ລາວ-ຈີນລົງນາມກໍ່ສ້າງທາງ ຣົດໄຟ

ສິດນີ
2015-12-28
Share
F-Laos-China ເສັ້ນທາງຣົດໄຟ ຈາກ ພາກໃຕ້ຂອງຈີນ ຫາ ນະຄອນຫຼວງວຽງຈັນ ຄວາມຍາວ 421Km
Citizen Journalist

ລາວ-ຈີນ ໄດ້ລົງນາມ ການກໍ່ສ້າງ ເສັ້ນທາງ ຣົດໄຟ ຣະຍະ ທີ 6 ຢ່າງເປັນ ທາງການ ໃນມື້ວັນທີ 23 ທັນວາ ປີ 2015 ທີ່ ກະຊວງ ໂຍທາທິການ ແລະ ຂົນສົ່ງ ສປປລາວ, ເປັນກຽດ ເຂົ້າຮ່ວມ ການລົງນາມ ມີ ທ່ານ ດຣ ບຸນຈັນ ສິນທະວົງ ຣັຖມົນຕຣີ ກະຊວງ ໂຍທາ ທິການ ແລະ ຂົນສົ່ງ ພ້ອມດ້ວຍ ບັນດາ ຣັຖມົນຕຣີ ຊ່ອຍ, ຮອງ ເຈົ້າຄອງ ກຳແພງ ນະຄອນຫຼວງ ວຽງຈັນ ຮອງ ເຈົ້າແຂວງໆ ວຽງຈັນ ແລະ ບັນດາ ແຂກ ຮັບເຊີນ ຫຼາຍທ່ານ.

ຝ່າຍຈີນ ກໍແມ່ນ ທ່ານ ຈ່າວສຽງ ຫົວຫນ້າ ຄນະ ກະຕຣຽມຮ່ວມ ໂຄງການ ຣົດໄຟ ລາວ-ຈີນ ຕາງຫນ້າ ໃຫ້ ແກ່ຜູ້ລົງທຶນ ລົງນາມ ຮ່ວມກັບ ຜູ້ຮັບເຫມົາ ທ່ານ ເຕີງຢວນຟາ ປະທານ ບໍຣິສັດ ຣັດວິສາຫະກິດ ສ້າງ ທາງຣົດໄຟ ເລກ 2 ສປ ຈີນ.

ໃນສັນຍາ ກໍ່ສ້າງ ເສັ້ນທາງ ຣະຍະ ທີ 6 ດັ່ງກ່່າວ ຈະຮ່ວມດ້ວຍ ການລົງນາມ ກັບ ບໍຣິສັດ ທີ່ ປຶກສາ ນຳອີກ ຕົວແທນ ຂອງ ບໍຣິສັດ ທີ່ປຶກສາ ແມ່ນ ທ່ານ ຈູ້ເຊີໂຈ ປະທານ ບໍຣິສັດ ຣັດວິສາວະກັມ ກໍ່ສ້າງ ທາງຣົດໄຟ ສາງເສີງເຫີນານ ຂອງຈີນ.

ການກໍ່ສ້າງ ເສັ້ນທາງ ຣົດໄຟ ລາວ-ຈີນ ຣະຍະ ທີ 6 ຈະມີຣະຍະ ທາງຍາວ ປະມານ 67.7 ກິໂລແມັດ ຣະຫວ່າງ ເມືອງໂພນໂຮງ ຫາ ນະຄອນຫຼວງ ວຽງຈັນ ຊື່ງ ຫລັງຈາກ ລົງນາມແລ້ວ ບໍຣິສັດ ຜູ້ຮັບເຫມົາ ກໍຈະເລີ້ມ ລົງມື ການກໍ່ສ້າງ ຢ່າງເປັນ ທາງການ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