ຣັຖມົນຕຣີຊັພຍາກອນ ສເນີ ແກ້ບັນຫາ ທີ່ດິນ

ມະນີຈັນ
2018-11-26
ອີແມວລ໌
ຄໍາເຫັນ
Share
ພິມ
ທ່ານ ສົມມາດ ພົນເສນາ ຣັຖມົນຕຣີ ກະຊວງ ຊັພຍາກອນທັມຊາດ ແລະ ສິ່ງແວດລ້ອມ
ທ່ານ ສົມມາດ ພົນເສນາ ຣັຖມົນຕຣີ ກະຊວງ ຊັພຍາກອນທັມຊາດ ແລະ ສິ່ງແວດລ້ອມ
Screen captured Pathedlao

ທ່ານ ສົມມາດ ພົນເສນາ ຣັຖມົນຕຣີກະຊວງຊັພຍາກອນ ທັມຊາດ ແລະສິ່ງແວດລ້ອມ ສເນີແນວທາງແກ້ໄຂບັນຫາທີ່ດິນ ຊຶ່ງຍັງມີຄວາມ ຫຍູ້ງຍາກ ຫລາຍຢ່າງ ໂດຍສະເພາະ ບັນຫາທີ່ດິນ ຂອງປະຊາຊົນ ທີ່ໄດ້ຮັບຜົລກະທົບ ຈາກໂຄງການສັມປະທານ ຂນາດໃຫຍ່ ທີ່ບໍ່ທັນ ໄດ້ຮັບການແກ້ໄຂ ຕໍ່ກອງປະຊຸມສມັຍສາມັນ ເທື່ອທີ 6 ຂອງສະພາແຫ່ງຊາດ ຊຸດທີ 8; ດັ່ງ ທີ່ທ່ານກ່າວຕອນນຶ່ງວ່າ:

"ຜົລກະທົບຈາກໂຄງການ ຈະຕ້ອງໄດ້ຈັດຕັ້ງຄນະກັມການ ໂຍກຍ້າຍຈັດສັນ ຂ້າພະເຈົ້າເລີຍຢາກ ສເນີວ່າໃນຕໍ່ໄປ ຖ້າບໍ່ໄດ້ແກ້ໄຂ ການ ໂຍກຍ້າຍເວນຄືນ ຈັດສັນຊົດເຊີຍໃຫ້ປະຊາຊົນຫັ້ນ ບໍ່ຄວນໃຫ້ເລີ່ມຕົ້ນໂຄງການ ຢາກສເນີຄືຈັ່ງສັນສະ ຄືຕົວນີ້."

ຣັຖບານລາວ ຄວນປັບປຸງຂໍ້ຕົກລົງ ກັບນັກລົງທຶນ ຫາກຈະອະນຸມັດໃຫ້ສັມປະທານໂຄງການໃດກໍຕາມ. ໃນຕໍ່ໜ້າຈະຕ້ອງແກ້ໄຂບັນຫາ ໃຫ້ ປະຊາຊົນ ທີ່ໄດ້ຮັບຜົລກະທົບ ຮວມທັງເຣຶ່ອງຄ່າຊົດເຊີຍຄວາມເສັຍຫາຍ, ການຟື້ນຟູຊີວິດການເປັນຢູ່ ແລະ ພັທນາ ແລະຈັດຫາອາຊີບໃຫ້ ຍ້ອນປະຊາຊົນ ທີ່ໄດ້ຮັບຜົລກະທົບຈຳນວນນຶ່ງ ພົບຄວາມຫຍຸ້ງຍາກ ຫລາຍຂຶ້ນຕື່ມ ດັ່ງທີ່ທ່ານກ່າວວ່າ:

"ສເນີໃຫ້ຣັຖບານລາວ ກວດກາແລະປະເມີນຄືນ ຜົລກະທົບທີ່ປະຊາຊົນ ໄດ້ຮັບຈາກໂຄງການພັທນາໄຟຟ້າ ໂຄງການພັທນາບໍ່ແຮ່ ເພາະວ່າ ປະຊາຊົນ ຈໍານວນນຶ່ງ ທີ່ໄດ້ຮັບຜົລກະທົບຈາກໂຄງການ ດັ່ງກ່າວນັ້ນ ຍັງບໍ່ໄດ້ການ ຊົດເຊີຍຄ່າເສັຽຫາຍ ການຟື້ນຟູຊີວິດ ແລະການເປັນຢູ່ ແລະການຈັດຫາອາຊີບ ໃຫ້ປະຊາຊົນ ທີ່ຖືກຜົລກະທົບນັ້ນ ຍັງເຮັດບໍ່ທັນໄດ້ດີປະຊາຊົນ ຈໍານວນນຶ່ງຍັງພົບກັບຄວາມຫຍູ້ງຍາກຂຶ້ນຕື່ມ ແລະ ສເນີໃຫ້ມີແຜນພັທນາອາຊີບ ທີ່ໝັ້ນຄົງໃຫ້ຂະເຈົ້າ."

