ຊາວບ້ານຕ້ອງການທີ່ດິນ ປູກຝັງ

ຈໍາປາທອງ
2018-09-13
Share
F-xayaburi-dam ເຂື່ອນໄຟຟ້າ ໄຊຍະບູຣີ
Screen captured ; Tholakhong

ປະຊາຊົນ 15 ບ້ານ ທີ່ໄດ້ຮັບຜົລກະທົບ ແລະຖືກໃຫ້ໂຍກຍ້າຍ ຍ້ອນໂຄງການເຂື່ອນໄຟຟ້າໄຊຍະບູຣີ ຮຽກຮ້ອງໃຫ້ຣັຖບາລ ຊ່ອຍຫາດິນ ປູກຟັງໃຫ້ຕື່ມ ຍ້ອນວ່າດິນຈັດສັນ ທີ່ຣັຖບາລແບ່ງໃຫ້ຄອບຄົວນຶ່ງບໍ່ຮອດ 1 ເຮັກຕານັ້ນ ບໍ່ພຽງພໍສໍາລັບການປູກຝັງ ລ້ຽງຊີບ. ດັ່ງປະຊາຊົນ ຜູ້ໄດ້ຮັບຜົລກະທົບ ຢູ່ບ້ານຈັດສັນຄົນນຶ່ງ ກ່າວຕໍ່ວິທຍຸເອເຊັຍເສຣີ ໃນມື້ວັນທີ 13 ກັນຍາ ນີ້ວ່າ:

"ອັນນັ້ນເພິ່ນໃຫ້ຄ່າຊົດເຊີຍໝົດແລ້ວ ຂໍ້ຫຍຸ້ງຍາກໃນການຂໍເຣຶ່ອງດິນ ທໍາການຜລິດເອີ.. .ກໍມີຢູ່ ແຕ່ມັນບໍ່ພຽງພໍ ເພາະວ່າຄອບຄົວນຶ່ງໄດ້ແຕ່ 0.07 ບໍ່ຮອດເຮັກຕາຊໍ້າ."

ທ່ານກ່າວອີກວ່າ ທີ່ຜ່ານມາ ປະຊາຊົນທີ່ໄດ້ຮັບຜົລກະທົບຈາກ ເຂື່ອນໄຊຍະບູຣີ ທັງໝົດເກືອບ 3 ພັນຄົນ ໃນ 15 ບ້ານ, 663 ຄອບຄົວ ໄດ້ສົ່ງໜັງສືຮຽກຮ້ອງໄປຍັງ ຫ້ອງການປົກຄອງແຂວງໄຊຍະບູຣີ ແລ້ວ ເພື່ອຂໍທີ່ດິນເພີ້ມຕື່ມ ສໍາລັບປູກເຂົ້າ, ເຮັດສວນ ຫລືທໍາການຜລິດ ກະສິກັມອື່ນໆ ພໍໄດ້ລ້ຽງຄອບຄົວ. ແຕ່ຍັງບໍ່ທັນໄດ້ຮັບຄໍາຕອບເທື່ອ.

ສ່ວນເຣຶ່ອງຄ່າຊົດເຊີຍຄວາມເສັຍຫາຍ ມາເຖິງປັດຈຸບັນ ທາງການລາວ ກໍຍັງບໍ່ເປີດເຜີຍຣາຍລະອຽດວ່າ ຈະໃຫ້ຄອບຄົວນຶ່ງເທົ່າໃດກັນແທ້.

ປັດຈຸບັນ ປະຊາຊົນຫຼາຍກວ່າ 20% ໃນຈໍານວນ 200 ຄອບຄົວ ປະສົບກັບຄວາມທຸກຍາກຫຼາຍ ຍ້ອນວ່າບໍ່ມີອາຊີບໝັ້ນຄົງ, ທີ່ດິນທໍາກິນ ທີ່ທາງການຈັດສັນໃຫ້ກໍມີໜ້ອຍ ແລະທັງຣັຖບາລ ກໍຫ້າມບໍ່ໃຫ້ຫາປາເດັດຂາດ ຢູ່ເຂດເໜືອເຂື່ອນ ໃນໄລຍະ 2 ກິໂລແມັດ ແລະຢູ່ເຂດໃຕ້ ເຂື່ອນ 1 ກິໂລແມັດ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