ເມືອງນາໝໍ້ຕ້ອງຍົກຍ້າຍ ຊາວບ້ານ

ອະວາຣີ
2016-02-01
Share
F-Laos-China ໂຄງການທາງຣົດໄຟ ລາວ-ຈີນ
Screenshot from LNTV News video

ປະຊາຊົນ ບ້ານ ນາໝໍ້ໃຕ້ ເມືອງ ນາໝໍ້ ແຂວງ ອຸດົມໄຊ ປະມານ 50 ຄອບຄົວ ຈະຕ້ອງຍ້າຍ ອອກຈາກ ບ້ານ ເພື່ອຫລີກທາງ ໃຫ້ການສ້າງ ທາງຣົດໄຟ ລາວ-ຈີນ. ປັດຈຸບັນ ຜູ້້ ຮັບຜິດຊອບ ການກໍ່ສ້າງ ໄດ້ ປັກຫລັກໝາຍ ເຂດທາງບ່ອນ ຈະສ້າງແລ້ວ. ຊາວບ້ານ ຈະຕ້ອງ ຍົກຍ້າຍ ພາຍໃນ ກາງປີນີ້. ດ່ັງ ເຈົ້າໜ້າທີ່ ຫ້ອງການ ໂຍທາ ທິການ ແລະ ຂົນສົ່ງ ເມືອງນາໝໍ້ ກ່າວກັບ ນັກຂ່າວ ວິທຍຸ ເອເຊັຽ ເສຣີ ເມື່ອອາທິດ ທີ່ແລ້ວວ່າ:

“ບ້ານນາໝໍ້ໃຕ້ ປະມານ 50 ຫລັງຄາ ເຮືອນ 50 ຄອບຄົວ ນີ່ແຫລະ ຍັງບໍ່ທັນ ບຸກເບີກ ກຳລັງ ປັກ ຫລັກໝາຍ ກຳລັງ ຕຽມການ ໄກ່ເກັ່ຍ ສິ່ງ ກີດຂວາງ ໃຫ້ ປະຊາຊົນ ຕ່າງໆກຽມ ຍົກຍ້າຍ ມັນຖືກ ສະຖານີ.”

ສຳລັບ ບ່ອນໃໝ່ ຫລື ບ້ານໃໝ່ ທີ່ຈະຍ້າຍ ໄປຢູ່ ແລະ ເງິນຄ່າ ຊົດເຊີຍ ນັ້ນ ທາງຄນະ ຮັບຜິດຊອບ ເມືອງ ກຳລັງ ປຶກສາຫາລື ກັນຢູ່. ປັດຈຸບັນ ປະຊາຊົນ ຮູ້ຂ່າວ ກ່ຽວກັບ ການຍົກຍ້າຍ ແລ້ວ.

ເຈົ້າໜ້າທີ່ ທ່ານນີ້ ກ່າວອີກວ່າ ເມືອງນາໝໍ້ ເປັນເມືອງນຶ່ງ ໃນແຂວງ ອຸດົມໄຊ ທີ່ ຈະຖືກເສັ້ນ ທາງຣົດໄຟ ຕັດຜ່ານ ສະເພາະ ຢູ່ ເມືອງນາໝໍ້ ຈະມີການ ສ້າງທາງ ຣົດໄຟ ປະມານ 54 ກິໂລແມັດ ແຕ່ສ່ວນໃຫຍ່ ຈະສ້າງຢູ່ ເຂດພູດອຍ ຊຶ່ງ ຈະມີການເຈາະ ອຸມົງ ຫຼາຍໆບ່ອນ.

ຕາມແຜນ ໂຄງການ ວາງໄວ້ ແຂວງ ອຸດົມໄຊ ຈະມີ ສະຖານີ ຣົດໄຟ ສາມແຫ່ງ ຄື: ແຫ່ງທີນຶ່ງ ຢູ່ເມືອງໄຊ ເມືອງເອກ ຂອງ ແຂວງ; ແຫ່ງທີ່ສອງ ຢູ່ເມືອງງາ ແລະ ແຫ່ງທີ່ສາມ ທີ່ ເມືອງນາໝໍ້.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