ຄົນງານປະທ້ວງໂຮງງານບໍ່ຈ່າຍ ເງິນເດືອນ

ສິດນີ
2015-03-20
ອີແມວລ໌
ຄໍາເຫັນ
Share
ພິມ
ຄົນງານລາວ ທີ່ ບໍ່ໄດ້ຮັບເງິນ ຄ່າແຮງງານ ພາກັນ ປະທ້ວງ ໂຮງງານ ເກືອກາລີ ຂອງ ບໍຣິສັດ ຈີນ
ຄົນງານລາວ ທີ່ ບໍ່ໄດ້ຮັບເງິນ ຄ່າແຮງງານ ພາກັນ ປະທ້ວງ ໂຮງງານ ເກືອກາລີ ຂອງ ບໍຣິສັດ ຈີນ
Photo courtesy of Noy Lamleuth

ກັມມະກອນ ໂຮງງານ ເກືອ ກາລີ ປະມານ 70 ຄົນ ປະທ້ວງ ເຈົ້າຂອງ ໂຮງງານ ຊາວຈີນ ທີ່ ບໍ່ຈ່າຍ ເງິນເດືອນ ໃຫ້ ຂະເຈົ້າ ເປັນ ເວລາ 2 ເດືອນ ໃນ ຂນະທີ່ ກັມມະກອນ ຊາວຈີນ ໄດ້ ຮັບເງິນ ເດືອນ ຕາມ ປົກກະຕິ, ອີງຕາມ ຣາຍງານ ຈາກ ທ້ອງຖິ່ນ ໃນ ວັນທີ 19 ມິນາ ນີ້.

ການ ປະທ້ວງ ມີຂຶ້ນ ໃນ ວັນທີ 18 ມິນາ ທີ່ ໂຮງງງານ ເກືອ ກາລີ ຂອງ ຊາວຈີນ, ຕັ້ງຢູ່ ບ້ານ ດົງບອງ, ເມືອງ ນາຊາຍທອງ, ນະຄອນ ຫລວງ ວຽງຈັນ ພາຍຫລັງ ທີ່ ກັມມະກອນ ຊາວລາວ ຮູ້ວ່າ ມີແຕ່ ພວກຕົນ ທີ່ ບໍ່ໄດ້ ຮັບເງິນ ເດືອນ ເປັນ ເວລາ 2 ເດືອນ ໃນຂນະ ທີ່ ກັມມະກອນ ຊາວຈີນ ຊ້ຳພັດ ໄດ້ຮັບເງິນ ເດືອນ ເປັນ ປົກກະຕິ. ກັມມະກອນ ຜູ້ນຶ່ງ ກ່າວຕໍ່ ວິທຍຸ ເອເຊັຍ ເສຣີ ວ່າ:

“ປະທ້ວງ ນີ້ ມີ 70 ນີ້ ແຫລະ ເອົາແຕ່ ພວກ ຫໍພັກ ໄປນະ. ເປັນຫຍັງ ຣັຖບານ ລາວ ຄືບໍ່ ມາເບິ່ງວະ, ພວກກົມ ແຮງງານ ຂະເຈົ້າ ຄືບໍ່ມາເບິ່ງ ມາຫຍັງ ວະ. ກາງຄືນ ກະເຮັດເດ໋, ເຮັດທັງເວັນ ທັງຄືນ ເລີຍ, ເຮັດ ຕລອດ 24 ຊົ່ວໂມງເລີຍ ເຮັດວຽກ ນີ້ນະ.”

ໃນຂນະ ດຽວກັນ, ວາຣະສານ ມະຫາຊົນ ຣາຍງານ ທາງ ເຟສບຸກ ວ່າ ພວກ ປະທ້ວງ ເວົ້າວ່າ ຖ້າຫາກ ວ່າ ບໍ່ໄດ້ ຮັບເງິນ ເດືອນ ພວກ ຂະເຈົ້າ ຈະເອົາ ຊັພສິນ ໃນ ໂຮງງານ ອອກໄປ ຂາຍ. ເຖິງຢ່າງໃດ ກໍຕາມ ຂ່າວ ຫລ້າສຸດ ຣາຍງານ ວ່າ ເມື່ອ ວັນທີ 19 ມິນາ ເຈົ້າຂອງ ໂຮງງານ ຊາວຈີນ ໄດ້ຈ່າຍ ຄ່າແຮງານ ໃຫ້ ກັມມະກອນ ແລ້ວ. ປັຈຈຸບັນ ນີ້ ກັມມະກອນ ຫລາຍຄົນ ໄດ້ ລາອອກ ຈາກ ໂຮງງານ ດັ່ງກ່າວ ແລະ ມີຂ່າວ ອອກມາ ວ່າ ທາງ ໂຮງງານ ຈະເອົາ ກັມມະກອນ ລາວ ອອກຈາກ ວຽກຕື່ມ:

“ອີກມື້ອື່ນ ມື້ຮື ນີ້ ທາງ ຫົວໜ້າ ຈີນ ຂະເຈົ້າ ຊິປະຊຸມ ຊິຄັດ ຄົນອອກ ວ່າຊັ້ນ ເຂົາວ່າ”.

