ຜູ້ນໍາລາວຂໍໃຫ້ສາກົນ ຊ່ອຍເຫຼືອ

ສົມເນ
2016-09-27
ອີແມວລ໌
ຄໍາເຫັນ
Share
ພິມ
ທ່ານ ທອງລຸນ ສີສຸລິດ ນາຍົກຣັຖມົນຕຣີລາວ ຢາກໄດ້ການຊ່ອຍເຫຼືອ ຈາກສາກົນ ເພື່ອການພັທນາຕ່າງໆ ພາຍໃນປະເທດ
ທ່ານ ທອງລຸນ ສີສຸລິດ ນາຍົກຣັຖມົນຕຣີລາວ ຢາກໄດ້ການຊ່ອຍເຫຼືອ ຈາກສາກົນ ເພື່ອການພັທນາຕ່າງໆ ພາຍໃນປະເທດ
Screen captured from LNTV video

ທ່ານ ທອງລຸນ ສີສຸລິດ ນາຍົກ ຣັຖມົນຕຣີ ສປປລາວ ຖແລງຕໍ່ ກອງປະຊຸມ ສະມັດຊາໃຫ່ຽ ສະຫະປະຊາຊາຕ ຄັ້ງທີ່ 71 ເມື່ອວັນທີ 23 ກັນຍາ ຜ່ານມາ ວ່າ ສປປລາວ ຈະສາມາດ ປະຕິບັດ ເປົ້າໝາຍ ແຜນການ ການພັທນາ ແຫ່ງຊາຕ 5 ປີ ຄັ້ງທີ 8 ຊຶ່ງ ໄດ້ຈັດເອົາ ເປົ້າ ໝາຍ ການພັທນາ ແບບຍືນຍົງ ຂອງ ສະຫະປະຊາຊາຕ ເຂົ້ານໍາເພື່ອໃຫ້ ປະຊາຊົນລາວ ຫລຸດພົ້ນຈາກ ຄວາມທຸກຍາກ ໄດ້ນັ້ນ ມັນມີ ຄວາມຈໍາເປັນ ຕ້ອງໄດ້ຮັບ ການ ສນັບສນູນ ແລະ ການຊ່ວຍເຫຼືອ ຈາກ ວົງຄະນາຍາຕ ສາກົນ. ດັ່ງທ່ານ ໄດ້ກ່າວ ໃນຕອນນຶ່ງວ່າ:

"ສປປ ລາວ ເປັນປະເທດ ດ້ອຍພັທນາ ແລະ ບໍ່ມີ ຊາຍແດນ ຕິດກັບທະເລ ຍັງປະເຊີນ ກັບ ສິ່ງທ້າທາຍ ແລະ ຂໍ້ຈໍາກັດ ຫຼາຍຢ່າງ ໃນ ການພັທນາ ພື້ນຖານ ໂຄງລ່າງ ແລະ ການພັທນາ ຊັພຍາກອນ ມະນຸດ ທີ່ມີ ຄຸນນະພາບ ຈຶ່ງມີຄວາມ ຈໍາເປັນ ຕ້ອງໄດ້ຮັບ ການ ສນັບສນູນ ຊ່ວຍເຫຼືອ ຈາກ ວົງຄະນາຍາຕ ສາກົນ ຂ້າພະເຈົ້າ ເຊື່ອໝັ້ນວ່າ ການຕັດສິນໃຈສູງ ຂອງ ຣັຖບານ ສປປ ລາວ ບວກກັບ ຄວາມຮ່ວມມື ການຊ່ວຍເຫຼືອ ທີ່ ສະເໜີຕົ້ນ ສະເໝີປາຍ ຂອງ ວົງຄະນາຍາດ ສາກົນ ພວກ ຂ້າພະເຈົ້າ ຈະສາມາດ ບັນລຸເປົ້າໝາຍ ດັ່ງກ່າວ ນັ້ນໄດ້".

