ຊາວໜຸ່ມລາວຕ້ອງຝຶກໜັກ ຮັບມື ອາຊຽນ

ສິດນີ
2016-01-08
ອີແມວລ໌
ຄໍາເຫັນ
Share
ພິມ
ຊາວໜຸ່ມລາວ ໃນນະຄອນຫຼວງ ວຽງຈັນ ທີ່ຊອກສແວງຫາ ຄວາມກ້າວໜ້າ ໃນວິຊາຄວາມຮູ້ ຮອບດ້ານ
ຊາວໜຸ່ມລາວ ໃນນະຄອນຫຼວງ ວຽງຈັນ ທີ່ຊອກສແວງຫາ ຄວາມກ້າວໜ້າ ໃນວິຊາຄວາມຮູ້ ຮອບດ້ານ
RFA/LX

ຊາວຫນຸ່ມລາວ ຜູ້ນື່ງ ທີ່ພໍມີ ຄວາມຮູ້ ແລະ ປະສົພການ ກ່ຽວກັບ ປະຊາຄົມ ເສຖກິດ ອາຊຽນ ໃຫ້ ທັສນະ ກ່ຽວກັບ ຊາວຫນຸ່ມ ລາວ ໂດຍທົ່ວໄປ ວ່າ,  ເຖິງວ່າ ໃນ ປັດຈຸບັນ ປະຊາຄົມ ເສຖກິດ ອາຊຽນ ໄດ້ເລີ້ມຂຶ້ນ ຢ່າງ ເປັນທາງການ ແລ້ວກໍຕາມ, ແຕ່ ຊາວຫນຸ່ມລາວ ທົ່ວປະເທດ ຍັງຂາດ ຄວາມຮູ້ ແລະ ຄວາມເຂົ້າໃຈ ຢ່າງ ລຶກຊຶ້ງ ເຖິງຜົລໄດ້ ຜົລເສັຽ, ໂອກາດ ແລະ ອຸປສັກ ທີ່ ຈະຕາມມາ ຫລັງຈາກ ສປປ ລາວ ເຂົ້າຮ່ວມ ປະຊາຄົມ ອາຊຽນ ແລ້ວ.

ທ່ານວ່າ ຊາວຫນຸ່ມລາວ ຫຼາຍຄົນ ຕ່າງກໍຮູ້ວ່າ ປີ 2016 ແມ່ນປີ ເປີດ ສັກຣາດໃຫມ່ ຂອງການ ເຂົ້າຮ່ວມ ປະຊາຄົມ ເສຖກິດ ອາຊຽນ ແຕ່ ຊາວຫນຸ່ມລາວ ສ່ວນຫຼາຍ ຍັງຂາດ ຄວາມກະຕື ລືລົ້ນ ໃນ ການພັທນາ ຕົນເອງ ໃຫ້ທຽບທັນ ກັບ ປະເທດ ເພື່ອນ ບ້ານ. ດັ່ງ ທ່ານກ່າວຕໍ່ ເອເຊັຽເສຣີ ໃນ ວັນທີ 7 ມົກກະຣາ ນີ້ວ່າ:

"ກະໄດ້ຍິນ ເພິ່ນລົມກັນ ຢູ່ໃດລະ ແຕ່ກະຄື ຂະເຈົ້າ ເວົ້າຫັ້ນລະ ບໍ່ເຫັນໃຜ ຊິມີຄວາມ ສາມາດ ຕື່ນຕົວວ່າ ເອີຍປີຫນ້າ ຊິເຂົ້າ AEC ລະໃດ ເບິ່ງ ກູຊິໄປຮຽນ ພາສາ ອັງກິດ ເພີ້ມກ່ອນ ຢ້ານຕົກງານ ຕົກຫຍັງ ກະບໍ່ເຫັນວ່າ ໃຜຊິມີ ຄວາມຕື່ນໂຕ ຈັ່ງຊັ້ນ ຫັ້ນນະ ມີແຕ່ຮູ້ວ່າ ປີ ເປັນ ເອອີຊີ ອີ່ຫຍັງ ຈັ່ງຊີ້".

