ອະດີດຣັຖມົນຕຣີການເງິນ ຖືກ ສອບສວນ

ສິດນີ
2016-01-08
ອີແມວລ໌
ຄໍາເຫັນ
Share
ພິມ
ທ່ານ ພູເພັດ ຄໍາພູນວົງ ອະດີດ ຣັຖມົນຕຣີ ກະຊວງການເງິນ ສປປ ລາວ
ທ່ານ ພູເພັດ ຄໍາພູນວົງ ອະດີດ ຣັຖມົນຕຣີ ກະຊວງການເງິນ ສປປ ລາວ
LNTV News

ທ່ານ ພູເພັດ ຄໍາພູນວົງ ແລະ ພະນັກງານ ກະຊວງ ການເງິນ ອີກ 4 ຄົນ ກໍາລັງ ຖືກ ກວດສອບ ກໍຣະນີ ການສໍ້ຣາສ ບັງຫຼວງ ເຣື້ອງ ການອອກ ພັນທະບັດ ແລະ ໂຄງການ ບໍ່ມີຕົວຕົນ ຢູ່ແຂວງ ຫຼວງນໍ້າທາ, ອີງຕາມ ການເປີດເຜີຍ ຂອງ ເຈົ້າໜ້າທີ່ ກະຊວງ ການເງິນ ທ່ານນຶ່ງ ທີ່ ບໍ່ປະສົງ ອອກຊື່ ໃນ ວັນທີ 7 ມົກກະຣາ ນີ້.

ທ່ານກ່າວ ຕໍ່ ເອເຊັຽເສຣີ ວ່າ ໃນ ເບື້ອງຕົ້ນ ເຈົ້າໜ້າທີ່ ທາງການ ໄດ້ຈັບ ອະດີດ ເລຂາ ຂອງທ່ານ ພູເພັດ ຊື່ ອາລັດ, ຫົວໜ້າກົມ ແລະ ຮອງ ກົມງົປມານ ແລະ ພະນັກງານ ຢູ່ຜແນກ ສັງລວມ ເມື່ອ ທ້າຍເດືອນ ທັນວາ ຜ່ານມາ ໃນຂນະທີ່ ກໍາລັງ ຈັດງານລ້ຽງ ລວມທັງໝົດ 4 ຄົນ.

ພະນັກງານທັງ 4 ຄົນ ແມ່ນ ເຮັດວຽກ ຢູ່ກະຊວງ ການເງິນ ແລະ ເປັນຄົນ ທີ່ໃກ້ຊິດ ກັບ ທ່ານ ພູເພັດ ຕອນທີ່ຍັງມີ ຕໍາແໜ່ງ ເປັນ ຣັຖມົນຕຣີ ກະຊວງ ການເງິນ ແລະ ປັດຈຸບັນ ທັງໝົດ ແມ່ນຖືກ ກັກຂັງ ຢູ່ ຄຸກ ໂພນທັນ, ເມືອງ ສີສັດຕະນາກ, ນະຄອນຫຼວງ ວຽງຈັນ, ອີງຕາມ ການບອກເລົ່າ ຂອງ ເຈົ້າໜ້າທີ່.

ສ່ວນ ທ່ານ ພູເພັດ ຄໍາພູນວົງ ປັດຈຸບັນ ແມ່ນຖືກ ເຈົ້າໜ້າທີ່ ກັກ ບໍຣິເວນ ເພື່ອ ສືບສວນ ສອບສວນ, ແຕ່ບໍ່ ເປີດເຜີຍວ່າ ທ່ານ ຖືກກັກ ຢູ່ໃສ. ທ່ານ ພູເພັດ ຄໍາພູນວົງ ເຄີຍມີຕໍາແໜ່ງ ເປັນຜູ້ວ່າການ ທະນາຄານ ແຫ່ງ ສປປ ລາວ, ແລະ ຖືກຍ້າຍໄປ ຮັບຕໍາແໜ່ງ ຣັຖມົນຕຣີ ວ່າການ ກະຊວງ ການເງິນ ໄດ້ ປະມານ 2 ປີ ຫລັງຈາກ ນັ້ນ ກໍຖືກປົດ ຕໍາແໜ່ງ ໃນເດືອນ ມິນາ ປີ 2014 ແລະ ຖືກຍ້າຍໄປ ຮັບໜ້າທີ່ ຢູ່ ຫ້ອງວ່າການ ຣັຖບານ.

