ນ.ສຸກນາລີ ຂໍຊີ້ແຈງ ຖານະ ການເງິນ

ໄຊຍາ
2018-11-07
ອີແມວລ໌
ຄໍາເຫັນ
Share
ພິມ
ເຈົ້າໜ້າທີ່ຕໍາຣວດ ກໍາລັງນໍາເອົາ ທ່ານ ປໍເຮີ ແລະ ນາງ ສຸກນາລີ ປະທານບໍຣິສັດ ພີເອັສ ເຂົ້າໄປໃນເຮືອນຈໍາ ໂພນທັນ
ເຈົ້າໜ້າທີ່ຕໍາຣວດ ກໍາລັງນໍາເອົາ ທ່ານ ປໍເຮີ ແລະ ນາງ ສຸກນາລີ ປະທານບໍຣິສັດ ພີເອັສ ເຂົ້າໄປໃນເຮືອນຈໍາ ໂພນທັນ
Courtesy of Tholakhong

ນາງ ສຸກນາລີ ເທບສີເມືອງ ປະທານ ບໍຣິສັດ PS ທີ່ເປັນຜູ້ຕ້ອງຫາ ສໍ້ໂກງເງິນລົງທຶນ ຂອງປະຊາຊົນ ໄດ້ຂຽນໃບສເນີ ໄປຍັງຫ້ອງການ ສຳນັກງານ ນາຍົກຣັຖມົນຕຣີ ເມື່ອທ້າຍເດືອນກັນຍາ ຜ່ານມາ ເພື່ອອອກມາຈາກ ຄຸກຄຸມຂັງ ມາເປີດກອງປະຊຸມ ຮ່ວມກັບສະມາຊິກ ແລະ ຊີ້ແຈງກ່ຽວກັບ ຖານະການເງິນ ຂອງ ບໍຣິສັດ PS. ດັ່ງເຈົ້າໜ້າທີ່ຫ້ອງວ່າການ ສຳນັກງານ ນາຍົກຣັຖມນຕຣີ ກ່າວຕໍ່ວິທຍຸເອເຊັຽເສຣີ ໃນວັນທີ 06 ພຶສຈິກາ ວ່າ:

"ອັນ ນາງສຸກນາລີ ມີຂໍ້ສເນີໃຫ້ທະນາຄານກາງແລ້ວຫັ້ນ ສິມາຊີ້ແຈງເນາະຕາມການສເນີ ຂອງສຸກນາລີຫັ້ນນ່າ ແຕ່ວ່າທາງ ທະນາຄານກາງ ສິຮັບເຮັດແບບໃດ ໃຫ້ຊີ້ແຈງເບາະ ຫລືບໍ່ຫັ້ນ."

ໃນຂນະດຽວກັນ ທະນາຄານ ແຫ່ງ ສປປ ລາວ ທີ່ຖືກແຕ່ງຕັ້ງ ໃຫ້ເປັນຄນະຮັບຜິດຊອບ ແກ້ໄຂບັນຫາ ບໍຣິສັດ PS ນັ້ນ ກໍ່ໄດ້ຮັບໜັງສື ສເນີຈາກຫ້ອງການສຳນັກງານ ນາຍົກຣັຖມົນຕຣີແລ້ວ ເມື່ອທ້າຍເດືອນຕຸລາ ຜ່ານມາ, ແຕ່ເຈົ້າໜ້າທີ່ ຂອງ ທະນາຄານກາງ ໄດ້ກ່າວວ່າ ໃນຂນະນີ້ໄດ້ຮັບ ຣາຍງານຈາກກົມກວດກາ ແລ້ວແຕ່ຍັງບໍ່ມີ ການປະຊຸມເທື່ອ ເນື່ອງຈາກ ຜູ້ວ່າການທະນາຄານກາງ ຍັງບໍ່ທັນອອກ ຄວາມເຫັນ ແຕ່ຢ່າງໃດ ຕໍ່ຂໍ້ສເນີດັ່ງກ່າວ.

ສ່ວນຜູ້ຕາງໜ້າປະຊາຊົນ ຜູ້ເສັຽຫາຍ ຈາກການສໍ້ໂກງຂອງ ບໍຣິສັດ PS ໄດ້ກ່າວຕໍ່ ວິທຍຸ ເອເຊັຽ ເສຣີ ວ່າ ສະມາຊິກ ບໍຣິສັດ PS ທຸກຄົນທີ່ຕົກເປັນຜູ້ເສັຽຫາຍ 30 ພັນປາຍຄົນ ທົ່ວປະເທດຍັງລໍຖ້າ ການຕັດສິນຄະດີຈາກສານຢູ່ ເຖິງແມ່ນວ່າຈະໃຊ້ເວລາດົນ ກໍຕາມ ກໍລໍຖ້າທີ່ຈະໄດ້ເງິນຄືນ:

"ໂອ້! ຍັງບໍ່ທັນໄດ້ຈ່າຍເນາະ ເພາະວ່າ ຖ້າສານຕັດສິນ ຍັງບໍ່ທັນຮູ້ເນາະ ຍັງບໍ່ທັນໄດ້ຄຳຕອບ ເອີ ຄອງຄືກັນໝົດທຸກຄົນຫັ້ນຫລະ ລໍໆ ຟັງໄປເບີ່ງເນາະ."

