ໃບຕາດິນຊໍ້າກັນນັບ 100 ໃນປີ ຜ່ານມາ

ໄຊຍາ
2018-12-04
ອີແມວລ໌
ຄໍາເຫັນ
Share
ພິມ
ການແກ້ໄຂ ບັນຫາທີ່່່່ດິນ ໃນທົ່ວປະເທດ ສປປລາວ ຍັງຈະແກ່ຍາວ
ການແກ້ໄຂ ບັນຫາທີ່່່່ດິນ ໃນທົ່ວປະເທດ ສປປລາວ ຍັງຈະແກ່ຍາວ
RFA/Lx

ເມື່ອປີຜ່ານມາໜ່ວຍງານ ກ່ຽວຂ້ອງໄດ້ກວດເຫັນ ການນໍາໃຊ້ໃບຕາດິນທັບຊ້ອນຫຼາຍກ່ວາ 100 ກໍຣະນີໃນນັ້ນຮວມທັງການຈັບຈອງທີ່ດິນ ໂດຍໃຊ້ໃບຕາດິນປອມ, ການແບ່ງເຂດຄຸ້ມຄອງທີ່ດິນຣະຫວ່າງ ບ້ານກັບບ້ານ, ເມືອງກັບເມືອງ ແລະການເອົາ ໃບຕາດິນໄປຄໍ້າປະກັນ ກູ້ຢືມເງິນຈາກທະນາຄານ ຫລື Copy ໃບຕາດິນທີ່ຂາຍແລ້ວໄປຂາຍອີກທອດນຶ່ງ. ດັ່ງເຈົ້າໜ້າທີ່ກະຊວງ ຊັພຍາກອນທັມມະຊາດ ແລະ ສິ່ງແວດລ້ອມໄດ້ເວົ້າວ່າ:

ສ່ວນຫລາຍຂະເຈົ້າຈະໃຊ້ໃບຕາດິນປອມຫັ້ນ ອັນເອົາໄປຈຳນໍາ ຫລືວ່າເອົາໄປຈໍານຳກັບທະນາຄານ ເພື່ອກູ້ຢືມເງິນອອກມາຈັ່ງຊີ້ຫັ້ນນ່າ ທົ່ວປະເທສ 100 ກວ່າ ກໍຣະນີ ໃບຕາດິນປອມນີ້ມັນເກີດຂຶ້ນ ແພ່ຫລາຍນີ້ມັນກໍຍ້ອນມາຈາກ ຫຼາຍພາກສ່ວນນີ້ທີ່ວ່າ ມີສ່ວນຮ່ວມຢູ່ນໍາ ນຳຂະບວນການທີ່ເຮັດໃບຕາດິນປອມນີ້ຫັ້ນນ່າ."

ທ່ານກ່າວຕື່ມວ່າ ສຳລັບການຈັບຈອງທີ່ດິນຣັຖ ໂດຍບໍ່ມີການພັທນາ ບໍ່ມີການເຄື່ອນໄຫວ ທຸຣະກິດໃດໆເລີຍ ປະດິນໄວ້ ທົ່ວປະເທດ ກວດເຫັນໃນຈຳນວນ 1,758 ໂຄງການໃນນັ້ນມີ 201 ໂຄງການບໍ່ມີການເຄື່ອນໄຫວຫຍັງເລີຍ, 160 ໂຄງການເຊົາກ່ອນ ກຳນົດແລະ 77 ໂຄງການ ປະລະບໍ່ເອົາໃຈໃສ່ ຮວມທັງ 438 ໂຄງການ ແລະ ຫລາຍໂຄງການຈັບຈອງ ເພື່ອເອົາດິນໄປຂາຍ ຕໍ່ໃຫ້ນາຍທຶນ ອີກທອດນຶ່ງ ບາງກໍຣະນີ ທີ່ເປັນໃບຕາດິນທັບຊ້ອນ.

"ນາຍທຶນຫັ້ນນ່າ ບໍ່ມີຄວາມຊັດເຈັນໃນການລົງທຶນ ໃນການພັທນາ ໝາຍຄວາມວ່າມີແຜນ ທີ່ຈະພັທນາບ່ອນນີ້ ແຕ່ວ່າມັນມີແຕ່ແຜນ ແຕ່ ບໍ່ມີການພັທນາ ນາຍທຶນບໍ່ພັທນາທີ່ດິນຫັ້ນ ແທ້ໆຫັ້ນນ່າ ມີແຕ່ຈອງເອົາ ແຕ່ວ່າໄປຂາຍໃຫ້ກັບນາຍທຶນ ບຸກຄົນອື່ນ ມັນກໍ່ຈະມີຫລາຍ."

ອີງຕາມແຈ້ງການຈາກທະນາຄານແຫ່ງຊາດລາວ ສະບັບເລກທີ 302/ທຫລ ລົງວັນທີ 09 ສິງຫາ ປີ 2017 ກ່ຽວກັບໃບຕາດິນຊໍ້າຊ້ອນ ຈາກການເອົາໄປຄໍ້າປະກັນ ກັບທະນາຄານຕ່າງໆ ມີທັງໝົດ 100 ປາຍກໍຣະນີ ໃນນັ້ນທະນາຄານ ສົ່ງເສີມກະສິກັມ ມີ 67 ກໍຣະນີ, ທະນາຄານພັທນາລາວ 23 ກໍຣະນີ, ທະນາຄານນະໂຍບາຍ 4 ກໍຣະນີ, ທະນາຄານການຄ້າຕ່າງປະເທສ 1 ກໍຣະນີ, ທະນາຄານເອສທີ 1 ກໍຣະນີ ແລະ ທະນາຄານ ພົງສະຫວັນ 1 ກໍຣະນີ.