ທ່ານກ່າວ ຕື່ມວ່າ ເຖິງແມ່ນວ່າ ການເຂົ້າຮ່ວມ ປະຊາຄົມ ເສຖກິດ ອາຊຽນ ຈະເຮັດໃຫ້ ຕລາດການ ບໍຣີໂພກ ແລະ ການ ບໍຣິການ ກວ້າງຂວາງ ຂຶ້ນກໍຕາມ, ແຕ່ມັນ ຈະເຮັດໃຫ້ ສປປ ລາວ ເສັຽປຽບ ຫຼາຍດ້ານ ເປັນຕົ້ນ ພາກເສຖກິດ ແລະ ການຄ້າ ທີ່ ພາກສ່ວນ ການຜລິດ ເພື່ອສົ່ງອອກ ຍັງບໍ່ໄດ້ ຮັບການສົ່ງເສີມ ຈາກ ພາກຣັດ ເທົ່າ ທີ່ຄວນ ຊຶ່ງເປັນ ການສະທ້ອນ ໃຫ້ເຫັນວ່າ ຜລິຕພັນ ຂອງລາວ ຈະບໍ່ສາມາດ ທຽບເທົ່າ ແລະ ແຂ່ງຂັນ ໃນຕລາດ ອາຊຽນ ໄດ້. ທ່ານກ່າວ ເພີ້ມວ່າ:

"ແມ່ນຢູ່ວ່າ ເວລາເຮົາ ຮວມຕົວ ກັນແລ້ວ ຊິເຮັດໃຫ້ ຖານະການຕລາດ ຫລືວ່າ ຂນາດ ຂອງຕລາດ ມັນກວ້າງຂຶ້ນ ຄວາມໝາຍວ່າ ຊິສາມາດ ສົ່ງສິນຄ້າ ອອກໄປໄດ້ ຫຼາຍຂຶ້ນ ກວ່າເກົ່າ ແຕ່ວ່າສິນຄ້າ ຂອງ ປະເທດເຮົາ ມັນທຽບໄດ້ ແລ້ວບໍ ກັບ ປະເທດເຂົາ ມັນແຂ່ງເຂົາ ໄດ້ແລ້ວບໍ ອັນນັ້ນ ແມ່ນຈຸດ ເສັຽປຽບ ຂອງເຮົາ".

ໃນທີ່ສຸດ ທ່ານເວົ້າວ່າ ຊາວຫນຸ່ມລາວ ເປັນ ອະນາຄົດ ຂອງຊາດ ຫນ້າເສັຽດາຍ ທີ່ ຣັຖບານລາວ ຍັງຂາດກົນໄກ ເຄື່ອງມື ໃນ ການຊຸກຍູ້ ແລະ ປຸກຣະດົມ ຊາວຫນຸ່ມ ໃຫ້ມີຄວາມ ກະຕືລືລົ້ນ ໃນການພັທນາ ວິຊາສະເພາະ ແລະ ສີມື ແຮງງານ ຂອງຕົນ ໃຫ້ສາມາດ ແຂ່ງກັບ ປະເທດ ອື່ນໄດ້.

ຄໍາເຫັນ (4)
Share

Lao

ຈາກ Lao

Mr thongsing and choumaly they're not event understand AEC ether how they're going to explaint to all lao young kids.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 26, 2016 11:20 AM

Lao

ຈາກ V/T

Lao government never have anything good in education program at all just kaison and mark lee Neil picture and tell a young kids we are going to be there and be with them.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 22, 2016 11:55 AM

ลาว

ຈາກ ไกรชอกลีก

ผมยากจะมีคำถามตํ่คุนจูมมาลีด้วยนะท่านจูมคงจะพบประผู้นำหลายประเทรในกุ่รมอาเชี่อนเปันย่างดีแล้วทำไมคุนไม้กานเผียแพ่รและฝึกอบรมชาวหู่นมและเยาวะชนไห้รู้ของกดกานเข้าเปันสะมาชิกเสียก่อนนี่ทางการลาวมาไห้เขากระทําพายหัลงที่ได้เข้าเปันสะมาชิก,ผมไม้เข้าใจการบํริหารประเทดของพวกท่านบํริหารประเทดโดยไม่มีพรูมปันยาและหัวคิดทึ่ทันสมัยในยุกประจุบันยังเอาแนวทางของท้าวไกรสอรมานําไช้มันนานแล้ว 40หา 50ปีพ่านมาแล้ว.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 10, 2016 02:15 PM

ກົງທອງ

ຈາກ ຊຳເຫນືອ

ສະແຕກຕາຍ ຕັ້ງແຕ່ເຫຼົ້າເບຍ ຊິພາກັນໄປແຂ່ງຫຍັງເຂົາໄດ້ເດ່ ພວກລູກຫຼານລາວເອີຍ ຈັ່ງແມ່ນຄັກ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 10, 2016 02:12 PM

ເຕັມຫນ້າ