ຂ.ສາຣະວັນ 2 ເມືອງ ຍັງທຸກຍາກ

ໄມຊູລີ
2018-11-06
ອີແມວລ໌
ຄໍາເຫັນ
Share
ພິມ
ອຸ່ນແກ້ວ ສຸກສະຫວັນ ປະຈຸບັນ ເປັນນັກຂ່າວ ວິທຍຸເອເຊັຽເສຣີ(ກາງ) ຖ່າຍຮູປຮ່ວມກັບ ເດັກນ້ອຍຢູ່ເຂດ ບ້ານປະຈຸດອນ ເມືອງຕະໂອ້ຍ ແຂວງສາຣະວັນ (ຮູປຖ່າຍ ປີ 2009)
ອຸ່ນແກ້ວ ສຸກສະຫວັນ ປະຈຸບັນ ເປັນນັກຂ່າວ ວິທຍຸເອເຊັຽເສຣີ(ກາງ) ຖ່າຍຮູປຮ່ວມກັບ ເດັກນ້ອຍຢູ່ເຂດ ບ້ານປະຈຸດອນ ເມືອງຕະໂອ້ຍ ແຂວງສາຣະວັນ (ຮູປຖ່າຍ ປີ 2009)
RFA

ປະຊາຊົນສ່ວນຫລາຍກວ່າ 70 ສ່ວນຮ້ອຍ ໃນເມືອງຕະໂອ້ຍ ແລະ ເມືອງສະມ້ວຍ ແຂວງສາຣະວັນ ຍັງທຸກຍາກຂາດເຂີນ ເພາະວ່າຍັງ ຂາດ ໂຄງຮ່າງພື້ນຖານທຸກຢ່າງ  ເປັນຕົ້ົ້ົ້ນຍັງບໍ່ມີຖນົນຫົນທາງ ໂຮງຮຽນ ໂຮງໝໍຢ່າງທົ່່ວເຖິງ; ດັ່ງເຈົ້າໜ້າທີ່ ໂຄງການ ຫລຸດຜ່ອນ ຄວາມທຸກຍາກ ແຂວງສາຣະວັນ ກ່າວຕໍ່ວິທຍຸ ເອເຊັຍເສຣີ ວ່າ:

“ຖືວ່າກໍນອນຢູ່ໃນເມືອງທຸກຍາກ ຂອງທົ່ວປະເທດນັ້ນແຫລະ ປະຊາຊົນນີ້ ກວມເອົາອັດຕຣາສ່ວນ ຄວາມທຸກຍາກ ກາຍເຄິ່ງນຶ່ງເນາະ ປະມານ 70% ພຸ້ນແຫລະ ເພາະວ່າ ບ້ານທຸກຍາກນີ້ ຍັງກວມເອົາ 30 ບ້ານພົ້ນທຸກ ມີແຕ່ 26 ບ້ານ ຈາກ 56 ໝູ່ບ້ານ.”

ຣັຖບານລາວເປິດໃຫ້ ປະຊາຊົນທົ່ວປະເທດ ອອກຄໍາຄິດຄໍາເຫັນ ຜ່ານເຟສບຸກ ຂອງຣັຖບານ ເມື່ອວັນທີ 5 ພຶສຈິການີ້ ຕໍ່ຄໍາຖາມທີ່ວ່າ “ທ່ານເຊື່ອໝັ້ນບໍ່ວ່າ ປະເທດລາວຈະຫຼຸດພົ້ນ ຈາກສະພາບປະເທດດ້ອຍພັທນາ ພາຍໃນປີ 2024.” ປະກົດວ່າມີປະຊາຊົນກວ່າ 700 ຄົນ ໄດ້ສແດງຄໍາຄິດເຫັນ ຕອບຄໍາຖາມດັ່ງກ່າວ, ໃນນັ້ນມີ ປະຊາຊົນ 75% ບໍ່ເຊື່ອໝັ້ນວ່າ ລາວຈະສາມາດຫລຸດພົ້ນ ຈາກປະເທດດ້ອຍ ພັທນາ ໄດ້ ທັນເວລາກໍານົດ ແຕ່ມີປະຊາຊົນ ພຽງ 25% ເຊື່ອໝັ້ນວ່າ ລາວຈະຫລຸດພົ້ນຈາກ ປະເທດດ້ອຍ ພັທນາ ພາຍໃນປີ 2024. ດັ່ງປະຊາຊົນ ຊາວນະຄອນຫລວງວຽງຈັນ ທ່ານນຶ່ງ ກ່າວຕໍ່ວິທຍຸ ເອເຊັຍເສຣີ ໃນວັນທີ່ 6 ພຶສຈິກາ ນີ້ວ່າ:

“ຖານະທີ່ເຮົາເປັນປະຊາຊົນນີ້ເນາະ ເຮົາເຫັນວ່າມັນບໍ່ທັນເຖິງຂນາດນັ້ນດອກ ເພາະວ່າປາຖນາ ທາງດ້ານໂຄງຮ່າງຖນົນຫົນທາງ ມັນກໍຍັງ ບໍ່ດີພໍ ທີ່ຈະວ່າຫຼຸດຄວາມທຸກຍາກ ທີ່ຈະມາເຖີງນີ້ນະ ມັນຍັງໄກ ເປັນຕົ້ນການສຶກສາ ຫຼືວ່າສຸຂອະນາມັຍ ຄົນລາວນີ້ແຮ່ງຍາກ ແຮ່ງຈົນ ບາດສຸຂອະນາມັຍ ຜູ້ທີ່ເປັນປະຊາຊົນຕາດໍາໆ ນີ້ ແຮ່່ງໄດ້ໃຊ້ຈ່າຍ ຮ້ອຍສ່ວນຮ້ອຍ.”