ທ່ານວ່າ ໃນຕໍ່ໜ້ານີ້  ຣັຖບານ ສປປ ລາວ ຈະສຸມໃສ່ ສືບຕໍ່ ປະຕິບັດ ແຜນພັທນາ ສັງຄົມ-ເສຖກິດ 5 ປີ ຄັ້ງທີ່ 8 ຊຶ່ງ ໄດ້ຈັດເອົາ ເປົ້າໝາຍ ການພັທນາ ແບບຍືນຍົງ ຂອງ ສະຫະປະຊາຊາຕ ເຂົ້ານໍາ ເຊັ່ນດຽວກັນ ກັບແຜນ ຍຸທສາດ ການພັທນາ 2025 ແລະ ວິສັຍທັສ 2030 ຮ່ວມທັງ ແຜນການ ເກັບກູ້ລະເບີດ ໃຫ້ໄດ້ຫຼາຍ ທີ່ສຸດ ເທົ່າທີ່ ຈະຫຼາຍໄດ້ ເພື່ອໃຫ້ ປະຊາຊົນລາວ ໃນບ່ອນທີ່ ໄດ້ຮັບ ຜົນກະທົບ ນັ້ນມີການ ດໍາຣົງຊີວິດ ແບບມີ ຄວາມປອດພັຍ.

ຄໍາເຫັນ (6)
Share

PM2021

ຈາກ VTE

ລັດຖະບານ ຄວນຫາບຸກຄະລະກອນຜູ້ເກັ່ງໆດ້ານກາເງິນ, ດ້ານການລົງທຶນ, ວິເຄາະເສດຖະກິດເຕັກນິກ ໂຄງການທີ່ເຫັນວ່ານຳຜົນກຳໄລສູງ ຈາກການນຳໃຊ້ຊັບພະຍາກອນ ທີ່ບໍ່ບົກແຫ້ງພາຍໃນປະເທດແບບຍືນຍົງ, ຈັດລຽງຄວາມສຳຄັນທີ່ແທ້ຈິງ ຂອງໂຄງການລົງທຶນໃນແຕ່ລະປີ ແຕ່ລະໄຕມາດ. ເພາະວ່າລັດຖະບານສາມາດກູ້ຢືມເງິນດອກເບັ້ຍຕຳໆ ຈາກປະເທດເພື່ອມິດມາພັດທະນາເອງໄດ້ (ບໍ່ຂໍລ້າເດັດຂາດ). ຜ່ານມາຂະແໜງການຕ່າງໆ ພອ້ມທັງບັນດາແຂວງ ບໍ່ປະຕິບັດກົດໝາຍ ເປັນສວ່ນໃຫຍ່ ເຮັດໃຫ້ເກີດການຫຼຸດທຶນ, ເກີດໜີ້ສິນ ເພາະວ່າເອົາຄົນທີ່ບໍ່ມີຄວາມຮູ້ ຄວາມສາມາດ້ານນັ້ນໄປບັນຊາ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 12, 2018 04:35 AM

Manychan.

ຈາກ Vientiane.

ຂພຈ.ບໍ່ຄິດຈັກດີ້ວ່າ ທາ່ນທອງລຸນ ກ້າເວົ້າປະໂຍກນີ້ຢຸ່ (ສຫະປະຊາຊາດ) 42 ປີ ໃຊ້ປະໂຍກເກົ່າ.ໃຫ້ໄປເບິ່ງ. ( corruption perceptions index 2016 ). ຂອ້ຍນ້າອາຍຊາວໂລກແທ້ໆ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 25, 2017 01:26 PM

ບຸນ ມະຫາຣາດ

ຈາກ ການາດາ

ຂ້າພະເຈົ້າຄິດວ່າລັຖບານລາວ ຄືຊີ່ບໍມີຄວາມອາຍຢາມໃດກໍມີແຕ່ຂໍຄວາມຊ່ວຍເຫຼືອຕະລອດມາ ແຕ່ວ່າເພີ່ນສະພັດມີຄວາມສຳຫາວອວດເກ່ງ ອ້າງອວດຕົວະໂຕເອງວ່າເພີ່ນ ມີຄວາມສາມາດ ສ້າງປະເທດລາວມີ ຄວາມຈະເຣິນຮຸ່ງເຮືອງ ປະຊາຊົນມີຢູ່ມີກິນ ມີນ້ຳໄຫຼໄຟສະວ່າງ ເຮັດໃຫ້ປະເທດມີອັຕຣາ G.D.P. ສຸງເຖິງ 7 ຫຼື 8 ເປີເຊັນ. ຖ້າເປັນແນວນັ້ນບໍຈຳເປັນ ຈະຂໍໃຫ້ຕ່າງປະເທດມາຊ່ວຍດອກ ສ/ຫ ທອງລູນເຮີຍ ?????



