ທາງການລາວຂຶ້ນຣາຄາ ນໍ້າມັນ ແອັດຊັງ

ຈໍາປາທອງ
2018-04-06
ອີແມວລ໌
ຄໍາເຫັນ
Share
ພິມ
ຣົດບັນທຸກຂົນສົ່ງນໍ້າມັນເຊື້ອໄຟ ເຂົ້າມາ ສປປ ລາວ
ຣົດບັນທຸກຂົນສົ່ງນໍ້າມັນເຊື້ອໄຟ ເຂົ້າມາ ສປປ ລາວ
RFA/PN

ທາງການລາວ ປະກາດຂຶ້ນຣາຄານໍ້າມັນເຊື້ອໄຟ ທົ່ວປະເທສ ແຕ່ມື້ວັນທີ 6 ເມສາ ນີ້ເປັນຕົ້ນໄປ ແລະສັ່ງຫ້າມປໍ້າຂາຍນໍ້າມັນ ແພງເກີນ ຣາຄາ ທີ່ທາງການປະກາດຂຶ້ນນັ້ນ ໃນຍາມບຸນປີໃໝ່ລາວປີນີ້; ດັ່ງເຈົ້າໜ້າທີ່ ກົມການຄ້າພາຍໃນ ກະຊວງອຸດສາຫະກັມ ແລະການຄ້າ ກ່າວຕໍ່ວິທຍຸເອເຊັຍເສຣີ ໃນມື້ວັນທີ 6 ເມສາ ນີ້ວ່າ:

"ໂອ ມີແຕ່ແຈ້ງການລົງໃຫ້ແຂວງ ໃຫ້ເມືອງເປັນຜູ້ຄຸ້ມຄອງເດີ ໄປເບິ່ງຕິດຕາມກວດກາເນາະ ທີ່ມີແຈ້ງການອອກແລ້ວ ຕາມທີ່ເຮົາແຈ້ງ ຫັ້ນແຫຼະ."

ທ່ານກ່າວຕື່ມວ່າ ນັບເປັນຄັ້ງທີ 3 ໃນປີນີ້ ທີ່ມີການຂຶ້ນຣາຄານໍ້າມັນ ທົ່ວປະເທສ ຄືນໍ້າມັນແອັດຊັງພິເສດ ຈະແພງຕື່ມ 100 ກີບຕໍ່ລິດ, ແອັດຊັງທໍາມະດາ 120 ກີບ ແລະນໍ້າມັນກາຊວນ 150 ກີບຕໍ່ລິດ. ທາງການລາວໃຫ້ເຫດຜົລ ໃນການຂຶ້ນຣາຄານໍ້າມັນ ນັ້ນວ່າເປັນຍ້ອນ ຣາຄານໍ້າມັນ ໃນຕລາດໂລກແພງຂຶ້ນ ແລະເພື່ອໃຫ້ສອດຄ່ອງກັບກົນໄກຕລາດ.

ປັດຈຸບັນ ຢູ່ນະຄອນຫລວງວຽງຈັນ ຣາຄານໍ້າມັນແອັດຊັງພິເສດ ແພງຂຶ້ນເປັນ 10,110 ກີບຕໍ່ລິດ, ແອັດຊັງທໍາມະດາຂຶ້ນເປັນ 9,020 ກີບ ແລະກາຊວນ ຂຶ້ນເປັນ 8,000 ກີບຕໍ່ລິດ. ສ່ວນວ່າຢູ່ແຂວງຕ່າງໆ ຣາຄາຈະຫລຸດລື່ນກັນເລັກນ້ອຍ ຂຶ້ນຢູ່ກັບຄ່າ ຂົນສົ່ງ.

ໃນ 3 ເດືອນຜ່ານມາ ຢູ່ ສປປລາວ ມີການປັບ ຣາຄານໍ້າມັນເຊື້ອໄຟລົງຄັ້ງນຶ່ງ ຊນິດລະ 100 ກີບ ແຕ່ໄດ້ປັບຣາຄາຂຶ້ນ 3 ຄັ້ງ. ທຽບໃສ່ ປະເທສເພື່ອນບ້ານ ຣາຄານໍ້າມັນຢູ່ລາວ ແມ່ນສູງກວ່າ. ການທີ່ຣາຄານໍ້າມັນສູງເກີນໄປ ເຮັດໃຫ້ປະຊາຊົນ ໄດ້ຮັບຜົລກະທົບ ເປັນຕົ້ນໃນ ດ້ານການຜລິດ ແລະການຂົນສົ່ງສິນຄ້າໃນປະເທສ.

ຄໍາເຫັນ (1)
Share

(

What can this Lao government do? NOTHING to simply say it. The government is incompetent, dirty, blood-sucking and thinks of its own benefit. The government's debt is mounting high and with the power of paying back the debt close to zero. Every country has debts but the Lao government is unable to have debt policy that enables the country to grow in a healthy way.Laos will sell more and more concessions in the near future until there's nothing to be sold anymore.Lao government, you are the disgrace of human race.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 09, 2018 07:29 AM

ເຕັມຫນ້າ