ປະຊາຊົນທີ່ ຍັງບໍ່ເຊື່ອໝັ້ນວ່າ ລາວຈະຫລຸດພົ້ນ ຈາກປະເທດ ດ້ອຍພັທນາ ພາຍໃນປີ 2024 ສ່ວນຫຼາຍເວົ້າວ່າ ປະເທດລາວ ຍັງຂາດ ໂຄງຮ່າງ ພື້ນຖານ ເປັນຕົ້ນ ຂາດຖນົນຫົນທາງ, ໄຟຟ້າ, ນໍ້າປະປາ, ການສຶກສາ ແລະສຸຂອະນາມັຍ, ນອກຈາກນັ້ນ ຊາວລາວສ່ວນຫຼາຍ ຍັງມີຄວາມເຫັນວ່າ ຣັຖບານລາວ ຄວນຫລຸດຜ່ອນ ການສໍ້ຣາດບັງຫລວງ ແລະ ໜີ້ສິນສາທາຣະນະ ໃຫ້ຫລຸດໜ້ອຍ ລົງນໍາ.

ຄໍາເຫັນ (3)
Share

(

ຂອ້ຍຄິດວ່າຮອດປີ 2034ປະເທດລາວກໍຍັງສິບໍ່ຫຼຸດພົ້ນ ຈາກຄວາມທຸກຍາກຂາດເຂີນໄດ້ ຢູ່ດີແມ້ແຕ່ເງີນສິຊວ່ຍເພີ່ນສ້ອມແປງຂົວຂ້າມນໍ້າຂອງ ກໍຍັງບໍ່ມີແລ້ວ ແລະພັຍທໍາມະຊາດ ມັນກໍຍັງຈະບໍ່ຈົບລົງເທົ່ານີ້ ມັນຍັງຈະມາທຸກໆລະດູການ ແລະ ການພັດທະນາ ຂອງເພີ່ນຊໍ້າພັດ ທໍາລາຍສິ່ງແວດລ້ອມ ໂດຍບໍ່ຄໍານຶງເຖີງຜົນເສັຽຫາຍ, ການພັດທະນາຂອງລັດທະບານ ນັ້ນທຸກຢ່າງແມ່ນຜິດເປົ້າໝາຍ, ທຸກໆການພັດທະນາຂອງເພີ່ນນັ້ນ ແມ່ນພັດທະນາເພື່ອດຶງດູດຄົນທີ່ຮັ່ງມີ ທົ່ວໂລກຊົມໄຊ້ ແລະ ໄຫ້ຄວາມສະດວກແກ່ນັກລົງທືນ ຕ່າງປະເທດເທົ່ານັ້ນ ແລະເພີ່ນບໍ່ໄດ້ພັດທະນາ ໄຫ້ຄົນລາວຫຼຸດພົ້ນແຕ່ຢ່າງໄດເລີຍ,


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 08, 2018 05:53 AM

ລາວ

ຈາກ ວຽງຈັນ

ສິໄຫ້ພົ້ນທຸກໃນປີ 2024 ນີ້ຂ້າພະເຈົ້າຄິດວ່າຄືສິບໍ່ໄດ້ແນ່ນອນ, ໂຕຢ່າງປະຊາຊົນລາວນັ້ນແບ່ງອອກເປັນ3ຊົນຊັ້ນ ຄືຮັ່ງມີ; ພໍກູ້ມຢູ່ກູ້ມກິນ ແລະທຸກຍາກຂາດເຂີນ, ສະນັ້ນກູ່ມທີ່ຮັ່ງມີ ນັ້ນຄືກຸ່ມທີ່ມີອໍານາດ,ພະນັກງານຂອງລັດ,ນັກທຸລະກິດແລະກຸ່ມລົງທືນ ສ່ວນຫຼາຍກໍແມ່ນຄາລະຍາດ ຂອງຜູ້ມີອໍານາດນັ້ນເອັງ, ກຸ່ມທີ່ມີຢູ່ມີກີນພໍກຸ້ມປາກທອ້ງ ກໍຄືພວກຜູ້ຄ້າຊາວຂາຍ ຕາມຕະລາດຮ້າງຮ້ານທົ່ວໄປ ຈະໄຫ້ຮັ່ງກໍ່ແມ່ນຈະໄຫ້ທຸກ ກໍບໍ່ວ່າ ພໍກຸ້ມກິນ ແລະຢູ່ໂຕເມືອງໄຫ່ຍເທົ່ານັ້ນ ສວ່ນກຸ່ມທີສາມ ນັ້ນແມ້ແຕ່ໄກຈາກ ນະຄອນຫຼວງວຽງຈັນໄປບໍ່ເກີນ 5ຫາ10 ກິໂລ ພວກເຮົາກໍຈະເຫັນໄດ້ໂລດ ສະນັ້ນແລ້ວ ມັນທົ່ວປະເທດ ມັນຫຼາຍກ່ວາກຸ່ມທີ່ນຶ່ງ ແລະທີ່ສອງອີກຕັ້ງຫຼາຍເທົ່າ ເຂົາເຈົ້າພວກນີ້ແມ່ນຂາດເຂີນເກືອບທຸກໆຢ່າງ ຂອງຊີວິດປະຈໍາວັນຂອງເຂົາເຈົ້າ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 08, 2018 05:45 AM

(

You're lucky Laos if there're only two poor cities in Saravanh. The thruth is more painful than the Lao brainless government would ever admit.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 08, 2018 05:40 AM

ເຕັມຫນ້າ