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 20, 2017 12:55 PM

ຄົນລາວ 100%

ຈາກ Lao

ທ່ານ ທອງລຸນ ທ່ານຮ້ອງຂໍຄວາມຮ່ວມມື ໄຫ້ຄານະຍາດສາກົນ ໄຫ້ການຊ່ວຍເຫຼືອ. ໄຫ້ທ່ານຖາມໂຕເອງກ່ອນ ວ່າພວກທ່ານໄດ້ເຊັນຮັບເອົາ ຂໍ້ຕົກລົງຄວາມຮ່ວມມືກັບສາກົນ. ຜ່ານມານັ້ນທ່ານໄດ້ ປະຕິບັດຮ່ວມມີທຸກຂໍ້ຕົກລົງ ກັບສາກົນແລ້ວຫຼືຍັງ ກ໋ຽວກັບການຮ້ອງຂໍຂອງສາກົນ. ເຊັ່ນການຫາຍສາບສູນ ຂອງທ່ານສົມບັດສົມພອນ ແລະຄົນອຶ່ນ ພ້ອມທັງລູກຫຼານສາມຄົນ ທີທ່ານຈັບໄປຂັງໄວ້ ແລະຕັດສິນຈໍາຄຸກ ພວກຂະເຈົ້າເປັນເວລາຊາວປີ. ເລື້ອງການຮ່ວມມື ກັບສາກົນໄຫ້ທານ ພິຈາລະນາ ໂຕເອງ ທ່ານກ່ອນຮ້ອງຂໍສາກົນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 17, 2017 02:25 PM

ຄ.ນະຄຳມວ່ນ

ຈາກ ທ່າແຂກ

ຕົວະມາເຖິງ 41 ປີ ແລ້ວຍັງ ຫວັງໃຊ້ ບັ້ງຕົວະເກົ່າໆ ມາຕົວະສາກົນ ໄດ້ຕໍ່ອີກບໍ ທອງລຸນ ສີສຸຣິດເອີຍ,ເຖິງຈະນົບຕີນ ຂອງພວກເຂົາໆ ກໍ່ຕ້ອງເບິ່ງຫນ້າຄືນ ໃຫ້ແນ່ໆກ່ອນວ່າ: ເປັນຫນ້າສົງສານ ບໍຫລື ມານຈະມາຕົວະຕົ້ມ,ຈະພັດທະນາ ວິທີໃດ ໄດ້ກໍ່ສຸດແລ້ວ ແຕ່ພັກ-ຣັຖ ຄອມມູຍນິຕ ແນວຄິດຢູ່ປາຍ ຂອງ ສປປລາວແດງ ຕີ້ຈະໄປສົນໃຈນຳພວກອື່ນເຮັດຫຽັງ, ຄວາມສລາດສ່ອງໃສຈັງໄຮຮອບດ້ານມັນໄປໃສຫມົດ, ເປັນຫຽັງບໍ່ຍອມຈຳນົນຕໍ່ ໂຮຈີມິນແລະເມົາເຊຕຸງໂດຍກົງໂລດ, ຢ້ານເຂົາສົ່ງນາລົກກ່ອນເຖິງ ປີ 2025 ແລະ 2030 ຊັ້ນບໍ? ແນ່ນອນແລ້ວລະບອບຄອມມູຍນິຕນີ້ ຕາມທີ່ຮູ້ຈາກ ສູນສຳມະນາ ຄ້າຍ 06 ເຂົາກ່າວວ່າ: ຫມົດຍຸກເຂົາໃຊ້ແລ້ວ ເຂົາຈະຫາທາງ ສົ່ງໄປຫານາຍເຫນືອ ຫົວທັງຫມົດໂລດ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 09, 2016 04:42 PM

ເບິ່ງຄວາມເຫັນທັງໝົດ.

ເຕັມຫນ້າ