ພ້ອມດຽວ ກັນນັ້ນ ຍັງມີການ ຮຽກຮ້ອງ ໃຫ້ ກະຊວງ ແຮງງານ ແລະ ເຈົ້າໜ້າທີ່ ກ່ຽວຂ້ອງ ໄປກວດກາ ກ່ຽວກັບ ເຫດການ ດັ່ງກ່າວ ແລະ ຂ່າວ ທີ່ວ່າ ມີການໄລ່ ກັມມະກອນ ລາວ ອອກ ເພື່ອ ຈະເອົາ ກັມມະກອນ ຈີນ ເຂົ້າໄປ ເຮັດວຽກ ແທນນັ້ນ ວ່າມີ ຄວາມຈິງ ໜ້ອຍຫລາຍ ປານໃດ.

ຄໍາເຫັນ (6)
Share

lao

ຈາກ laos

ແບບນີ້ເລ ຄວາມສະລາດ ຂອງຊາວຈີນ ພວກເຂົາເຈົ້າ ສວຍໃຊ້ໂອກາດ ແບບນີ້ ເພື່ອຄັດ ພ/ງ ລາວ ອອກແລ້ວ ກໍເອົາຄົນຈິນ ມາແທນ ຄວາມຈິງແລ້ວ ຄົນຈິນ ບໍ່ມັກຄົນລາວ ດອກ ແຕ່ຄົນຈິນ ມັກດິນ ຂອງປະລາວ. ສະນັ້ນ, ບັນດາ ຜູ້ນໍາລາວ ຄວນຄິດເບິ່ງ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 22, 2015 02:19 PM

ກັມກອນ

ຈາກ ລາວ

ຢ່າໄປຫວັງ ອີງອາສັຍ ກຊ ແຮງງານ ຫລື ອົງກາລ ກຳມະບານ ທ້ອນພີ່ນ້ອງ, ບໍ່ມີ ປໂຢດດອກ ເພາະທຸກວັນນີ້ ຢູ່ເມືອງລາວ ແມ່ນ ເຈັກ ແມ່ນ ແກວໃຫຍ່ ຄອງເມືອງ, ບໍ່ມີຜູ້ໃດ ເຮັດຫຍັງ ເຂົາໄດ້ດອກ, ກົງກັນຂ້າມ ພີ່ນ້ອງ ເຮົາໄປໂວຍວາຍ ໃສ່ເຂົາ ຊ້ຳພັດ ຊິເດຶອດຮ້ອນຊ້ຳເດີ, ມີແຕ່ທາງໃດດີ ລະ ເລືອກໄປໂລດເດີ ພີ່ນ້ອງ



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 22, 2015 02:18 PM

ຄົນຫາກິນ

ຈາກ ປະເທດທຸກຍາກ

ພີ່ນ້ອງລາວທຸກຄົນ ເຮັດຖືກຕ້ອງແລ້ວ. ການສັນຍາວ່າຈ້າງ ມັນຕ້ອງໄດ້ ປະຕິບັດກັນ ດ້ວຍຄວາມຈິງໃຈ ບໍ່ແມ່ນຈະກຽມ ແຕ່ສໍ້ໂກງກັນ ແບບນີ້ ຫນ້າຕາເສີຍໆ ... ເຈົ້າໜ້າທີ່ ພັກລັດ ກໍໄດ້ແຕ່ອົມຂີ້ແຂ້ວ ຢູ່ນໍ !


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 22, 2015 02:17 PM

phetsakhat sorphainam

ຈາກ vientiane

chinese think that laotians are their slaves so they (Chinese) can pay any time they want.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 22, 2015 02:16 PM

ກີ້​ໃຫ​ຍ່

ຈາກ ນະ​ຄອນ​ຫຼວງ

ບໍ​ລິ​ສັດ​ຈີນ​ ຂູດ​ຮີດ ​ແຮງ​ງານ​ລາວ ​ປານ​ນັ້ນ ​ເປັນ​ຫ​ຍັງ ​ທາ​ງ​ການ​ລາວ ​ຍັງ ​ອະ​ນຸ​ມັດ​ ໃຫ້​ເຂົ້າ​ມາ ​ສຳ​ປະ​ທານ ​ເຮັດ​ຫ​ຍັງ? ແລ້ວ​ທາງ​ການ ​ຈັດ​ຕັ້ງ​ ຊີ​ ອະ​ນຸ​ມັດ ​ໃຫ້​ບັກ​ຈີນ ​ນຳ​ແຮງ​ງານ​ຈີນ ​ເຂົ້າ​ມາ​ຊັ້ນ​ຫວ່າ? ຖ້າ​ຍັງ​ເປັນ​ແບບ​ນີ້ ​ຊີ​ລຸດ​ຜ່ອນ​ຄວາມ​ທຸກ​ຍາກ ​ໄດ້​ພາຍ​ໃນ​ປີ 2020 ຊັ້ນ​ບໍ?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 22, 2015 02:13 PM

ເບິ່ງຄວາມເຫັນທັງໝົດ.

ເຕັມຫນ້າ