ຄຣູ ຂໍໃຫ້ໄດ້ເງິນເດືອນ ບໍ່ຂາດ

ອະວາຣີ
2016-01-22
ອີແມວລ໌
ຄໍາເຫັນ
Share
ພິມ
ຄູຣສອນໜັງສື ໃຫ້ນັກຮຽນ ຢູ່ ສປປລາວ
ຄູຣສອນໜັງສື ໃຫ້ນັກຮຽນ ຢູ່ ສປປລາວ
Courtesy of room to read.org

ບັນດາ ຄຣູແລະອາຈານ ຢູ່ ສປປລາວ ບໍ່ຄາດຫວັງ ຫຍັງຫຼາຍ ຈາກ ກອງປະຊຸມໃຫຽ່ ຂອງພັກ ປະຊາຊົນ ປະຕິວັດ ລາວ ທີ່ຫາກໍ ວາງແຜນພັທນາ ເສຖກິດ-ສັງຄົມ ສະບັບໃໝ່. ດັ່ງຄຣູສອນ ຊັ້ນ ມັທຍົມ ທີ່ ແຂວງວຽງຈັນ ທ່ານໜຶ່ງ ໄດ້ໃຫ້ທັສນະ ຕໍ່ ນັກຂ່າວ ວິທຍຸ ເອເຊັຽ ເສຣີ ເມື່ອວັນທີ 20 ມົກກະຣາ ນີ້ວ່າ:

“ຄວາມຄາດຫວັງ ຂອງຄຣູ ປະຈຸບັນນີ້ ຫັ້ນນ່າ ຢາກໃຫ້ຄຣູຫັ້ນ ຢາກໃຫ້ເຂົາໄດ້ ເງິນເດືອນ ເປັນປົກກະຕິ ທຸກໆເດືອນ ຫັ້ນລະ ເພື່ອມາລ້ຽງຊີບ ລ້ຽງຄອບຄົວ ເຂົາຫັ້ນ ຂໍແຕ່ ຊໍ່ຳນີ້ແຫຼະ ບໍ່ຂໍ ຫຼາຍດອກ. ບໍ່ໄດ້ ຄາດຫວັງວ່າ ຕ້ອງ ຂຶ້ນເງິນ ເດືອນ ສວັດດີການ ຕ້ອງ ດີກວ່າເກົ່າ ທຸກສິ່ງ ທຸກຢ່າງໃຫ້ ມັນດີ ສົມບູນຂຶ້ນ ບໍ່ຢາກໄປ ຄາດຫວັງ ໂຕນັ້ນ ຫຼາຍ.”

ທ່ານ ທອງສິງ ທຳມະວົງ ນາຍົກ ຣັຖມົນຕຣີ ສປປລາວ ໄດ້ເຜີຍແຜ່ ແຜນການ ພັທນາ ເສຖກິຈ-ສັງຄົມ ຄັ້ງທີ 8 ຂອງພັກ ແຕ່ປີ 2016 ຫາປີ 2020 ຢ່າງຍືດຍາວ ຕໍ່ກອງ ປະຊຸມໃຫ່ຽ ຂອງພັກ ປະຊາຊົນ ປະຕິວັດລາວ ຄັ້ງທີ 10 ວັນທີ 18 ມົກກະຣາ ນີ້ວ່າ:

“ທຸກຄົນຕ້ອງ ເຂົ້າເຖິງ ການສຶກສາ ຢ່າງທົ່ວເຖິງ ແລະ ມີຄຸນນະພາບ. ສືບຕໍ່ພັທນາ ຣະບົບ ການສຶກສາ ໃຫ້ເຂັ້ມແຂງ ຂຶ້ນກວ່າເກົ່າ ເຊິ່ງເຣີ້ມແຕ່ ເດັກນ້ອຍ ອະນຸບານ ຈົນເຖິງ ອາຊີວະສຶກສາ ແລະ ມະຫາ ວິທຍາລັຍ. ປັບປຸງ ແລະ ຂຍາຍ ພື້ນຖານ ໂຄ່ງລ່າງ ທາງດ້ານ ການສຶກສາ ໃຫ້ ທົ່ວເຖິງ. ຂຍາຍໂອກາດ ດ້ານການສຶກສາ ໃຫ້ແກ່ເດັກ, ວັຍໜຸ່ມ ຍິງ-ຊາຍ ແລະ ປະຊາຊົນ ຢູ່ເຂດ ຊົນນະບົດ ຫ່າງໄກ ສອກຫຼີກ”.

ແຕ່ ປະກົດວ່າ ແຜນພັທນາ ການສຶກສາ ນັ້ນບໍ່ໄດ້ ກ່າວເຖິງການ ຍົກຣະດັບ ຄຸນນະພາບ ຊີວິດ ຂອງ ຄຣູ-ອາຈານ ແຕ່ຢ່າງໃດ. ບັນຫາ ການເບີກຈ່າຍ ເງິນເດືອນ ຊັກຊ້າ ໃຫ້ແກ່ ຄຣູ-ອາຈານ ທົ່ວປະເທດ ຍັງເປັນ ບັນຫາໃຫຽ່ ທີ່ແກ້ບໍຕົກ ບໍ່ວ່າ ໃນຣັຖບານ ສປປລາວ ຊຸດ ໃດກໍຕາມ ຊຶ່ງໄດ້ ບັ່ນທອນ ກຳລັງໃຈ ຂອງ ຄຣູ-ອາຈານ ຕລອດມາ ແລະ ເຮັດໃຫ້ ຄຸນນະພາບ ຂອງການສຶກສາ ໃນ ສປປລາວ ຕົກຕ່ຳ.

ຄໍາເຫັນ (2)
Share

My sister

ຈາກ DC

My sister don't wait your monthly payment from Government, your payment already disappear to other person who has high position seating on the table pocket, you will hungry if you still waiting for your monthly payment, please go to your own work and waiting for the Laos over sea come back to help you in the future, laos over sea has a lot of Idea and budget to help my laos people in Laos.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 27, 2016 03:22 PM

ໄມສິງ

ຈາກ ຊຽງຂວາງ

ການປັບປຸງສັບຊ້ອນ ພັກ-ລັດຄັ້ງໃຫມ່ນີ້, ຫວັງວ່າຄົງຄິດເຫັນໃຈ ປະຊາຊົນ ເປັນພື້ນຖານແດ່, ພວກພັກ-ລັດ ແລະລັດຖະກອນ ທັງຫລາຍໄດ້ກິນອີ່ມນຸ່ງອຸ່ນ ແລະກິນແຊບນຸ່ງງາມດີແລ້ວ ແຕ່ຊາວປະຊາຊົນລາວທັງປວງ ຍັງຈົມຊ້ຳຢູ່ພື້ນດິນພຸ້ນ ມັນຈະບໍ່ເປັນການບ້າທິດສະດີ ຫລາຍກ່ວາບໍ?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 26, 2016 11:16 AM

ເຕັມຫນ້າ