ສປປລາວ ຍັງຈະບໍ່ຫຼຸດພົ້ນ ຈາກ ປະເທສ ດ້ອຍພັທນາ

ຈໍາປາທອງ
2018-03-23
ອີແມວລ໌
ຄໍາເຫັນ
Share
ພິມ
ທຸງຊາດ ສປປລາວ
ທຸງຊາດ ສປປລາວ
LPDR/Public Domin

ອົງການສະຫະປະຊາຊາດ ປະກາດໃນມື້ວັນທີ 16 ມິນາ 2018 ນີ້ວ່າ ຈະຖອນລາວ ອອກຈາກບັນຊີລາຍຊື່ ປະເທສດ້ອຍພັທນາ ໃນປີ 2024 ຖ້າຫາກວ່າຍັງສາມາດ ປະຕິບັດໄດ້ຕາມເງື່ອນໄຂ ແລະມາຕຖານ ທີ່ສະຫະປະຊາຊາດ ວາງໄວ້.

ເງື່ອນໄຂທີ່ວ່ານັ້ນຄື ຣາຍໄດ້ສະເລັ່ຍຕໍ່ຫົວຄົນ ຊຶ່ງມາຕຖານຂັ້ນຕ່ຳແມ່ນ 1,230 ໂດລາ ສະຫະຣັຖຕໍ່ປີ ຄວາມກ້າວໜ້າ ທາງດ້ານເສຖກິດ ອັດຕຣາການເສັຽຊີວິດ ຂອງແມ່ແລະເດັກນ້ອຍ ຫຼຸດລົງຕ່ຳກວ່າ ເກນມາຕຖານ.

ເຈົ້າໜ້າທີ່ອົງການ ສະຫະປະຊາຊາດ ປະຈຳລາວ ຜູ້ບໍ່ປະສົງ ອອກຊື່ແລະສຽງ ໄດ້ເວົ້າກັບວິທຍຸເອເຊັຍເສຣີ ໃນມື້ວັນທີ 21 ມິນາ 2018 ນີ້ວ່າ 3 ປີ ຜ່ານມາ ຣັຖບາລລາວ ປະຕິບັດໄດ້ດີຂຶ້ນເລື້ອຍໆ. ແຕ່ປີ 2015 ຫາປີ 2018 ຖືວ່າລາວ ສາມາດເຮັດໄດ້ 3 ເງື່ອນໄຂ ທີ່ວ່ານັ້ນ.

ແຕ່ເຖິງຢ່າງໃດກໍຕ້ອງເບິ່ງກັນຕໍ່ໄປວ່າ ຈະຮັກສາມາຕຖານນັ້ນໄວ້ໄດ້ ຕໍ່ໄປອີກ 3 ປີ ຄື ແຕ່ປີ 2018 ຫາປີ 2021 ຫລືບໍ່ ຖ້າເຮັດໄດ້ ສະຫະປະຊາຊາດ ກໍຈະຖອນລາວ ອອກຈາກກຸ່ມປະເທສດ້ອຍພັທນາໃນປີ 2024.

ກ່ຽວກັບເຣຶ່ອງນີ້ ເຈົ້າໜ້າທີ່ຮັບຜິດຊອບວຽກງານ ພັທນາຊົນນະບົດ ຂອງລາວ ເວົ້າວ່າ ເປັນໄປໄດ້ຍາກ, ບາງຄົນເດືອນນຶ່ງ ບໍ່ໄດ້ຮອດ ພັນກີບ ກໍມີ ດັ່ງທີ່ທ່ານກ່າວຕໍ່ວິທຍຸເອເຊັຍເສຣີ ໃນມື້ວັນທີ 21 ມິນານີ້ວ່າ:

"ບາງຄົນເດືອນນຶ່ງບໍ່ໄດ້ຮອດພັນກີບແມ່ນບໍ... ຄິດວ່າເປັນໄປໄດ້ຍາກ ເພາະເວລາເຮົາລົງໄປເຂດທ້ອງຖິ່ນ ຄວາມເຂົ້າໃຈຂອງປະຊາຊົນ ມີຄວາມຕ້ອງການອັນນີ້ ແຕ່ຕ້ອງໄດ້ເອື່ອຍອີງໃສ່ວ່າ ຕ້ອງມີທຶນເຂົ້າໄປຊາວຍເຫລືອຕລອດ ເຮືອນຊານ ບ້ານຊ່ອງປະຊາຊົນຫລາຍໆເຂດ ຍັງເປັນມຸງຫຍ້າຄາ ເຮົາຈະເວົ້າວ່າຫລຸດພົ້ນ ໄດ້ແນວໃດ ທັ້ງທີ່ຊີວິດຄວາມເປັນຢູ່ ຂະເຈົ້າຍັງບໍ່ດີຂຶ້ນເທື່ອ."

