ຊາວບ້ານພິກນ້ອຍລໍຖ້າ ຈີນ ຊົດເຊີຍ

ໄຊຍາ
2019-07-19
Share
f-railway-LP2 ນໍ້າຂອງໃນເຂດ ແຂວງຫຼວງພຣະບາງ ທີ່ກໍາລັງມີການກໍ່ເສົາຊິເມັນ ຂນາດໃຫຍ່ ສໍາລັບເສັ້ນທາງຣົດໄຟ ລາວ-ຈີນ
RFA

ປະຊາຊົນ ບ້ານພິກນ້ອຍ ນະຄອນຫຼວງພຣະບາງ ແຂວງຫຼວງພຣະບາງ ທີ່ໄດ້ຮັບຜົລກະທົບ ຈາກໂຄງການກໍ່ສ້າງ ທາງຣົຖໄຟ ລາວ-ຈີນ ຍັງບໍ່ທັນຮັບຄ່າຊົດເຊີຍ ພາຍຫຼັງທີ່ໄດ້ເອົາດິນ ໃຫ້ໂຄງການດຳເນີນ ການກໍ່ສ້າງໄປແລ້ວ. ດັ່ງປະຊາຊົນ ໄດ້ກ່າວຕໍ່ນັກຂ່າວ RFA ໃນວັນທີ 18 ກໍຣະກະດາ ວ່າ:

"ເຣື່ອງຖືກຜົລເສັຽຫາຍຜົລກະທົບແທ້ ກະຢາກໄດ້ຄ່າຊົດເຊີຍ 10 ປາຍຄອບຄົບພຸ້ນໂອ໋ ສ່ວນຫຼາຍມັນຈະເປັນຄອບຄົວ ທີ່ທຸກຍາກມັນກະ ບໍ່ມີດິນ ທໍາການຜລິດນະກາບໍ່ຮູ້ຄຳຕອບເທື່ອ."

ການຈ່າຍຄ່າຊົດເຊີຍ ໃນແຂວງຫຼວງພຣະບາງ ສື່ພາຍໃນໄດ້ຣາຍງານເມື່ອ 17 ກໍຣະກະດາ ວ່າໃນໂອກາດຄນະຣັຖມົນຕຣີ ໄດ້ລົງກວດກາ ຄວາມຄືບໜ້າຂອງການກໍ່ສ້າງ ທາງຣົຖໄຟ ລາວ-ຈີນ ໃນ ແຂວງຫຼວງພຣະບາງ ຜແນກໂຍທາທິການແຂວງ ໄດ້ຣາຍງານວ່າ ທາງລົດໄຟ ແລ່ນຜ່ານ ແຂວງຫຼວງພຣະບາງ 80 ກິໂລແມັດ ຜ່ານ 2 ເມືອງ 1 ນະຄອນ ໃນນັ້ນມີ 28 ບ້ານ ໄດ້ຮັບຜົລກະທົບ,

ມີດິນທີ່ຖືກຜົລກະທົບທັງໝົດ 161 ຕອນ, ເປັນຂອງເອກກະຊົນ 143 ຕອນເທົ່າກັບ 135 ເຮັກຕ້າ ແລະດິນຣັຖ 12,39 ເຮັກຕ້າ ຮວມ ມູນຄ່າທີ່ຣັຖບານຕ້ອງຈ່າຍ ຄ່າຊົດເຊີຍໃນແຂວງຫຼວງພຣະບາງ ທັງໝົດ 24,6 ຕື້ກີບ.

ໃນປີ 2019 ແຂວງຫຼວງພຣະບາງ ໄດ້ຈ່າຍຄ່າຊົດເຊີຍ ໄປແລ້ວ 3 ເທື່ອ ໃນນັ້ນເມື່ອວັນທີ 01 ກຸມພາ ປີ 2019 ໄດ້ຈ່າຍຄ່າຊົດເຊີຍ ໃຫ້ປະຊາຊົນເມືອງຊຽງເງີນ ເປັນວົງເງີນ 4,77 ຕື້ກີບ ໃນນັ້ນ ບ້ານສວນຫຼວງ 11 ຄອບຄົວ ແລະ ບ້ານແອ່ນສວັນ 1 ຄອບຄົວ.

ວັນທິີ 8 ກຸມພາ ປີ 2019 ໄດ້ຈ່າຍໃຫ້ປະຊາຊົນໃນເຂດ ນະຄອນຫຼວງພຣະບາງ ເປັນວົງເງີນ 7,48 ຕື້ກີບ ໃນນັ້ນມີບ້ານ ພອນໄຊ, ບ້ານນູນສະຫວາດ ແລະ ບ້ານກົກງີ້ວ ຮວມ 39 ຄອບຄົວ ແລະ ເມື່ອວັນທີ 24 ເມສາ 2019 ຜ່ານມາໄດ້ຈ່າຍໃຫ້ປະຊາຊົນ ເມືອງຈອມເພັດ ເປັນວົງເງີນ 5 ຕື້ກ່ວາກີບ ໃນນັ້ນມີ ບ້ານສະນຸກ 12 ຄອບຄົວ, ບ້ານໂພນໂຮມ 13 ຄອບຄົວ,  ບ້ານຖີ່ນໂຮງ 5 ຄອບຄົວ, ບ້ານ ຫ້ວຍໂປ່ງ 4 ຄອບຄົວ, ບ້ານາສັງ 13 ຄອບຄົວ ແລະ ບ້ານຫ້ວຍແຄມີ 13 ຄອບຄົວ.

ຄໍາເຫັນ (0)

ເບິ່ງຄວາມເຫັນທັງໝົດ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