ທາງການລາວຈະທົບທວນ ຄ່າໄຟ

ໄຊຍາ
2019-04-29
ອີແມວລ໌
ຄໍາເຫັນ
Share
ພິມ
ເມື່ອປະມານ ນຶ່ງປີຜ່ານມາ ກໍມີຊາວລາວເບິ່ງໃບບິລຄ່າໄຟຟ້າ ດ້ວຍຄວາມຕົກໃຈ ແລະຈົ່ມວ່າຢ່າງນ້ອຍໃຈ ທີ່ເຫັນຄ່າໄຟຟ້າສູງຂຶ້ນ ຢ່າງບໍ່ໜ້າເຊື່ອ ແບບບໍ່ຮູ້ສາເຫດ
ເມື່ອປະມານ ນຶ່ງປີຜ່ານມາ ກໍມີຊາວລາວເບິ່ງໃບບິລຄ່າໄຟຟ້າ ດ້ວຍຄວາມຕົກໃຈ ແລະຈົ່ມວ່າຢ່າງນ້ອຍໃຈ ທີ່ເຫັນຄ່າໄຟຟ້າສູງຂຶ້ນ ຢ່າງບໍ່ໜ້າເຊື່ອ ແບບບໍ່ຮູ້ສາເຫດ
RFA/NY

ກອງປະຊຸມ ຄນະຣັຖບານລາວ ເມື່ອວັນທີ  23-24 ເມສາ ຜ່ານມາ ໄດ້ພິຈາຣະນາ ບັນຫາການປັບຫຼຸດຣາຄາ ຄ່າຊົມໃຊ້ກະແສໄຟຟ້າ ໃຫ້ຖືກລົງ. ເນື່ອງຈາກ ຜ່ານມາ ຣັຖບານລາວ ເຫັນວ່າຄ່າກະແສໄຟຟ້າ ໃນລາວ ຍັງແພງຢູ່ ອັນສົ່ງຜົລກະທົບ ຕໍ່ຊີວິດ ການເປັນຢູ່ ຂອງປະຊາຊົນ, ແຕ່ແຜນການ ປັບປຸງດັ່ງກ່າວ ຍັງບໍ່ທັນຮູ້ ວ່າຈະເຣີ້ມປະຕິບັດເມື່ອໃດ. ອີງຕາມຄຳເວົ້າ ຂອງເຈົ້າໜ້າທີ່ຫ້ອງວ່າການ ຣັຖບານ ຕໍ່ນັກຂ່າວເອເຊັຽເສຣີ ເມື່ອວັນທີ 29 ເມສາ ວ່າ:

“ແມ່ນແລ້ວໆ ຈະປັບຫຼຸດເນາະ ປັດຈຸບັນນີ້ ຄິດວ່າ ຍັງບໍ່ທັນໄດ້ຈັດຕັ້ງປະຕິບັດ ເທື່ອຫັ້ນນ່າ ມີແຕ່ຣາຍລະອຽດ ມີແຕ່ຕິດຕາມຕື່ມເນາະ ຕິດຕາມນຳກັນຕື່ມເພາະວ່າ ເຮົາຍັງບໍ່ຮູ້ຣາຍລະອຽດ.”

ທ່ານເວົ້າຕື່ມວ່າ ຣັຖບານຈະທົບທວນປັບປຸງຣາຄາໄຟຟ້າ ນັບແຕ່ປີ 2019 ຫາ ປີ 2025 ແຕ່ຍັງບໍ່ຮູ້ວ່າຈະຖືກລົງຈັກເປີເຊັນ ແຕ່ຣັຖບານ ເນັ້ນຢໍ້າວ່າ ຈະໃຫ້ຖືກກວ່າທຸກມື້ນີ້. ໃນມື້ດຽວກັນ ປະຊາຊົນໄດ້ເວົ້າ ຕໍ່ນັກຂ່າວເອເຊັຽເສຣີວ່າ ເຫັນດີຢ່າງຍິ່ງ ທີ່ຣັຖບານຈະປັບຫຼຸດ ຣາຄາ ໄຟຟ້າລົງ ປັດຈຸບັນ ປະຊາຊົນສ່ວນຫຼາຍ ຕ້ອງເສັຽຄ່າໄຟຟ້າຢ່າງນ້ອຍ 1 ແສນກີບ ຕໍ່ເຮືອນ ເຊິ່ງຖືວ່າແພງຫຼາຍ:

