ຣັຖ ບໍ່ເດັດຂາດຕໍ່ກຸ່ມສໍ້ຣາສ: ປະຊາຊົນ

ອຸ່ນແກ້ວ ສຸກສະຫວັນ
2019-04-04
Share
F-corruption ການສໍ້ໂກງເປັນສິ່ງທີ່ຜິດ
public domain

ປັດຈຸບັນ ເຈົ້າໜ້າທີ່ຣັຖກອນ ທີ່ຢູ່ຕາມອົງການຕ່າງໆ ມີຄວາມຣະມັດຣະວັງ ເຣື້ອງການອະນຸມັດ ໂຄງກ່ານຕ່າງໆ ຍ້ອນວ່າ ຣັຖບານກຳລັງ ມີການກວດສອບ ແລະ ເອົາຜິດ ເຈົ້າໜ້າທີ່ກ່ຽວຂ້ອງ. ເຈົ້າໜ້າທີ່ ຈາກກົມອ້ອມຂ້າງ ສຳນັກງານນາຍົກຣັຖມົນຕຼີ ທ່ານນຶ່ງ ໄດ້ໃຫ້ສັມພາດ ຕໍ່ເອເຊັຍເສຣີ ໃນວັນທີ 22 ມີນາ ວ່າ:

(ສຽງສັມ​ພາດ)

ອັນນັ້ນ ເປັນຄຳສັມພາດ ຂອງເຈົ້າໜ້າທີ່ ຈາກກົມອ້ອມຂ້າງ ສຳນັກງານນາຍົກ ຣັຖມົນຕຼີ, ແຕ່ ໃນຄວາມຄິດເຫັນ ປະຊາຊົນ ກໍຄື ການ ປາບປາມ ຍັງບໍ່ທັນເຫັນ ເປັນຮູບປະທັມ ເພາະຢູ່ ປະເທດລາວ ຍັງມີຣະບົບ ໃຊ້ໜີ້ບຸນຄຸນ ຕົວຢ່າງ ອະດີດຣັຖມົນຕຼີກະຊວງການເງິນ ທີ່ຖືກຈັບ ຜ່ານມາ ກໍຍັງບໍ່ມີການຢຶດຊັບ:

(ສຽງ​ສັມ​ພາດ)

ອີງຕາມຂໍ້ມູນ ຈາກອົງການກວດກາຣັຖບານ ໃນປີ 2018 ທີ່ຜ່ານມາ, ໃນທົ່ວປະເທດ ມີພະນັກງານຣັຖກອນ ຂແນງການບໍລິຫານຫຼາຍກ່ວາ 800 ຄົນ ຖືກປະຕິບັດວິໃນ ຍ້ອນມີພຶດຕິກຳ ສໍ້ຣາສບັງຫລວງ. ຄວາມເສັຽຫາຍ ຈາກການສໍ້ຣາສບັງຫລວງ ໃນທົ່ວປະເທດ ໃນປີ 2018 ຄິດເປັນມູນຄ່າເງິນ ຫຼາຍກ່ວາ 800 ຕື້ກີບ, 300 ລ້ານບາດ, ເກືອບ 6 ແສນໂດລາ, ແຕ່ຣັຖບານ ສາມາດເກັບກູ້ຄືນໄດ້ 370 ຕື້ກີບ; 24 ລ້ານບາດ, ແລະ 2 ແສນໂດລາ. ອົງການຄວາມໂປ່ງໃສສາກົນ ທີ່ມີ ສຳນັກງານໃຫຍ່ ຢູ່ປະເທດເຢັຽຣະມັນ, ຈັດລາວເປັນ ປະເທດນຶ່ງ ທີ່ຍັງມີການສໍ້ຣາສບັງຫລວງຫລາຍຄືເກົ່າ.

ອົງການຄວາມໂປ່ງໃສ ໄດ້ຈັດສປປລາວ, ເປັນປະເທດທີ່ ມີການສໍ້ຣາສບັງຫຼວງຫຼາຍ ອັນດັບທີ່ 132 ໃນຈຳນວນທັງໝົດ 180 ປະເທດ ໃນໂລກ. ຖ້າປະເທດໃດ ໄດ້ອັນດັບນຶ່ງ, ປະເທດນັ້ນຈະເປັນປະເທດ ທີ່ມີການສໍ້ຣາສບັງຫຼວງໜ້ອຍທີ່ສຸດ,  ແຕ່ຖ້າ ປະເທດໃດ ຢູ່ໃນອັນດັບ ສຸດທ້າຍ ປະເທດນັ້ນ ຈະມີການສໍ້ຣາດບັງຫຼວງຫຼາຍທີ່ສຸດ. ໃນປີ 2017 ປະເທດລາວ ກໍຖືກຈັດອັນດັບທີ 132 ໃນຈຳນວນ ທັງໝົດ 180 ປະເທດ ໃນໂລກ ເຊັ່ນດຽວກັນ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.