ຄ່າປົວແປງຈິດໃຈ ຍາດພີ່ນ້ອງ ບໍ່ພໍໃຈ

ຈໍາປາທອງ
2019-01-29
ອີແມວລ໌
ຄໍາເຫັນ
Share
ພິມ
ທາງການລາວ ຈັດພິທີມອບເງິນ "ຄ່າປົວແປງຈິດໃຈ" ໃຫ້ສະມາຊິກຄອບຄົວ ຜູ້ເສັຽຊີວິດ ແລະ ຜູ້ຫາຍສາບສູນ
ທາງການລາວ ຈັດພິທີມອບເງິນ "ຄ່າປົວແປງຈິດໃຈ" ໃຫ້ສະມາຊິກຄອບຄົວ ຜູ້ເສັຽຊີວິດ ແລະ ຜູ້ຫາຍສາບສູນ
ຮູບພາບອຸປຖັມໂດຍ: ນັກຂ່າວພົລເມືອງ

ຍາດພີ່ນ້ອງ ຂອງຜູ້ເສັຽຊີວິດ ແລະຫາຍສາບສູນ ຢູ່ເມືອງສນາມໄຊ ແຂວງອັດຕະປື, ຍ້ອນເຂື່ອນເຊປຽນ-ເຊນ້ຳນ້ອຍແຕກ ເວົ້າວ່າ, ເງິນ ຄ່າຫົວ ຫຼື ອັນທີ່ທາງການລາວ ເອີ້ນວ່າ ຄ່າປົວແປງຈິດໃຈ ທີ່ບໍຣິສັດ ເຊປຽນ -ເຊນ້ຳນ້ອຍ ແລະບໍຣິສັດ SK ຂອງເກົາຫລີໃຕ້ ພ້ອມດ້ວຍ ບໍຣິສັດປະກັນພັຍ ໄດ້ຈ່າຍ, ແລະຜູ້ຕາງໜ້າຣັຖບາລ ເປັນຜູ້ມອບໃຫ້ຈຳນວນ 10 ພັນໂດລາສະຫະຣັຖ ຕໍ່ຄົນນັ້ນໜ້ອຍເກີນໄປ, ເອົາເງິນໃຫ້ ແບບບໍ່ໄດ້ຖາມຄໍາເຫັນຫຍັງເລີຍ, ດັ່ງຍິງຄົນນຶ່ງຢູ່ບ້ານພັກຊົ່ວຊາວ ທີ່ເມືອງສະໜາມໄຊ ຊຶ່ງພໍ່ແລະແມ່ຂອງນາງເສັຍຊີວິດຍ້ອນເຂື່ອນແຕກ, ກ່າວຕໍ່ວິທຍຸເອເຊັຍເສຣີ ໃນມື້ວັນທີ 29 ມົກກະຣາ ນີ້ວ່າ:

“ກະບໍ່ພໍມົກພໍໃຈແຫຼະ, ຫາກເພິ່ນໃຫ້ ຫາກບໍ່ມີບ່ອນເອົາ ຈົນວ່າເຮັດຈັ່ງໃດກະບໍ່ໄດ້ ຍື່ນໃຫ້ໂລດ, ບໍ່ຈັກ, ບໍ່ມີການຕໍ່ວ່າຊໍ້າ, ລະກະວ່າຕົກລົງ ຊໍ່ານັ້ນ, ກະຄຶດເສັຽໃຈແຕ່ຜູ້ບໍ່ເຫັນຊາກສົບ, ຜູ້ເຫັນຜູ້ບໍ່ເຫັນກະໃຫ້ສເມີພາບ, ບໍ່ມີການປົວແປງຈິດໃຈຈັກດີ້, ອັນໃດກະທໍ່ກັນສເມີພາບໝົດ, ຜູ້ບໍ່ເຫັນຊາກສົບຢູ່ພື້ນດິນພຸ້ນ ກະບໍ່ຫຼາຍກະໄດ້ລື່ນແນ່ ຄວາມບໍ່ພໍໃຈຫັ່ນ, ຊິໃຫ້ມາປອບໃຈ ຍັງບໍ່ມີ, ບໍ່ມີຊິມາໃຫ້ກຳລັງໃຈນະ, ມີໃຊ້ອຳນາດ ເອົາເງິນມາໃຫ້ໂລດ.”

