ສນາມບິນໜອງຄ້າງ ຄິດໄລ່ ຄ່າຊົດເຊີຍ

ໄຊຍາ
2018-03-08
ອີແມວລ໌
ຄໍາເຫັນ
Share
ພິມ
ຮູບຈໍາລອງ ຂອງໂຄງການ ສນາມບິນສາກົນໜອງຄ້າງ ເມືອງຊໍາເໜືອ ແຂວງຫົວພັນ
ຮູບຈໍາລອງ ຂອງໂຄງການ ສນາມບິນສາກົນໜອງຄ້າງ ເມືອງຊໍາເໜືອ ແຂວງຫົວພັນ
Screen captured from thai pbs.or.th page

ປັດຈຸບັນ ຫ້ອງການຊັພຍາກອນທັມມະຊາດ ແລະສິ່ງແວດລ້ອມ ເມືອງຊຳເໜືອ ແຂວງຫົວພັນ ຄິດໄລ່ຄ່າຊົດເຊີຍ ໃຫ້ຊາວບ້ານທີ່ຖືກ ໂຄງການສ້າງສນາມບິນໜອງຄ້າງ ກວມເອົາເນືິ້ອທີ່ ການຜລິດຂອງເຂົາເຈົ້າ ໂດຍຈະໃຫ້ຄ່າຊົດເຊີຍ ຕາລາງແມັດນຶຶ່ງ 30 ພັນກີບ, ດັ່ງເຈົ້າໜ້າທີ່ຫ້ອງການຊັພຍາກອນທັມມະຊາດ ແລະສິ່ງແວດລ້ອມ ເມືອງຊຳເໜືອ ກ່າວຕໍ່ວິທຍຸເອເຊັຽເສຣີ ວັນທີ 8 ມີນາ ນີ້ວ່າ:

"ເບື້ອງສິ່ງແວດລ້ອມເມືອງນີ້ ພຍາຍາມແກ້ໄຂຜົນກະທົບ ພື້ນທີ່ການຜລິດນີ້ແຫຼະ ຈຳນວນ ທີ່ຖືກຫັ້ນເນາະ ກະແມ່ນໄດ້ ເວນຄືນເນາະ ຊົດເຊີຍ ເປັນເງີນສົດ ຕາແມັດນຶ່ງ 30 ພັນປາຍກີບ ທີ່ຖືກກະທົບໂດຍກົງ."

ທ່ານກ່າວອີກວ່າ ຢ່າງໃດກໍ່ຕາມ ຍັງບໍ່ມີການສລຸບຄັກແນ່ ວ່າຊາວບ້ານເສັຍດິນ ທຳການຜລິດໃຫ້ໂຄງການ ຈຳນວນທັງໝົດ ຈັກເຮັກຕ້າ ແລະ ຈັກຄອບຄົວຍ້ອນກຳລັງຢູ່ໃນຣະຫວ່າງການຮວບຮວມຂໍ້ມູນ ສວ່ນຊາວບ້ານຈຳນວນ 130 ຄອບຄົວ ທີ່ຈະຖືກ ຍົກຍ້າຍເຮືອນ ນັ້ນຍັງບໍ່ທັນມີ ແຜນການຍ້າຍໃນປີນີ້ .

ເມື່ອປີກາຍທາງການ ເມືອງຊຳເໜືອ ໃຫ້ຄ່າຊົດເຊີຍ ແກ່ປະຊາຊົນຈຳນວນນຶ່ງ ທີຖືກຜົນກະທົບ ຍ້ອນດິນແດງ ຈາກໂຄງການ ດັ່ງກ່າວ ໄປຖົມເນື້ອທີ່ນາ ຂອງປະຊາຊົນ ຈົນບໍ່ສາມາດປູກເຂົ້າໄດ້ ແຕ່ບໍ່ໄດ້ເປີດເຜີຍວ່າ ໃຫ້ຄ່າຊົດເຊີຍນັ້ນເທົ່າໃດ.

ສຳລັບ ຄວາມຄືບໜ້າຂອງການສ້າງສນາມບິນໜອງຄ້າງ ຫລ້າສຸດບໍຣິສັດ ຮວງແອງຢາລາຍ ຂອງວຽດນາມ ຜູ້ຮັບເໝົາໄດ້ກັບມາລົງມື ກໍ່ສ້າງຄືນອີກຫຼັງຈາກ ຖືກຣັຖບານລາວ ສັ່ງໂຈະການກໍ່ສ້າງ ໄປຕັ້ງແຕ່ປີ 2015  ຍ້ອນການກໍ່ສ້າງ ບໍ່ໄດ້ມາຕຖານ ຂອງ ທາງການລາວ ແລະ ບໍຣິສັດຮວງແອງຢາລາຍ ຊຶ່ງເປັນຜູ້ລົງທຶນ ກໍ່ສ້າງ ຕິດໜີ້ ທະນາຄານວຽດນາມຫຼາຍ.

ຄໍາເຫັນ (1)
Share

ປຊຊລາວ

ຈາກ ສະຫວັນນະເຂດ

ເວົ້າເລື້ອງຄ່າຊົດເຊີຍຄ່າດີນແດນ ຂອງປຊຊ ທິຖືກພັກແລະລັດຍືດເອົາ ເປັນຫຍັງຄືວ່າຊ້າໆໆໆໆ ແຕ່ພັດລົງມືຍືດເອົາກ່ອນແລ້ວ ແທນທີ່ທິຊົດເຊີຍໃຫ້ມັນແລ້ວສະກ່ອນ ແມ່ນຫຍັງວະລະບອບອັນນີ້? ເອົາໄຖໄປກ່ອນຄວາຍກະເປັນເນາະ ໂຄດບັງຄັບຂົ່ມເຫັງເນາະສູນີ້


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 12, 2018 05:48 AM

ເຕັມຫນ້າ