ເຖິງແນວໃດກໍ່ຕາມຂໍ້ສເນີ ຂອງ ນາງສຸກນາລີ ເທບສີເມືອງ ຜູ້ຕ້ອງຫາຄະດີ ສໍ້ໂກງເງິນປະຊາຊົນ ຍັງບໍ່ໄດ້ຮັບການພິຈາຣະນາເທື່ອວ່າ ຈະໄດ້ຕາມຄຳຮຽກຮ້ອງ ຫລືບໍ່ ຜູ້ວ່າການທະນາຄານ ແຫ່ງ ສປປ ລາວ ຍັງບໍ່ທັນໄດ້ມີຄຳເຫັນ ຕາມເອກສານນໍາສົ່ງ ຂອງຫ້ອງການ ສຳນັກງານ ນາຍົກຣັຖມົນຕຣີ.

ຄໍາເຫັນ (4)
Share

(

This mafia couple, the Lao party-state, the Lao government at all level they're complicit. Lao people's money gone for good thanks to Lao version of marxism-leninism.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 09, 2018 07:10 AM

ສະ​ມາ​ຊິກພີ​ເອັດ

ຈາກ ​ໂພນ​ໂຮງ

ທ່ານຫນ່ວຍງານ ສະເພາະກິດ ຊ່ວຍແກ້ໄຂບັນຫານີ້ ໃຫ້ໄວແດ່ທ້ອນ ພວກເຮົາ ລໍຖ້າເງິນຄືນມາດົນແລ້ວ ບາງຄົນກໍຕິດຫນີ້ຫລາຍ ໃຊ້ແຕ່ດອກ. ຢາກໃຫ້ຜູ້ນໍາ ແກ້ໄຂບັນຫາ ໃຫ້ແດ່, ນີ້ແມ່ນຄວາມເດືອດຮ້ອນແທ້ໆ. ການຕັ້ງນິຄົມ ການຕັ້ງສະຫະກອນ ການເຮັດລວມຫມູ່ ກະແມ່ນ ພາຍໃຕ້ ການນຳພາ ຂອງພັກ ໃນເມື່ອ ປະຊາຊົນເດືອດຮ້ອນກະຊ່ອຍແດ່. ຢ່າສຸຖ້າແຕ່ ເອົາເງິນໄປໃຫ້ແລ້ວຈຶ່ງມາຊ່ວຍ. ການເຮັດວຽກ ຂອງເຈົ້າຫນ້າທີ່ກໍ່ຊ້າ ບໍ່ໄປບໍ່ມາ. ຢາກໃຫ້ ເຈົ້າຫນ້າທີ່ ໄປຕິດຕາມເອົາເງິນ ທີ່ປະທານພີເອັດ ໄປຊື້ເຮືອນຊື້ລົດ ແລະ ເອົາໄປເຊື່ອງໄວ້ບ່ອນນັ້ນ ຄືນມາແດ່.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 08, 2018 05:55 AM

(

ກະຊວງການເງິນຍັງຍັກຍອກເອົາເງີນກັນ ຈົນສນັ່ນບ້ານສນັ່ນເມືອງນໍ້ ແລ້ວທະນາຄານກາງນັ້ນບໍ່ມີດ໋ອກຕີ ສິບໍລິຫານທະນາຄານຢ່າງໂປ່ງໄສ ແລະບໍ່ຍັກຍອກເງີນຂອງຊາວບ້ານ ຄືກະຊວງການເງີນຍັກຍອກລັດນໍ້ ຂອ້ຍວ່ານາງສຸນາລີລາວ ອາດຈະຮູ້ຈັກດີກັບເລື້ອງນີ້ ແຕ່ພວກເພີ່ນບໍ່ໄຫ້ໂອກາດລາວ ອະທິບາຍອີຫັຍງ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 08, 2018 05:55 AM

(

ທະນາຄານກາງນັ້ນແມ່ນໃຜ? ຈໍາເລີຍຂອງຄະດີຈະຂໍອອກມາຊີ້ແຈງ ທີ່ໄປທີ່ມາຂອງເງີນວ່າມັນໄປໃສ ກໍຍັງບໍ່ອານຸຍາດໄຫ້ຊີ້ແຈງ ຫຼືວ່າຢ້ານມັນຂຍາຍຜົນໄປເຖີງພວກເພີ່ນຊັ້ນບໍ ອັນນີ້ໜ້າຄິດ ແລະພິຈາລະນາພໍ່ແມ່ພີ່ນ້ອງລາວເອີຍ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 08, 2018 05:54 AM

ເຕັມຫນ້າ