຂ້າລາຊະການເບ້ຍບຳນານ ແລະຂ້າລາຊະການລັດອື້ນໆ ທີ່ພັກລັດຈັດສັນທີ່ດິນໃຫ້ກໍ່ບໍ່ມີໃບຕາດິນ ທີ່ຖືກຕ້ອງຕາມເນຶ້ອທີ່ຂອງໃຜມັນຈິງເປັນເຫດໃຫ້ ຂ້າລາຊະການອອກມາຍາດແຍ່ງກັນ, ໃຊ້ມືປືນມານາບຂູ່ຊິງກັນແລະກັນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 21, 2019 06:03 AM

(

ຂ້ອຍເອັງກໍເວົ້າແລ້ວແລະເວົ້າອີກ ແລະເວົ້າມາຕະລອດ ວ່ານັກທຸລະກິດນັກລົງທືນ ນັກອີຫັຽງກໍແລ້ວແຕ່ ຖ້າເປັນຂອງຄົນລາວ ຢູ່ໃນປະເທດລາວທັງໝົດ ທີ່ເປັນເຈົ້າຂອງມັນແມ່ນ ເຊື້ອສາຍຄານະຍາດຂອງພັກລັດ ຂອງຜູ້ມີອໍານາດ ທີ່ບໍລິຫານປະເທດ ແບບຜະເດັດການ ແລະຂາດຄຸນສົມບັດ, ຂາດສັດຈະທໍາ, ຂາດຄວາມຮູ້ຄວາມສາມາດ, ລວມໆແລ້ວກໍຄືຂາດການທີ່ຈະເປັນມະນຸດ ທີ່ມີຈິດໃຈເອື້ອເຟື້ອເພື່ອແພ່, ຊ່ວຍເຫຼືອຊຶ່ງກັນນັ້ນເອັງ, ຕົວຢ່າງເຖີງເຈົ້າສິທຸກຍາກປານໄດກໍ່ຢ່າ ຂໍແຕ່ໄຫ້ຂອ້ຍຮັ່ງມີ ແລະລໍ້າລວຍລວມໄປເຖີງໂຄດຕະກູນ ຂອງພວກເພີ່ນທັງໝົດເທົ່ານັ້ນ, ປະຊາຊົນສິທຸກຍາກປານໄດ ພວກເພີ່ນກໍບໍ່ໄດ້ສົນໃຈ ແລະບໍ່ໄດ້ພິຈາລະນາແກ້ໄຂອີຫັຽງເລີຍ, ຂະນາດວ່າໂຄດຕະກູນ ຜູ້ມີອໍານາດອອກໄບຄຸ້ມຄອງ ແລະທະບຽນໃນການໄຊ້ອາວຸດ ທີ່ຖືກຕ້ອງໄຫ້ເພື່ອເອົາໄປຂົ່ມຂູ່ ປະຊາຊົນຜູ້ທີ່ເຂົາຂັດຂືນ ຫຼືຂັດຂວາງເທົ່ານັ້ນ,


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 21, 2019 06:02 AM

ເຕັມຫນ້າ