ໂຮງຮຽນຊັ້ນປະຖົມຍັງຂາດ ອຸປກອນ

ຈຳປາທອງ
2016-10-25
Share
F-School-supplies ໂຮງຮຽນ ອານຸບານ ວັດທະນາ ມົງແຕສໂຊຣິ ໄດ້ບໍຣິຈາກ ອຸປກອນການຮຽນ ໃຫ້ໂຮງຮຽນ ຊັ້ນປະຖົມ ຈອມມະນີ ໃນນະຄອນຫຼວງ ວຽງຈັນ (ເດືອນ ກຸມພາ 2015)
Screen captured LNTV: WMS extends donation to Chommany Primary School video

ໂຮງຮຽນຊັ້ນປະຖົມ ຂອງ ສປປລາວ ຍັງຂາດອຸປກອນ ການສອນ ການທົດລອງ ດ້ານ ວິທຍາສາດ, ເຮັດໃຫ້ ນັກຮຽນ ບໍ່ໄດ້ຝຶກ ພາກ ປະຕິບັດ ຕົວຈິງ ອັນສົ່ງຜົລ ຕໍ່ຄວາມສົນໃຈ ຂອງນັກຮຽນ ໃນດ້ານ ວິທຍາສາດ. ຕາມການ ເປີດເຜີຍ ຂອງ ເຈົ້າໜ້າທີ່ ຂແນງປະຖົມ ສຶກສາ ແຂວງ ອັຕຕະປື ຕໍ່ວິທຍຸ ເອເຊັຽເສຣີ ເມ່ືອວັນທີ 24 ຕຸລາ ນີ້ວ່າ:

"ບໍ່ມີ ບໍ່ມີເລີຍ ມີແຕ່ ໃຊ້ອຸປກອນ ຫັ້ນນະ ຜລິດເອງ ແບບວ່າ ເອົາກະດາດ ເອົາຫຍັງ ເຮັດເອົາຫັ້ນນະ ເປັນອຸປກອນຊື່ໆ ອັນເຄື່ອງ ທົດລອງຫັ້ນ ອັນນີ້ ບໍ່ມີດອກ ທົດລອງ ວິຊາ ຄະນິດສາດບໍ່ ວິຊາຟີຊິກ ວິຊາຫຍັງ ນີ້ບໍ່ມີ".

ທ່ານເວົ້າຕື່ມວ່າ ມີແຕ່ເດັກນ້ອຍ ນັກຮຽນ ມັທຍົມປາຍ ມີໂອກາດ ຝຶກທົດລອງ ໂດຍໃຊ້ ຫ້ອງແຫລັບ ຫຼືໃຊ້ ອຸປກອນ ໃນການທົດລອງ ທາງ ວິທຍາສາດ. ແລະ ເຈົ້າໜ້າທີ່ ຜແນກສຶກສາ ທິການ ແລະກິລາ ແຂວງ ເຊກອງ ກໍເປີດເຜີຍວ່າ ໂຮງຮຽນ ປະຖົມ ທັງ ຢູ່ໃນເມືອງ ແລະ ເຂດຫ່າງໄກ ຍັງບໍ່ມີ ຊຸດທົດລອງ ທາງ ວິທຍາສາດ, ຍ້ອນຂາດ ງົບປະມານ ແລະ ບໍ່ຮູ່ວ່າ ຈະໄປຊື້ ອຸປກອນເຫຼົ່ານັ້ນ ຈາກບ່ອນໃດ ເນື່ອງຈາກວ່າ ເປັນສິ່ງ ທີ່ຫາຍາກ ໃນຕ່າງແຂວງ:

"ເອີ໋ມັນມີໝົດ ທຸກວິຊາເລີຍ ທີ່ວ່າຂາດໄປ, ຕົວນັ້ນ ບໍ່ມີເລີຍເດີ ຕົວນັ້ນແດ່ ໂຮງຮຽນ ປະຖົມ ບໍ່ມີເດ໊ ທັງຕົວເມືອງ ທັງເຂດ ຫ່າງໄກ ຖ້າໃຫ້ ງົບປະມານ ນີ້ຫວະ ຂະເຈົ້າ ສິບໍ່ຮູ້ ຈະຊື້ແຫຼະ ຈະຊື້ ບ່ອນໃດ".

ຣາຍງານຂອງ ທາງການລາວ ຣະບຸວ່າ ການລົງທຶນ ຂອງຣັຖ ເຂົ້າໃນ ວຽກງານ ວິທຍາສາດ ແລະ ເທັກໂນໂລຊີ ໃນລະຍະ ຜ່ານມາ ກໍມີພຽງ 1% ຂອງ ການລົງທຶນ ຂອງຣັຖ ຫຼືເທົ່າກັບ 0 ຈຸດ 04% ຂອງ ລວມຍອດ ມູນຄ່າ ຜລິຕພັນ ພາຍໃນ ຫຼື ຈີດີພີ ຊຶ່ງເຫັນວ່າ ໜ້ອຍເຕັມທີ່ ເມື່ອທຽບກັບ ປະເທດ ພັທນາແລ້ວ ຊຶ່ງມີເຖິງ 4% ຂອງ ຈີດີພີ.

ນາຍົກຣັຖມົນຕຣີ ທອງລຸນ ສີສຸລິດ ໃຫ້ຄວາມເຫັນ ຕໍ່ສື່ມວນຊົນ ລາວວ່າ ການຄົ້ນຄວ້າ ແລະ ວິຈັຍດ້ານ ວິທຍາສາດ ຢູ່ລາວ ຍັງມີສິ່ງ ທ້າທາຍ ຫຼາຍດ້ານ ໂດຍສະເພາະ ການສ້າງ ນັກວິທຍາສາດ ນັກຄົ້ນຄວ້າ ໃນລະຍະ ຜ່ານມາ ເຖິງຈະມີ ງົບປະມານ ໃຫ້ ສ່ວນນຶ່ງ ແຕ່ກໍບໍ່ມີ ຜົລງານ ການຄົ້ນຄວ້າ ພໍເທົ່າໃດ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.