ຍັງມີການຕັດໄມ້ໃນລາວ

2014-02-11
ອີແມວລ໌
ຄໍາເຫັນ
Share
ພິມ
ຍັງມີການຕັດໄມ້ ຈາກປ່າ ໃນ ສປປລ ເຖິງຈະມີຄຳສັ່ງ ໃຫ້ຢຸດແລ້ວກໍຕາມ
ຍັງມີການຕັດໄມ້ ຈາກປ່າ ໃນ ສປປລ ເຖິງຈະມີຄຳສັ່ງ ໃຫ້ຢຸດແລ້ວກໍຕາມ
RFA/LX

 

ຍັງມີການ ຕັດໄມ້ ຢູ່ໃນເຂດປ່າຜລິດຫຼາຽແຫ່ງ ຂອງລາວ ເຖິງວ່າຈະມີຄຳສັ່ງ ຈາກນາຍົກຣັຖມົນຕຣີ ສະບັບເລກທີ 31 ນຍ ລົງວັນທີ 5 ເດືອນ ພຶສຈິກາ 2013 ວ່າດ້ວຍການ ຢຸດຊົ່ວຄາວ ການຂຸດຄົ້ນໄມ້ ໃນເຂດປ່າຜລິດ ແລ້ວກໍ່ຕາມ. ໃນແຂວງພາກໃຕ້ ຂອງລາວ ຄື ແຂວງເຊກອງ ແຂວງ ຈຳປາສັກ ແລະ ແຂວງ ອັດຕະປື ແມ່ນຍັງ ປະກົດເຫັນ ມີຣົດແກ່ໄມ້ ຂົນໄມ້ ອອກຈາກເຂດປ່າ ຜລິດຢູ່ ແລະ ຍາກທີ່ຈະ ສະກັດກັ້ນ ເພາະວ່າມັນ ມີຫລາຍຮູບແບບ. ດັ່ງເຈົ້າໜ້າທີ່ ຜແນກກະສິກັມ ແລະປ່າໄມ້ ຜູ້ຂໍສງວນຊື່ ທ່ານໜຶ່ງ ໄດ້ກ່າວຕໍ່ ນັກຂ່າວ ວິທຍຸເອເຊັຍເສຣີ ວ່າ:

“ມັນມີຫຼາກຫຼາຍ ຮູບແບບເນາະ, ແຕ່ວ່າບັນຫາ ຕ່າງໆ ຣັຖບານ ກະພຍາຍາມ ຄວບຄຸມຢູ່, ແຕ່ວ່າມັນ ກະຢາກຍາກເນາະ. ແມ້ກະທັ້ງຮາກ ກະນຳໃຊ້ ໂດຽສະເພາະ ຮາກໄມ້ ທີ່ມີ ຣາຄາແພງ, ຢູ່ໃສກະໄປ ເອົາມາຈົນໄດ້".

ຄໍາສັ່ງ ຂອງນາຍົກຣັຖມົນຕຣີ ມີເນື້ອໃນ ບາງຕອນວ່າ: “ຜ່ານມາ ຍັງມີຂະແໜງການ ແລະ ທ້ອງຖິ່ນຍັງບໍ່ທັນ ເປັນເຈົ້າການ ໃນການ ປະຕິບັດ ໜ້າທີ່ ຄວາມຮັບ ຜິດຊອບ ຂອງຕົນ, ຂາດຄວາມເປັນ ເອກພາບ ແລະ ບໍ່ເຂັ້ມງວດ ໃນການ ປະຕິບັດ ຣະບຽບ ກົດໝາຽ".

ເປັນທີ່ວິພາກວິຈານກັນ ໃນສື່ສັງຄົມ ອອນລາຍນ໌ ໂດຍສະເພາະ ແມ່ນ ເຟັສບຸກ ວ່າ: ເຖິງຣັຖບານ ຈະມີຄຳສັ່ງ ຫຼື ມາຕການໃດໆອອກມາກໍ ຕາມ ການ ທີ່ຈະໃຫ້ ຄົນ ຫຼື ນິຕິບຸກຄົນ ຢຸດ ການຂຸດຄົ້ນໄມ້, ຢຸດການເກັບກູ້ໄມ້, ຢຸດການ ລັກລອບ ຕັດໄມ້ຄ້າໄມ້ ຄົງເປັນໄປ ໄດ້ຍາກທີ່ ສຸດເພາະໃນຄວາມເປັນ ຈິງແລ້ວຍັງມີການ ແກ່ໄມ້ອອກໄປຂາຽຍັງປະເທດ ເພື່ອນບ້ານຕາມຊາຽແດນ ລາວ-ໄທ ແລະ ລາວ ວຽດນາມ.

ນອກຈາກນີ້ ທີ່ຜ່ານມາຍັງ ມີການບຸກລຸກ ຕັດໄມ້ ຢູ່ປ່າສງວນ ແຫ່ງຊາດ ດົງຫົວສາວ ເມືອງບາຈຽງ ຈະເຣີນສຸກ ແຂວງ ຈຳປາສັກ. ປັດຈຸບັນ ເນື້ອທີ່ ປ່າໄມ້ ເຫລືອພຽງ 40 ສ່ວນຮ້ອຍ ຫລຸດຈາກ 70 ສ່ວນຮ້ອຍ ໃນຊຸມປີ 1940. ອີງຕາມ ຂໍ້ມູນ ຈາກກະຊວງ ກະສິກັມ ແລະປ່າໄມ້.

ຄໍາເຫັນ (2)
Share

Buk Rich

ຈາກ Tang Pathet

If Laodeng still here, tree cutting never end.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 12, 2014 04:22 PM

Phou Bia

Phuak chone tham lai xat nee man bo mee song khone naj. Bak xang hai yut tak mai nane ko khue ba xang ha tak nane eng le. Kham xang nane pin phieng te xak bang na xu xu. Kuam ching leo, phuak nee cha tham lai thuk xing thuk yang hai mot pai naj. Thuk yang thee phuak nee vao mane bo mene khuam ching chak yang naj. Bo chame pin cha fang kham khi tua khong phuak nee leo; fang ko cha chep hua xu xu le.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 12, 2014 04:13 PM

ເຕັມຫນ້າ