ງານມະຫາກັມກິລາກັບການ ສໍ້ໂກງ

ສິດນີ
2015-04-16
Share
f-image ການຈັດງານ ມະຫາກັມ ກິລາ ກັບການ ສໍ້ໂກງ ຂອງ ເຈົ້າໜ້າທີ່ ທາງການ
RFA

ໜ່ວຍງານ ຕ້ານ ການ ສໍ້ຣາສ ບັງຫລວງ ໃນລາວ ເວົ້າວ່າ ການ ຈັດງານ ມະຫາກັມ ກິລາ ແຫ່ງຊາດ ໃນລາວ ແຕ່ລະ ຄັ້ງ ເຮັດໃຫ້ ເງິນ ຮົ່ວໄຫລ ເປັນ ຈຳນວນ ຫລວງຫລາຍ ບໍ່ວ່າຈະ ເປັນ ໂຄງການ ບໍ່ມີ ຕົວຕົນ ເພື່ອ ຮັບງານ ມະຫາກັມ ກິລາ ແຫ່ງຊາດ ໃນ ຣະຍະ ທີ່ ຜ່ານມາ. ດັ່ງນັ້ນ ໃນ ກາ ຕຣຽມ ການ ແຂ່ງຂັນ ກິລາ ແຫ່ງຊາດ ຄັ້ງ ຕໍ່ໄປ ທີ່ ແຂວງ ຊຽງຂວາງ ອົງການ ຕ້ານການ ສໍ້ຣາສ ບັງຫລວງ ຈະ ມີການ ຕິດຕາມ ຢ່າງ ໃກ້ຊິດ.

ກັມມະການ ກົມ ການເມືອງ ສູນກາງ ພັກ ເລຂາທິການ ສູນກາງ ພັກ ປະທານ ຄນະກວດກາ ສູນກາງ ພັກ ປະທານ ອົງການ ກວດກາ ຣັຖບານ ຫົວຫນ້າ ອົງການ ຕ້ານ ການສໍ້ຣາສ ບັງຫລວງ ຂັ້ນ ສູນກາງ ທ່ານ ບຸນທອງ ຈິດມະນີ ພ້ອມດ້ວຍ ຄນະ ໄດ້ຂຶ້ນໄປ ຢ້ຽມຢາມ ແລະ ເຮັດວຽກ ຢູ່ ແຂວງ ຊຽງຂວາງ ຢ່າງ ພ້ອມຫນ້າ ຖືກໃຫ້ ກຽດ ຕອນຮັບ ໂດຍ ສາສດາຈານ ດຣ ສົມກົດ ມັງຫນໍ່ເມກ ກັມມະການ ສູນກາງ ພັກ ເລຂາ ຄນະ ບໍຣິຫານ ພັກ ເຈົ້າແຂວງ ແຂວງ ຊຽງຂວາງ.

ໃນການ ຢ້ຽມຢາມ ແຂວງ ຊຽງຂວາງ ເທື່ອນີ້ ກຸ່ມ ດັ່ງກ່າວ ໄດ້ ໂອ້ລົມ ກັນ ໃນ ຫລາຍດ້ານ ສ່ວນໃຫຍ່ ແມ່ນ ວຽກງານ ການພັທນາ ເສຖກິດ ແລະ ສັງຄົມ ໃນ ແຂວງ ເພື່ອ ລຶບລ້າງ ຄວາມ ທຸກຍາກ ຂອງ ປະຊາຊົນ ສົ່ງເສີມ ການ ລົງທຶນ ແລະ ຜລິດ ສີນຄ້າ ເພື່ອ ສົ່ງອອກ ບັນຫາ ຫລັກ ທີ່ໄດ້ ໂອ້ລົມກັນ ກໍແມ່ນ ການ ປາບປາມ ການ ສໍ້ຣາສ ບັງຫລວງ ໃນ ຖັນແຖວ ຂອງ ເຈົ້າຫນ້າທີ່ ຣັດ ຊຶ່ງ ແຂວງ ຊຽງຂວາງ ຈະເປັນ ເຈົ້າພາບ ການ ແຂ່ງຂັນ ກິລາ ແຫ່ງຊາດ ໃນ ປີ 2017.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