ລາວ ຕ້ອງຕຽມຕົວໃນການ ເປັນ ປະເທດ ພັທນາ

ຈໍາປາທອງ
2018-05-04
ອີແມວລ໌
ຄໍາເຫັນ
Share
ພິມ
ດຣ.ລີເບີ ລີບົວປາວ ຫົວໜ້າ ສະຖາບັນຄົ້ນຄວ້າ ເສຖກິດແຫ່ງຊາດ
ດຣ.ລີເບີ ລີບົວປາວ ຫົວໜ້າ ສະຖາບັນຄົ້ນຄວ້າ ເສຖກິດແຫ່ງຊາດ
Screen captured : UNDP Lao PDR

ນັກເສຖສາດລາວ ຮຽກຮ້ອງໃຫ້ຣັຖບານ ສປປລາວ ເອົາໃຈໃສ່ກຽມຕົວ ກ່ອນຈະຫລຸດພົ້ນອອກຈາກ ຖານະປະເທດດ້ອຍພັທນາທີ່ສຸດ ເພື່ອ ຮັບປະກັນ ການພັທນາແບບຍືນຍົງ. ຖ້າລາວຫລຸດພົ້ນພາຍໃນປີ 2024 ການຊ່ວຍເຫລືອ ຂອງຕ່າງປະເທສ ແລະສິດພິເສດ ເພື່ອສົ່ງສິນຄ້າ ອອກ ຈະຫລຸດລົງ. ນັ້ນຄືບັນຫາ ທີ່ນັກເສຖສາດລາວ ກັງວົນ.

ດຣ. ລີເບີ ລີບົວປາວ ນັກເສຖສາດອາວຸໂສ ປະຈຳສະຖາບັນຄົ້ນຄວ້າເສຖກິດແຫ່ງຊາດ ກ່າວຕໍ່ວຽງຈັນທາມສ ໃນມື້ວັນທີ 3 ພຶສພາ ນີ້ວ່າ ສປປລາວ ຈະປະເຊີນກັບ 2 ບັນຫາທ້າທາຍສຳຄັນຄື; ການຫຼຸດລົງຂອງການຊ່ວຍເຫລືອ, ສະຫະພາບຢູໂຣບ ອາດຈະຍົກເລີກ ການໃຫ້ ສິດພິເສດແກ່ ສປປລາວ ໃນການຮັບຊື້ສິນຄ້າ ຂອງລາວ ໂດຍທີ່ບໍ່ເກັບພາສີສິນຄ້າ ຊຶ່ງຈະສົ່ງຜົລກະທົບ ຕໍ່ການຜລິດອຸດສາຫະກັມ ແລະ ການສົ່ງອອກຂອງລາວ.

ທ່ານ ລີເບີ ເວົ້າວ່າ ບໍຣິສັດສົ່ງອອກຂອງລາວ ຈະບໍ່ໄດ້ເສັຽພາສີໃນອັດຕຣາຕ່ຳ ຄືດັ່ງໃນປັດຈຸບັນ ອັນຈະສົ່ງຜົລກະທົບໂດຍກົງຕໍ່ພາກສ່ວນ ຕັດຫຍິບໂດຍສະເພາະ. ທ່ານກ່າວຕື່ມວ່າ ນັບແຕ່ປີ 2011 ຫາປີ 2015 ລາວໄດ້ຮັບການຊ່ວຍເຫລືອທາງການ ເພື່ອການພັທນາໂດຍກົງ ປະມານ 700 ລ້ານໂດລາ ສະຫະຣັຖ ຕໍ່ປີ ຫຼືປະມານ 12% ຂອງການຊ່ວຍເຫລືອ ທາງການເງິນ ຈາກຄູ່ຮ່ວມພັທນາຕ່າງໆ.

ແຕ່ປີ 2015 ຫາປີ 2016 ລາວໄດ້ຮັບການຊ່ວຍເຫືອດັ່ງກ່າວ 791 ລ້ານໂດລາ ຊຶ່ງໃນນັ້ນເປັນເງິນຊ່ວຍເຫລືອລ້າ 244 ລ້ານໂດລາ. ສ່ວນທີ່ເຫລືອ ເປັນເງິນກູ້ຢືມ. ຣັຖບານ ຈຳເປັນຕ້ອງລົງທຶນ ໃສ່ການສຶກສາ ແລະການພັທນາແຮງງານ ໃຫ້ມີສີມືຫຼາຍຂຶ້ນ ຍ້ອນມັນເປັນ ສ່ວນນຶ່ງ ໃນການກຽມຕົວກ່ອນ ສປປລາວ ຈະຫຼຸດພົ້ນອອກຈາກຖານະ ປະເທດດ້ອຍພັທນາທີ່ສຸດ ໃນປີ 2024.

ຄໍາເຫັນ (3)
Share

(

Dear Sir, with due respect you probably were trained to be economist at Lumumba University in former Soviet-Union.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 17, 2018 07:06 AM

(

Instead of getting ready to become a developing country Laos might as well get ready to become a poorer country and an exhausted battery of ASEAN thanks to solar panels. Enjoy.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 17, 2018 07:05 AM

(

ເວົ້າຖືກຫມົດແຕ່ເຮັດບໍ່ໄດ້ດອກ. ພາຍໃຕ້ຣະບົບການປົກຄອງ ແບບແນວຄິດອັນຂັບແຄບຂອງສປປລາວ ບຸກຄົນທົ່ວໄປ ຂາດອິສຣະພາບທາງດ້ານແນວຄິດແບບໃຫມ່ ຢ້ານກົວນຳອອກຄວາມຄິດຄວາມເຫັນແຕກຕ່າງ ກັບແນວຄິດຂອງພັກ ເຫມືອນກັບ ທ່ານຄຳເຜີຍ ທີ່ເຄີຍເວົ້າຢູ່ສະພາຫລາຍປີກ່ອນນັ້ນ ແນ່ນອນ ມັນຈະບໍ່ມີແນວຄິດ ແລະ ບຸກຄົນໃຫມ່ຟູຂຶ້ນມາພັທນາປະເທດ ແບບຍີືນຍົງໄດ້. ເຫດຜົນ ຜູ້ນຳທຸກມື້ນີ້ ຂາດທຶນປັນຍາພັທນາແບບຍືນຍົງ. ພວກນີ້ແລະກົງຈັກການການປົກຄອງ ແບບຜເດັດການຂອງເຂົາ ຍັງຈະເປັນອຸປສັກຂັດຂວາງຄວາມຝັນ ຂອງນັກເສຖກິດ ຄົນນີ້ຢູ່. ທີ່ຈິງແລ້ວ ນະໂຍບາຍພັທນາຂອງສປປລາວແທ້ໆ ແມ່ນຈະສືບຕໍ່ຮ້ອງທຸກ ຂໍຄວາມຊ່ວຍເຫລືອ ຈາກຕ່າງປະເທດ ແລະ ຂາຍສັບໃນດິນສິນໃນນ້ຳກິນຕໍ່ໄປ. ອັນນີ້ບໍ່ຕ້ອງສົງສັຍ. ຖ້າເຮັດຄືທ່ານນັກເສຖກິດເວົ້າ ພັກແລະລັດ ຈະຕົກອຳນາດ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]


May 08, 2018 05:37 AM

ເຕັມຫນ້າ