ໃນຂນະດຽວກັນ ຜູ້ປະສົບພັຍອີກຄົນນຶ່ງ, ທີ່ລູກແລະຫຼານຊາຍເສັຍຊີວິດ ຍ້ອນເຫດການເຂື່ອນເຊປຽນ-ເຊນໍ້ານ້ອຍແຕກນັ້ນ, ກໍເວົ້າຕໍ່ວິທຍຸ ເອເຊັຍເສຣີວ່າ ເສັຍໃຈ, ການໃຫ້ເງິນຄ່າຫົວຜູ້ຕາຍ ກໍບໍ່ໃຫ້ຕໍ່ວ່າຕໍ່ຂານ ໃຫ້ເທົ່າໃດກໍຕ້ອງໄດ້ເອົາ:

“ໂອ້ຍ! ເວົ້າໃຫ້ມັນກຸ້ມມັນພໍ ກະບໍ່ຢາກພໍແຫຼ້ວ, ໃນມົກໃນໃຈ ມັນເວົ້າບໍ່ໄດ້ນ່າ, ມັນຕໍ່ບໍ່ໄດ້ອິສັງບໍ່ໄດ້, ແນວເຂົາບໍ່ໃຫ້້ເວົ້າບໍ່ໃຫ້ວ່າ, ບໍ່ໃຫ້ວ່າ ບໍ່ໃຫ້ຕໍ່, ມີແຕ່ເຂົາຍ່າງມາຖາມ, ຕໍ່ກັນຕໍ່ຂຶ້ນຕໍ່ລົງ ຍັງວ່າທໍ່ໃດວ່າຊັ້ນວ່າຊິ, ເຂົາບໍ່ວ່າຜູ້ນ້ອຍຫຼືຜູ້ໃຫຍ່ ຜູ້ເຖົ້າຜູ້ແກ່ອິສັງ ຊໍາດຽວກັນໄປໝົດ ຫັ້ນນາ, ກະເສັຍໃຈຫັ້ນແຫຼ້ວ, ຄືພໍ່ຫັ້ນ ແນວລູກຫຼານ ຕາຍຈາກແບບຊັ້ນເນາະ, ເວົ້າເຣື້ອງຊົດເຊີຍເພິ່ນກະໃຫ້ຢູ່ດອກ, ຫົວຄົນລະໝື່ນ ລະຜູ້ເຫັນຜູ້ບໍ່ເຫັນກະໝື່ນນຶ່ງ, ຄືໃນຄອບຄົວຂອງພໍ່ນິ່ ກະເຫັນຊາກສົບຜູ້ຫຼານອາຍຸ 5 ປີຫັ້ນ, ລະຜູ້ລູກຊາຍ 26 ປີ ຫັ້ນບໍ່ເຫັນ.”

ທ່ານກ່າວຕື່ມອີກວ່າ, ນອກຈາກເງິນຄ່າຫົວ ຫຼືເງິນຄ່າປົວແປງຈິດໃຈ ພຽງຈໍານວນ 10 ພັນໂດລາສະຫະຣັຖ ຫຼື 85 ລ້ານປາຍກີບ ຕໍ່ຫົວຄົນນັ້ນ, ແມ່ນບໍ່ກຸ້ມຄ່າກັບຊີວິດຂອງຄົນໃນຄອບຄົວ ທີ່ສູນເສັຍໄປ. ແລະເງິນຄ່າຊົດເຊີຍເຣື້ອງ ເຮືອນຊານບ້ານຊ່ອງ ທີ່ເພພັງ, ແລະຊັພສິນຕ່າງໆທັງໝົດ ທີ່ນໍ້າຈາກເຂື່ອນ ໄຫລທັ່ງເທລົງມາຖ້ວມ ແລະພັດເອົາໄປນັ້ນ, ກໍບໍ່ຮູ້ວ່າຈະໄດ້ຮັບເມື່ອໃດ.