ພ້ອມກັນນັ້ນ ທ່ານ ສົມມາດ ກໍກ່າວເຖິງໂຄງການເຂື່ອນໄຟຟ້ານໍ້າອູ 2 ຢູ່ເມືອງງອຍ ແຂວງຫຼວງພຣະບາງ ທີ່ຍັງເປັນບັນຫາ ຢູ່ໃນຂນະນີ້ ຍ້ອນມີປະຊາຊົນ 174 ຄອບຄົວ ທີ່ຖືກໂຍກຍ້າຍອອກຈາກບ້ານເດີມ ມາຢູ່ບ້ານຈັດສັນໃໝ່ ຍັງບໍ່ທັນມີອາຊີບ ທີ່ໝັ້ນຄົງ ບໍ່ມີທີ່ດິນ ທໍາມາຫາກິນ.

ແລະໂຄງການເຂື່ອນໄຟຟ້າໄຊຍະບູຣີ ຢູ່ແຂວງໄຊຍະບູຣີ ກໍໄດ້ໂຍກຍ້າຍປະຊາຊົນທັງໝົດ 15 ບ້ານ, 663 ຄອບຄົວ, ເກືອບ 3 ພັນຄົນ ໄປຢູ່ ບ້ານຈັດສັນ ຊຶ່ງພວກເຂົາເຈົ້າ ກໍຍັງຮຽກຮ້ອງໃຫ້ຣັຖບານລາວ ຊ່ວຍຫາດິນທຳການຜລິດໃຫ້ຕື່ມ ຍ້ອນວ່າດິນ ທີ່ທາງການຈັດສັນ ໃຫ້ນັ້ນມີເນື້ອທີ່ບໍ່ເຖິງເຮັກຕາ ຄືມີພຽງແຕ່ 0 ຈຸດ 7 ເຮັກຕາ ບໍ່ພຽງພໍສໍາລັບການປູກຝັງ ຫລື ເຮັດກະສິກັມອື່ນ ດັ່ງປະຊາຊົນ ຜູ້ໄດ້ຮັບ ຜົລກະທົບ ຈາກເຂື່ອນໄຊຍະບູຣີ ທີ່ຖືກໃຫ້ໂຍກຍ້າຍ ໄປຢູ່ບ້ານຈັດສັນ ກ່າວຕໍ່ RFA ວ່າ:

"ອັນນັ້ນເພິ່ນໃຫ້ຄ່າຊົດເຊີຍ ໝົດແລ້ວ ຂໍ້ຫຍູ້ງຍາກໃນການລໍ ເຣື່ອງທີ່ດິນທໍາການຜລິດເອີ ກໍມີຢູ່ແຕ່ມັນບໍ່ພຽງພໍ ເພາະວ່າຄອບຄົວນຶ່ງ ໄດ້ແຕ່ 0 ຈຸດ 70 ບໍ່ຮອດເຮັກຕາ."

ໃນຣະຍະຜ່ານມາ ປະຊາຊົນທີ່ໄດ້ຮັບຜົລກະທົບ ຈາກໂຄງການເຂື່ອນໄຊຍະບູຣີ ໄດ້ເຮັດໜັງສືຮ້ອງຮຽນໄປຍັງອຳນາດ ການປົກຄອງແຂວງ ໄຊຍະບູຣີ ເພື່ອຂໍໃຫ້ຂຍາຍທີ່ດິນ ຫລື ຫາທີ່ດິນບ່ອນໃໝ່ ທີ່ພຽງພໍກັບການຜລິດ ເພື່ອລ້ຽງຊີບໃຫ້. ແຕ່ມາເຖິງປັດຈຸບັນ ກໍຍັງບໍ່ທັນໄດ້ຮັບ ຄໍາຕອບເທື່ອ.

ຄໍາເຫັນ (2)
Share

(

ຕາມທີ່ຂ້ອຍໄດ້ຟັງຜູ້ນໍາລາວ ວ່າມີປະຊາຊົນຈໍານວນນື່ງ ທີ່ບໍ່ໄດ້ຮັບການຊ່ວຍເຫຼືອ ຍ້ອນໂຄງການຂອງລັດນັ້ນ, ຂ້ອຍວ່າບໍ່ມີດອກຈໍານວນນື່ງ ຕາມທີ່ເພີ່ນເວົ້າມານັ້ນ, ຂ້ອຍວ່າມັນຍັງມີຈໍວນທັງໝົດ ແລະທົ່ວປະເທດລາວອີກ, ແລະ ສ່ວນທີ່ເຂົາໄດ້ ຮັບໄປກ່ອນນັ້ນ ບາງຄົນກໍບອກວ່າເປັນການບັງຄັບ ແລະບໍ່ມີທາງເລືອກ ແລະຕ້ອງໄດ້ຈໍາເປັນຮັບເຮົາເທົ່ານັ້ນ ທັ້ງໆທີ່ສີ່ງທີ່ໄດ້ຮັບນັ້ນມັນຍັງບໍ່ຄຸ້ມຄ່າ ກັບສິ່ງທີ່ໄດ້ສູນເສັຽໄປ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 29, 2018 04:38 AM

(

Dear Sir, you can take all the lands and make them your own. Since you're marxist-leninist you cannot tell right from wrong or good from bad. Go ahead Sir !


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 27, 2018 05:22 AM

ເຕັມຫນ້າ