ນອກຈາກນີ້ ຍັງ ມີຣາຍງານ ອີກວ່າ ໃນ ເດືອນ ກັນຍາ 2015 ເຈົ້າແຂວງ ອຸດົມໄຊ ຖືກປົດ ຕໍາແໜ່ງ ແບບ ກະທັນຫັນ ແລະ ແຕ່ງຕັ້ງ ດຣ.ເພັດສາຄອນ ຫຼວງອາໄພ ຣັຖມົນຕຣີ ຊ່ວຍ ຮອງຫົວໜ້າ ຫ້ອງວ່າການ ຣັຖບານ ເປັນເຈົ້າແຂວງ ແທນ, ອີງຕາມການ ບອກເລົ່າ ຂອງ ເຈົ້າໜ້າທີ່ ກະຊວງ ການເງິນ.

ເຫດຜົນ ໃນການ ສັ່ງຍ້າຍ ໃນຄັ້ງນີ້ ແມ່ນເຫັນວ່າ ເຈົ້າແຂວງ ອຸດົມໄຊ ໄປມີສ່ວນ ພົວພັນ ກັບ ໂຄງການ ບໍ່ມີຕົວຕົນ ຊຶ່ງ ເປັນໂຄງການ ທີ່ ຣັຖບານ ອອກ ພັນທະບັດ ໃຫ້ ບໍຣິສັດ ທີ່ ໄດ້ຮັບການ ສໍາປະທານ ກໍ່ສ້າງ ໂຄງລ່າງ ພື້ນຖານ ຢູ່ ແຂວງ ອຸດົມໄຊ ໃນຊ້ວງທີ່ ແຂວງ ອຸດົມໄຊ ເປັນ ເຈົ້າພາບ ກິລາ ແຫ່ງຊາດ ໃນປີ 2014.

ເຈົ້າໜ້າທີ່ ກະຊວງ ການເງິນ ທ່ານນີ້ ກ່າວຕື່ມວ່າ ບັນດາ ບໍຣິສັດ ກໍ່ສ່້າງ ທີ່ໄດ້ ພັນທະບັດ ໄປແລ້ວ ກໍເອົາໄປ ໃຊ້ຈ່າຍກ່ອນ, ແຕ່ບໍ່ໄດ້ ໃຊ້ຈ່າຍ ດໍາເນີນ ການກໍ່ສ້າງ ໂດຍການ ສົມຮູ້ ຮ່ວມຄິດ ກັບ ເຈົ້າໜ້າທີ່ ກະຊວງ ການເງິນ,

ຍັງບໍ່ມີ ການເປີດເຜີຍ ຕົວເລກ ຄວາມເສັຽຫາຍ ຈາກ ໂຄງການ ບໍ່ມີຕົວຕົນ ຢ່າງເປັນ ທາງການ ເທື່ອ.

ຄໍາເຫັນ (4)
Share

บอระบุชื่อ

ຈາກ โครงกานบอมีจริง

อยู่แขวงจำปาสักก็มีเรื่องราวแบบนี้ขอให้ลัดช่วยมาตรวจสอบแน่


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 29, 2016 12:17 PM

ປາບສໍ້ລາດ

ຈາກ ນະຮົກ

ຂໍເອົາຈິງເອົາຈັງ ຈັກເທື່ອແດ່ທ້ອນ ໂພດຫລາຍແລ້ວ ບ້ານເຮົາ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 11, 2016 02:06 PM

ແນ່

ຈາກ ຕາມໃຈ

ເອົາ​ບໍ​ຂໍ້ມູນ​ນ່າ...


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 10, 2016 02:16 PM

ลาว

ຈາກ ไกรชอกลีก

ผึ่งรู้สืกผนกานกระทําของผู้นําลาวที่ประพึดตํ่ชาดและประชาชนในประจุบันนี้เอังรื?พวกผู้นำทั้งหลายทำอะไรยู่ 20 ที่พ่านมายากจะขํถามด้วยทำไมไม่จับกุมและตรวจสอบขบวนการชํ้ราดมาแต่นานและการจับตัวของคนพะนักงานกานเงีนในคั้รงนี้คงไม้ไล่เพี่อหลอกตัวเองและประชาชนลาวและชาวโลกไข้ไม่?คงจะถูกกดดันจากทุกๆพากส่วนและทุกมุมโลกไม้นัอย! อ้ายน้อง จีน และ เวียดนาม กระทํากันกํเลียลองดูถ้าไม้ทำตามอํานาดของพระเดัดการในลาวอาสจะสืบตํ่ไปคงไว้นาน.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 10, 2016 02:14 PM

ເຕັມຫນ້າ