ຊາວບ້ານຈາກເຂື່ອນດອນ ສະໂຮງ ຈົ່ມທຸກ

ສິດນີ
2017-04-06
ອີແມວລ໌
ຄໍາເຫັນ
Share
ພິມ
ຊາວບ້ານດອນສະດໍາ ທີ່ເຄີຍມີ ອາຊີບຫາປາ ລ້ຽງຄອບຄົວ ມາດຽວນີ້ກໍລໍາບາກ ຍ້ອນຖືກຫ້າມບໍ່ໃຫ້ ຫາປາ ໃກ້ເຂດກໍ່ສ້າງເຂື່ອນ
ຊາວບ້ານດອນສະດໍາ ທີ່ເຄີຍມີ ອາຊີບຫາປາ ລ້ຽງຄອບຄົວ ມາດຽວນີ້ກໍລໍາບາກ ຍ້ອນຖືກຫ້າມບໍ່ໃຫ້ ຫາປາ ໃກ້ເຂດກໍ່ສ້າງເຂື່ອນ
RFA/file photo

ປະຊາຊົນ ຜູ້ທີ່ໄດ້ຮັບ ຜົລກະທົບ ຈາກໂຄງການ ເຂື່ອນດອນສະໂຮງ ໄດ້ເປີດເຜີຍ ຕໍ່ເອເຊັຽເສຣີວ່າ ທາງໂຄງການ ແລະ ພາກຣັດ ບໍ່ເອົາ ໃຈໃສ່ ໃນການດູແລ ພວກຂະເຈົ້າ ຫລັງຈາກ ທີ່ຖືກໂຍກຍ້າຍ ໄປຢູ່ບ່ອນໃຫມ່ ເລີ້ມແຕ່ມີການ ກໍ່ສ້າງເຂື່ອນ ເປັນຕົ້ນມາ ເປັນເວລາ 2 ປີ ປາຍແລ້ວ. ດັ່ງປະຊາຊົນ ທ່ານນຶ່ງເວົ້າວ່າ:

"ຢາກໃຫ້ຣັດຫນ່ວຍງານ ກວດກາພິເສດ ລົງມາຖາມ ປະຊາຊົນເບິ່ງ ຖາມເບິ່ງວ່າເປັນຈັ່ງໃດ ການຟື້ນຟູຊີວິດ ຄວາມເປັນຢູ່ຈັ່ງໃດ ຢູ່ກິນ ຈັ່ງໃດ ທຳມາຫາກິນ ຈັ່ງໃດ ວິຖີຊີວິດ ຂອງປະຊາຊົນ ດີຂຶ້ນ ຫລືວ່າບໍ່ດີຂຶ້ນ ຢາກໃຫ້ເພິ່ນມາ ຖາມຕົວຈິງ".

ທ່ານກ່າວຕື່ມວ່າ ຫລັງຈາກເລີ້ມສ້າງເຂື່ອນມາ ເປັນເວລາ 2 ປີປາຍແລ້ວ ຍັງບໍ່ມີ ເຈົ້າຫນ້າທີ່ ພາກຣັດ ຫຼືຈາກໂຄງການເຂື່ອນ ລົງມາຖາມ ຄວາມສຸກທຸກ ຂອງປະຊາຊົນ ວ່າຊີວິດການເປັນຢູ່ ເປັນຢ່າງໃດ ດີຂຶ້ນກວ່າເກົ່າ ຫລື ຂີ້ຮ້າຍກວ່າເກົ່າ ບໍ່ມີການດູແລ ເອົາໃຈໃສ່ເລີຍ.

ປັດຈຸບັນປະຊາຊົນ ທຸກຍາກຫຼາຍ ໂດຍສະເພາະ ບ່ອນທຳມາຫາກິນ ແລະ ການຝຶກອາຊີບໃຫມ່ໃຫ້ ຫລັງຈາກທີ່ທາງການ ຫ້າມຫາປາ ໃນ ບໍຣິເວນ ໃກ້ກັບບ່ອນ ສ້າງເຂື່ອນ ຮ່ວມທັງການຈ້າງງານ ຊາວບ້ານ ໃນໂຄງການ ດັ່ງກ່າວ ຕາມສັນຍາ ກໍບໍ່ມີ:

"ໂຄງການນີ້ຢາກໃຫ້ເພິ່ນ ຕິດຕາມໃຊ້ແຮງປະຊາຊົນ ບໍ່ໄປຕາມສັນຍາຊີ້ນະ ພາຍຫລັງ ທີ່ບໍ່ໃຫ້ເຂົາ ເອົາປູເອົາປາ ບໍ່ໃຫ້ທຳອາຊີບ ທຳການ ຜລິດ ເອົາປູເອົາປາ ອື່ນນະ".

ໂຄງການເຂືື່ອນດອນສະໂຮງ ມີສາມບ້ານ ທີ່ຖືກໂຍກຍ້າຍ ດັ່ງ: ບ້ານຫົວສະດຳ ຫາງສະດຳ ແລະບ້ານຫາງສະໂຮງ ມີຊາວບ້ານ ຖືກໂຍກ ຍ້າຍ 17 ຄອບຄົວ ດັ່ງ: ບ້ານຫົວສະດຳ 2 ຄອບຄົວ ບ້ານຫາງສະດຳ 4 ຄອບຄົວ ແລະບ້ານຫາງສະໂຮງ 11 ຄອບຄົວ. ນອກຈາກນັ້ນ ກໍຍັງມີອີກ ຫຼາຍຄອບຄົວ ທີ່ດິນນາ ຂອງພວກຂະເຈົ້າ ຖືກນໍາໄປໃຊ້ ໃນໂຄງການສ້າງເຂື່ອນ.

ຄໍາເຫັນ (2)
Share

(

ຄິດວ່າຂ່າວນີ້ບໍ່ຖືກຄວາມຈິງ ເພາະຄຄທີ່ຖືກຍັບຍ້າຍມີ 14ຄຄ ແລະ ປຊ ສ່ວນຫລາຍໄດ້ປະໂຫຍດ ເພາະມີຂົວ, ເສັ້ນທາງ ແລະເຂົ້າເຖິງພາຍນອກງ່າຍຂື້ນ ນອກນັ້ນ ກ່ຽວກັບເລື່ອງປາເຂົາຍັງຫາໄດ້ ຕາມປົກກະຕິ ສ່ວນຕ່າງຄືເຂົາບໍ່ສາມາດ ຫາໄດ້ປາມະຫາສານ ຍາມປາຂື້ນໄປໄຂ່ເທົ່ານັ້ນ ແລະ ນີ້ກໍ່ບໍ່ເປັນເພາະດອນສະໂຮງ ແຕ່ກົດຫມາຍການປະມົງ ກໍ່ກຳນົດຊັດເຈນຢູ່ແລ້ວ ສະນັ້ນດອນສະໂຮງພຽງ ແຕ່ປະຕິບັດຕາມພັນທະ ໂດຍສະຫນອງງົບຈຳນວນຫນຶ່ງ ໃຫ້ພາກລັດເຮັດວຽກຂອງເຂົາ. ຖາມແດ່ປະເທດໃດທີ່ພະຍາຍາມປົກປ້ອງ ຄົນກະທຳນຜິດກົດຫມາຍໄດ້?



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 25, 2017 01:22 PM

(

This is the hard reality of people's life around the Done Sahong. It has just begun. For the next 30 years and probably longer period of time life there will even be worse than today.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 06, 2017 04:34 PM

ເຕັມຫນ້າ