5 ແຂວງ ຮັບເອົາຄໍາສເນີ ຄ່າຊົດເຊີຍ ທາງຣົດໄຟ

ໄຊຍາ
2018-03-05
ອີແມວລ໌
ຄໍາເຫັນ
Share
ພິມ
ຮູປຈໍາລອງ ຂອງຣົດໄຟ ທີ່ຈະນໍາມາໃຊ້ ໃນເສັ້ນທາງຣົດໄຟ ລາວ-ຈີນ
ຮູປຈໍາລອງ ຂອງຣົດໄຟ ທີ່ຈະນໍາມາໃຊ້ ໃນເສັ້ນທາງຣົດໄຟ ລາວ-ຈີນ
RFA

ສະພາປະຊາຊົນຂັ້ນແຂວງ 5 ແຂວງຂອງລາວ ຮັບຮອງເອົາຄໍາສເນີກ່ຽວກັບ ຄ່າຊົດເຊີຍ ຜູ້ໄດ້ຮັບຜົລກະທົບ ຈາກໂຄງການ ທາງຣົດໄຟ ລາວ-ຈີນ ແລ້ວ. ມາເຖິງປັດຈຸບັນ ສະພາປະຊາຊົນ ຂັ້ນແຂວງ 5 ແຂວງຄື ແຂວງຫລວງນໍ້າທາ, ອຸດົມໄຊ, ຫຼວງພຣະບາງ, ວຽງຈັນ ແລະນະຄອນຫຼວງວຽງຈັນ ຮັບຮອງເອົາຄໍາສເນີ ກ່ຽວກັບ ຄ່າຊົດເຊີຍ ຜູ້ໄດ້ຮັບຜົລກະທົບ ຈາກໂຄງການ ທາງຣົດໄຟ ລາວ-ຈີນ ນັ້ນແລ້ວ ແລະ ຣັຖບານ ຈະພຍາຍາມ ຈ່າຍຄ່າຊົດເຊີຍ ໃຫ້ທັນພາຍໃນເດືອນນີ້ ຫຼື ເດືອນໜ້າ ທ່ານ ລັດຕະນະມະນີ ຄູນນີວົງ ຮອງຣັຖມົນຕຣີ ກະຊວງໂຍທາທິການ ແລະຂົນສົ່ງ, ຫົວໜ້າຄນະຄຸ້ມຄອງ ໂຄງການສ້າງທາງຣົດໄຟ ລາວ-ຈີນ ກ່າວຕໍ່ວິທຍຸເອເຊັຍເສຣີ ໃນມື້ວັນທີ  2 ມິນາ ນີ້ວ່າ:

"ລາຄາຄ່າຊົດເຊີຍຫັ້ນ ດຽວນີ້ຮັບຮອງແບບສົມບູນ ມີ 2 ແຂວງແລ້ວ ຮັບຮອງເກືອບໝົດ ທຸກແຂວງ ເອກສານແຈ້ງຄົບຊຸດ ຍັງ 3 ແຂວງ ສົ່ງມາຮອດຄນະຊີ້ນໍາ ໂຄງການເພື່ອສິນໍາສເນີຕໍ່ເດ໊ ຕ້ອງແມ່ນຄນະຄຸ້ມຄອງ ໂຄງການຣາຍງານຣັຖບານ ຍັງຢູ່ໃນ ຂັ້ນຕອນເຮັດດໍາເນີນ ເອກສານ ປະກາດໃຊ້ວ່າຊັ້ນຊະ."

ທ່ານເວົ້າວ່າ ດຽວນີ້ຄນະຄຸ້ມຄອງໂຄງການສ້າງທາງຣົດໄຟ ກໍາລັງເລັ່ງຂໍເອກກະສານ ກ່ຽວກັບຄ່າຊົດເຊີຍຈາກ 3 ແຂວງ ທີ່ຍັງບໍ່ສົ່ງມາ ໃຫ້ເພື່ອທີ່ຈະເຮັດ ໃຫ້ຂັ້ນຕອນ ຂອງການຊົດເຊີຍ ອອກມາໄວທີ່ສຸດ. ການຮັບຄ່າຊົດເຊີຍນັ້ນມີ 6 ລາຍເຊັນ ຄື: ລາຍເຊັນຂອງປະຊາຊົນ, ຂອງນາຍບ້ານ, ນະໄກ່ເກັ່ຍຂັ້ນເມືອງ ແລະຂັ້ນແຂວງ, ຜູ້ຮັບເໝົາກໍ່ສ້າງ ແລະບໍຣິສັດປຶກສາໂຄງການ.

ທ່ານກ່າວຕື່ມວ່າ ຖ້າບໍ່ເລັ່ງຊໍາລະຄ່າຊົດເຊີຍໃຫ້ປະຊາຊົນ ຜູ້ຖືກຜົລກະທົບ ກໍຈະບໍ່ສາມາດເອົາດິນຂອງພວກເຂົາເຈົ້າ ມາເຮັດໂຄງການ ໄດ້ ແລະຄນະໄກ່ເກັ່ຍຄ່າຊົດເຊີຍ ກໍຕ້ອງໄດ້ກວດສອບ ຄວາມຖືກຕ້ອງຂອງຂໍ້ມູນ ກ່ຽວກັບຄວາມເສັຍຫາຍ ຂອງປະຊາຊົນ ເພື່ອບໍ່ໃຫ້ເກີດຄວາມ ໃນພາຍຫລັງ ດັ່ງທີ່ທ່ານກ່າວວ່າ:

"ຂັ້ນຕອນຕ້ອງເຮັດໃຫ້ມັນ ໄວແຫລະດຽວນີ້ ເພາະວ່າຄັນເຮົາບໍ່ໄດ້ ຊໍາຣະສະສາງ ປະຊາຊົນ ມັນກະບໍ່ມີເນື້ອທີ່ ກໍ່ສ້າງເດ້ ມີແຕ່ວ່າ ເຮົາ ບໍ່ໃຫ້ກະທົບ ພວກບໍ່ມີເຮືອນມີຊານ ເຮົາກະບໍ່ທັນໃຫ້ອອກກ່ອນ ບໍ່ທັນເອົາຂອງຂະເຈົ້າໄປ."

ທ່ານຢືນຢັນວ່າ ທາງຄນະຄຸ້ມຄອງກຽມເງິນຈໍານວນນຶ່ງໄວ້ແລ້ວ ແລະພ້ອມທີ່ຈະຈ່າຍໃຫ້ ປະຊາຊົນທັນທີ ພາຍຫລັງທີ່ ຣັຖບາລ ປະກາດ ໃຫ້ຊົດເຊີຍ ຊຶ່ງຄາດວ່າຈະບໍ່ ກາຍປີນີ້.

ປະຊາຊົນ 5 ແຂວງ ທີ່ໄດ້ຮັບຜົລກະທົບ ຈາກການສ້າງທາງຣົດໄຟ ຄວາມໄວສູງ ລາວ-ຈີນ ຜ່ານ 13 ເມືອງນັ້ນ ມີປະມານ 4,400 ຄອບຄົວ.

ເຕັມຫນ້າ