ຄໍາເຫັນ (2)
Share

ລາວ

ຈາກ ໄຕ້

ໄບຕາດິນສັບຊ້ອນນັ້ນມັນແມ່ນກະທໍາໂດຍເຈດຕະນາ ຂອງຜູ້ມີອາໍນາດນັ້ນເອັງ ແລະແມ່ນໄຜທຸກໆຄົນຄົງຈະຮູ້ດີ ຄັນບໍ່ແມ່ນພັກລັດເຮັດແລ້ວ ປະຊາຊົນທໍາມະດາຄືຂ້ອຍເຮັດບໍ່ໄດ້ດອກ ຕອ້ງຖືກຈັບໂລດ ແລະຢາກຖາມພັກລັດແດ່ວ່າ ກວດພົບແລ້ວ ສິເຮັດມາດຕະການແບບໄດ ກັບພວກນີ້ຢ່າງໄດຕໍ່ໄປ, ຢ່າງໄດກໍດີຂໍຢ່າປ່ອຍມັນໄປຄືກັບກໍລະນີອື່ນໆທີ່ຜ່ານມາ ,ແລະຢາກໄຫ້ລັດທະບານທອງລຸນ ປະຕິຮູບກັບກົມຄູ້ມຄອງທີ່ດີນໄໝ່ ຄືການປ່ຽນລະບົບໄໝ່ ແລ້ວຄັດເລືອກເອົາພະນັກງານ ທີ່ຈິດໃຈຮັກຊາດມາເຮັດແທນສາຈະດີກ່ວາ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 06, 2018 04:50 AM

ຜູ້ອ່ານທີ່ບໍ່ອອກຊື່

ກົດໝາຍວ່າດ້ວຍທີ່ດີນນັ້ນຂ້ອຍຢາກຖາມຜູ້ນໍາພາແດ່ວ່າເຮັດຂື້ນມາເພື່ອອີຫັຽງທ່ານ,ເພື່ອປົກປ້ອງປະຊາຊົນຜູ້ທີ່ມີສິດເປັນເຈົ້າຂອງທີ່ດິນຫຼືເພື່ອໄປຍາດແຍ່ງເອົາທີ່ດິນຂອງປະຊາຊົນ,ຂ້ອຍບອກໄດ້ເລີຍວ່າແຕ່ພວກທ່ານກໍາອໍານາດມາຕັ້ງແຕ່ກ່ອນຈົນມາຮອດປະຈຸບັນນີ້ປະຊາຊົນໄດ້ເສັຽທີ່ດິນໄປໄຫ້ກັບນັກລົງທືນຕ່າງປະເທດໂດຍພ່ານນະໂຍບາຍຂອງພວກທ່ານແລະການສໍ້ກົງຂອງພວກສວຍໂອກາດຂອງຜູ້ມີອໍານາດຂອງພວກທ່ານນັ້ນມັນບໍ່ມີ່ດ໋ອກ100ກໍລະນີ,ມັນມີທົ່ວທຸກແຂວງຂອງປະເທດ,ພວກທ່ານຄົງຮູ້ຢູ່ແກ່ໃຈແລ້ວແມ່ນບໍ?ຂ້ອຍເອັງກໍບໍ່ຮູ້ວ່າຜູ້ໃດທີ່ອອກຫົວຄິດໄຫ້ແຕ່ງຕັ້ງເອົາກົດໝາຍທີ່ໄຊ້ຄໍາວ່າໄຫ້ຫັນເອົາດິນເປັນທືນເພື່ອພັດທະນາຂື້ນມາ,ແລະຄໍາເວົ້າຄໍານີ້ລະທີ່ເຮັດໄຫ້ທີ່ດິນຂອງປະຊາຊົນເສັຽໄປໃຫ້ພວກທ່ານແລະພວກນາຍທືນຫຼືຜູ້ມີອໍານາດນັ້ນເອັງ,ທ່ານຜູ້ນໍາ!ແຕ່ກ່ອນພວກເຮົາປະຊາຊົນບໍ່ໄດ້ມີໂອກາດທີ່ຈະໄດ້ເຂົ້າເຖີງຂໍ້ມູນແລະຄວາມກ້າວໜ້າຂອງມະນຸດ,ໃນລະຍະ40ປີຜ່ານມາໃນລະບົບການສືກສາກໍມີແຕ່ສອນໄຫ້ກັນຮູ້ຈັກບຸນຄຸນຂອງພັກຂອງລັດ,ຮັກສາລະບອບໄໝ່,ຕັ້ງໜ້າເອົາໃຈໄສ່ປົກປັກຮັກສາລະບອບໄໝ່,ຍຶດຖືແລະສືບຕໍ່ມູນເຊື້ອທີ່ອົງອາດກ້າຫານເຂົ້າໃນການຕໍ່ສູ້ຍາດແຍ່ງເອົາໃຊຊະນະຈາກຈັກກະພັດແລະລູກແຫຼ້ງຕີນມືຂອງພວກມັນ,ແລະຄໍາສັ່ງສອນເຫຼົ່ານີຍັງມີມາສອນກັນທົ່ວປະເທດແລະຂ້ອຍເອັງກໍຍັງບໍເຂົ້າໃຈຄໍາທີ່ວ່າຍາດແຍ່ງເອົາໄຊຊະນະຈາກຈັກກະພັດນັ້ນຈົນຮອດທຸກມື້ນີ້ເລີຍ,ນີ້ລະຄືການສຶກສາຢູ່ໃນລາວ.

Dec 04, 2018 12:01 PM

ເຕັມຫນ້າ