“ສະນັ້ນ ຣັຖບານເພິ່ນສິທວນຄືນ ແມ່ນເຫັນດີທີ່ສຸດ ແລ້ວອັນນີ້ນະ ເພື່ອແກ້ໄຂຊີວິດ ຄວາມເປັນຢູ່ຂອງປະຊາຊົນ ຢາກໃຫ້ເພິ່ນຫຼຸດລົງ ແຕ່ດົນແລ້ວອັນນີ້ ຖ້າເພິ່ນເຮັດໄດ້ແນວນີ້ ປະຊາຊົນ ກໍຈະນີຍົມຊົມຊອບຫັ້ນແລ້ວ.”

ໃນຂນະທີ່ ເຈົ້າໜ້າທີ່ຣັຖວິສາຫະກິຈໄຟຟ້າລາວ ໄດ້ເວົ້າຕໍ່ນັກຂ່າວເອເຊັຽເສຣີ ໃນມື້ດຽວກັນວ່າ ໃນອີກ 5 ປີ ຕໍ່ໜ້າ ຈະທົບທວນໃຫ້ຣັຖບານ ຂຶ້ນຣາຄາໄຟຟ້າຕື່ມ 1% - 2% ຫຼັງຈາກກ ປີ 2025.

“ເພາະວ່າ ມັນຮອດວາລະແລ້ວເດ້ ພວກເຮົາກຳນົດຄ່າໄຟມາໄດ້ 5 ປີ ຫາ 10 ປີແລ້ວ ລະບາດນີ້ ຄວາມໝາຍ ປັດຈຸບັນເຮົາໃຊ້ຄ່າໄຟ ຂອງ ປີ  2011 ຢູ່ ໝາຍຄວາມວ່າ ພວກເຮົາຕ້ອງມາປັບປຸງ 4-5 ປີ ຂ້າງໜ້າ ອີກ 10 ປີ ຂ້າງໜ້າ ພວກເຮົາຈະເອົາຄ່າໄຟຟ້າ ຂຶ້ນໄປ ປີລະ 1% ຫາ ປີລະ 2% ຫັ້ນນ່າ.”

ປັດຈຸບັນ ການກຳນົດ ຣາຄາໄຟຟ້າ ສຳລັບເຮືອນປະຊາຊົນທົ່ວໄປ ແມ່ນ 355 ກີບ ຕໍ່ຫົວໜ່ວຍ ແລະ ທຸຣະກິຈການຄ້າ ຣາຄາ 1,101 ກີບຕໍ່ຫົວໜ່ວຍ ບວກກັບອາກອນມູນຄ່າເພີ່ມ 10% ໂດຍເຣີ້ມເກັບມາແຕ່ ປີ 2011.

ຕໍ່ກັບບັນຫາດັ່ງກ່າວ ທ່ານໄດ້ກ່າວຕື່ມວ່າ ຣັຖບານລາວ ຍັງຢູ່ໃນຣະຫວ່າງ ການທົບທວນການປັບປຸງ ຣາຄາໄຟຟ້າຄືນໃໝ່ ຍັງບໍ່ທັນໄດ້ ສລຸບວ່າຈະຫຼຸດຄ່າໄຟຟ້າລົງ ຫຼືເກັບແພງຂຶ້ນ ຍັງຕ້ອງປຶກສາຫາລື ເພື່ອຫາຂໍ້ສລຸບກັນອີກຫຼາຍຂັ້ນຕອນ.

ເຕັມຫນ້າ