ຄໍາເຫັນ (3)
Share

ສົມນາມ

ຈາກ Fresno

ຂ້າພຣະເຈົ້າຢາກແນະນຳພວກທ່ານທີ່ຂຽນຂ່າວຕ່າງໆ ໃຫ້ພາກັນອ່ານຄືນແລະກວດກາຄືນກ່ຽວກັບ ຂ່າວຕ່າງໆກ່ອນ Post ເພາະບາງປະໂຍກມັນບໍ່ມີ Sense ຈັກນ້ອຍເລີຍ ເຖິງແມ່ນຈະອ່ານແລ້ວອ່ານເລົ່າ ເຖິງແປດເກົ້າເທື່ອ ກະຍັງບໍ່ເຂົ້າໃຈວ່າ ພວກທ່ານຢາກເວົ້າຫັຍງແທ້. ການເຮັດຂ່າວຕ້ອງໃຫ້ Clear ແທ້ໆ ໂດຍສເພາະແມ່ນຕອນທີ່ພວກທ່ານ ເອົາຄຳຂອງຜູ້ທີ່ໃຫ້ຂ່າວມາເວົ້າຕໍ່ນັ້ນທຸກໆເທື່ອ ພວກທ່ານຈະສລັບປະໂຍກບໍ່ໄດ້ເລີຍ. ຂ້າພຣະເຈົ້າເຄີຍເປັນອາຈານສອນ ພາສາລາວມ່າຫລາຍສິບປີ ແລະຢາກສ້າງພວກທ່ານໃຫ້ເປັນນັກຂຽນທີ່ດີ ເວົ້າແລ້ວຢາກຕິເພີື້່ອກໍ່ ຢາກໃຫ້ລູກຫລານຂຽນຂ່າວ ໃຫ້ໄດ້ແຈ້ງທີ່ສຸດ ດັ່ງຂ່າວຂອງຄົນອະເມລິກັນເຂົາຂຽນແມ່ນຈະແຈ້ງແທ້ໆ. ເອົາລະ ຫວັງວ່າພວກທ່ານຄວນນຳເອົາໄປຄິດ ແລະດັດແປງດ້ວຍ ພີ່ນ້ອງລາວເຮົາ ຈະຂອບພະຄຸນເປັນຢ່າງສູງ. ຂອ່ບໃຈ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 31, 2019 04:37 AM

ນາຍ​ຈັນ

ຈາກ ​ສ​ນາມ​ໄຊ

​ຄ່າ​ປົວ​ແປງ​ຈິດ​ໃຈ​ຂອງ​ພີ່​ນ້ອງ​ຊາວ​ສ​ນາມ​ໄຊ ​ອາດ​ນ້ອຍ​ໄປ​ແຕ່​ຍັງ​ດີ​ກ່​ວາ​ທາງ​ບໍ​ຣິ​ສັດ ​ບໍ່​ຈ່າຍ​ເລີຍ​ນໍ່ ​ເພາະ​ວ່າ​ຣັ​ຖ​ບານ​ລາວ ​ເປັນ​ຜູ້​ຕ້ອງ​ການ​ໃຫ້​ສ້າງ​ເຂື່ອນນີ້. ເພື່ອ​ຄວາມ​ຍຸ​ຕິ​ທັມ​ຣັ​ຖບານ​ລາວ ​ແລະ​ບໍ​ຣິ​ສັດ​ເກົາ​ຫີ​ລ​ໃຕ້ ​ຕ້ອງ​ໄດ້​ຣັບ​ພາ​ລະ​ຄົນ​ລະ​ເຄີ່ງ​ຄື​ຣັ​ຖ​ບານ​ລາວ​ຕ້ອງ​ໄດ້​ຈ່າຍ​ເພີ່ມ​ອິກ​ຫົວ​ລະ $10,000.00.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 31, 2019 04:34 AM

(

What do they want more ? It's a dam collapse and if it's a water release they'll get nothing. Let them respect Lao party-state or else... They know the answer.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 31, 2019 04:33 AM

ເຕັມຫນ້າ