ບໍຣິສັດໂຊກໄຊ ບໍຣິສັດ ແສງເພັດ ຈ່າຍຄ່າແຮງ ຄົນງານ

ໄມຊູລີ
2018-01-29
ອີແມວລ໌
ຄໍາເຫັນ
Share
ພິມ
ຄຸ້ມບ້ານຈັດສັນ ສະໜາມ 3 ເຂດລ້ອງແຄນ ເມືອງນາແລ ແຂວງຫລວງນ້ຳທາ ສໍາລັບປະຊາຊົນ ທີ່ຕ້ອງໂຍກຍ້າຍຈາກ ເຂື່ອນນໍ້າທາ 1
ຄຸ້ມບ້ານຈັດສັນ ສະໜາມ 3 ເຂດລ້ອງແຄນ ເມືອງນາແລ ແຂວງຫລວງນ້ຳທາ ສໍາລັບປະຊາຊົນ ທີ່ຕ້ອງໂຍກຍ້າຍຈາກ ເຂື່ອນນໍ້າທາ 1
Screen captured citizen journalist

ຄົນງານກໍ່ສ້າງບ້ານຈັດສັນ ເຂື່ອນໄຟຟ້ານໍ້າທາ 1 ຈໍານວນ 6 ຄົນ ທີ່ຂຶ້ນກັບບໍຣິສັດແສງເພັດ ແລະບໍຣິສັດໂຊກໄຊ ໄດ້ຮັບເງິນຄ່າຈ້າງ ຈໍານວນ 190 ລ້ານກິບ ເມື່ອວັນທີ 28 ມົກຣາ ຜ່ານມາ ໂດຍຫ້ອງການກັມມະບານ ເມືອງ ຜາອຸດົມ ເປັນຜູ້ປະສານງານ, ດັ່ງເຈົ້າໜ້າທີ່ ກ່ຽວຂ້ອງ ທ່ານນຶ່ງ ຜູ້ບໍ່ປະສົງອອກຊື່ ກ່າວຕໍ່ເອເຊັຍເສຣີ ໃນວັນທີ່ 29 ມົກຣາ ນີ້ວ່າ:

“ດຽວນີ້ ເພິ່ນມາຈ່າຍແລ້ວ ເຣື້ອງຄ່າຈ້າງຄົນງານ ກໍໄດ້ສໍາເຣັດໄປແລ້ວ ຄົນງານທັງໝົດ ກໍໄດ້ມາເອົາ ຄ່າຈ້າງໄປແລ້ວ.”

ເຈົ້າໜ້າທີ່ທ່ານນີ້ ກ່າວຕໍ່ໄປວ່າ ຫລັງຈາກຄົນງານທັງ 6 ຄົນ ຊຶ່ງເປັນຊາວເມືອງຜາອຸດົມ ແລະຊາວແຂວງຫຼວງພຣະບາງ ໄດ້ຮັບຄ່າຈ້າງ ແຮງງານ ຈໍານວນດັ່ງກ່າວນີ້ແລ້ວ ພວກເຂົາເຈົ້າ  ກໍຮູ້ສຶກດີໃຈ ແລະ ບໍ່ມີບັນຫາຄາໃຈ ກັບບໍຣິສັດ ແສງເພັດ ແລະ ບໍຮິສັດ ໂຊກໄຊ ຕື່ມອີກ ຊື່ງທາງບໍຣິສັດ ກໍໄດ້ຊິ້ແຈງເຖິງສາເຫດ ທີ່ຈ່າຍເງິນລ່າຊ້າ ໃຫ້ຄົນງານເທື່ອນີ້ນໍາ.

ທ່ານກ່າວເພີ້ມວ່າ ສໍາລັບ ທັງສອງບໍຣິສັດ ດັ່ງກ່າວ ທາງການກໍບໍ່ໄດ້ ລົງໂທດຫຼືປັບໃໝ ແຕ່ຢ່າງໃດ ເພາະຖືວ່າ ເຈົ້າຂອງບໍຣິສັດ ກໍໄດ້ ສະແດງ ຄວາມຮັບຜິດຊອບ ຕໍ່ຄົນງານແລ້ວ ຊຶ່ງປັຈຈຸບັນນີ້ ທັງສອງບໍຣິສັດ ກໍຍັງດໍາເນີນກິຈການ ຕາມປົກຕິ.

ການກໍ່ສ້າງບ້ານຈັດສັນໄດ້ຍົກຍ້າຍປະຊາຊົນ ຈາກໂຄງການເຂື່ອນນໍ້າທາ 1 ໂດຍມີບໍຣິສັດໂຊກໄຊ ນະຄອນຫຼວງວຽງຈັນ ເປັນຜູ້ຮັບເຫມົາ ການກໍ່ສ້າງ ແລະບໍຣິສັດແສງເພັດ, ທັງສອງບໍຣິສັດ ໄດ້ຈ້າງຄົນງານ ຈໍານວນນຶ່ງມາ ກໍ່ສ້າງຈົນສໍາເຣັດ, ແຕ່ທາງບໍຣິສັດ ຍັງບໍ່ຈ່າຍຄ່າ ແຮງງານ ໃຫ້ໝົດທຸກຄົນ, ເຮັດໃຫ້ຄົນງານ ທີ່ບໍ່ໄດ້ຮັບຄ່າຈ້າງ ຮ້ອງຮຽນ ໄປຫາຫ້ອງການ ກັມມະບານ ເມືອງຜາອຸດົມ ໃຫ້ຊ່ວຍແກ້ໃຂ ນັບແຕ່ປີຜ່ານມາ ຈົນເຖິງປັຈຈຸບັນ ຈຶ່ງໄດ້ຄ່າແຮງງານ.

ເຕັມຫນ້າ