ນາງກ່າວຕື່ມວ່າ ຕາມຄວາມເປັນຈິງແລ້ວ ປະຊາຊົນລາວໃນເຂດຊົນນະບົດ ຍັງທຸກຍາກຫລາຍ, ກ່ອນຈະແກ້ໄຂ ໄດ້ຕ້ອງໃຊ້ເວລາດົນ ບໍ່ແມ່ນວ່າຈະແກ້ໄຂໄດ້ ໃນຣະຍະ 4-5 ປີ. ການທີ່ສະເຫລັ່ຍຣາຍໄດ້ ໃສ່ຫົວຄົນໃນ 3 ປີຜ່ານມາວ່າປະຊາຊົນມີຣາຍໄດ້ ດີຂຶ້ນນັ້ນແຕ່ໃນ ສະພາບຕົວຈິງ ທຸກຄົນອາດບໍ່ໄດ້ຊ່ຳນັ້ນ. ປະຊາຊົນໃນເຂດຫ່າງໄກ ເປັນຕົ້ນຢູ່ 5 ແຂວງພາກເໜືອຂອງລາວຫຼາຍກວ່າ 70% ຍັງບໍ່ທັນ ໄດ້ຮັບການພັທນາ ເທົ່າທີ່ຄວນ ແລະຍັງຕ້ອງການຄວາມຊ່ອຍເຫລືອ ເພື່ອລົບລ້າງ ຄວາມທຸກຍາກນັ້ນຫລາຍຢູ່.

ຄໍາເຫັນ (3)
Share

ລາວ

ຈາກ ລາວ

ມັນສິຫຼູຸດສິພົ້ນໄດ້ແນວໄດ ເພາະຜູ້ນຳລາວຍັງເປັນຜູ້ນຳທີ່ຫຼ້າຫຼັງ ແລະໂງ່ເຫົງາບໍ່ເອົາວຽກບ້ານການເມືອງເລີຍ ເບີ່ງທົ່ວປະເທດລາວມີແຕ່ຂາຍອາຫານ ແລະບ້ານພັກໂລງແລມ ຢູ່ທຸກຮອ່ມທຸກແຈ ແລະນອກນັ້ນກໍມີໂຮງງານກັ່ນນໍ້າເຫຼົ້ານໍ້າເບັຽ ແລະບອ່ນພະລິດຍາມືນເມົາ ຄິດລວມໆແລ້ວຜູ້ນຳລາວ ຄືສິໃຫ້ປະຊາຊົນພາກັນ ຫາຊື້ອາຫານກິນ, ຊອກຫາທີ່ພັກແລະໂຮງແລມນອນ, ດື່ມແລະເສບຂອງມືນເມົາ ຕື່ນເຊົ້າມາພາກັນຊອກຫາໄໝ່ ຜຄ້ນຳບໍ່ໄດ້ອອກແນວຄິດໃຫ້ແກ່ປປຊແຕ່ຢ່າງໃດເລີຍ ປອຍໃຫ້ເຂົາຢູ່ຕາມມີຕາມເກີດໂດຍລູກຫຼານຂອງເຂົາເຈົ້າ ບໍ່ຮູ້ວ່າອານາຄົດຈະເປັນແນວໃດ, ແມ່ນແທ້ທີ່ຜູ້ນຳເວົ້າວ່າລາວຈະເລີນ ມີທຸກຢ່າງ ແຕ່ແລ້ວປຊຊລາວທີ່ແທ້ຈິງ ບໍ່ໄດ້ມີໂອກາດໃນສ່ວນຮ່ວມສິ່ງເຫຼົ່ານັ້ນຢ່າງສົມບູນ ເພາະທຸກສິ່ງຢ່າງ ມັນຢູ່ ລະຫ່ວາງການ ສັມປະທານໝົດ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

May 24, 2018 05:38 AM

(

No more concessions to China just sell Laos to Chinese. It might be the way out for the incompetent government of Laos.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 26, 2018 04:39 AM

ປຊຊລາວ

ຈາກ ສະຫວັນນະເຂດ

ຊິໃຫ້ຫລຸດພົ້ນປີໃດ ກະບໍ່ສຳຄັນດອກ ປຊຊ ທຸກມາ 43 ປີແລ້ວ ອີກ 4-5 ປິຊິມີບັນຫາຫຍັງເດ ອີກຢ່າງ ມັນກະເປັນຂ່າວດີໃຫ້ແກ່ຜູ້ນຳລາວ ເພາະຕ່າງປະເທດ ຍັງຊິຊ່ວຍອີກຢູ່ແລ້ວ ເພີ່ນກະຍັງຊິໄດ້ເງິນໄປປັນກັນອີກຢູ່ ແຕ່ເສັຍແຕ່ຈຸດດຽວ ພວກເພີ່ນ ຍັງຊິໄດ້ໄປກາບໄຫວ້ຕ່າງປະເທດໃຫ້ມາ ຊ່ວຍເພີ່ນອີກຢູ່... ແລ້ວອີກຢ່າງ ມັນກະເຮັດໃຫ້ຊາວໂລກຮູ້ໄດ້ວ່ າລະບອບສັງຄົມນີຍົມ ເປັນລະບອບລ້າສະໄຫມ ສ້າງບ້ານສ້າງເມືອງບໍ່ຂຶ້ນຈັກເທື່ອ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 26, 2018 04:39 AM

ເຕັມຫນ້າ