ຕໍາຣວດໄທ ເກັບເງິນ ຄົນງານລາວ ຖືບັດເຫຼືອງ

ຈໍາປາທອງ
2018-02-01
ອີແມວລ໌
ຄໍາເຫັນ
Share
ພິມ
ຄົນງານລາວ ສ່ວນຫລາຍກໍ່ປະຕິບັດຕາມ ກົດລະບຽບ ຂອງ ທາງການໄທ ທີ່ໄປລົງທະບຽນ ເຮັດວຽກຢ່າງຖືກຕ້ອງ
ຄົນງານລາວ ສ່ວນຫລາຍກໍ່ປະຕິບັດຕາມ ກົດລະບຽບ ຂອງ ທາງການໄທ ທີ່ໄປລົງທະບຽນ ເຮັດວຽກຢ່າງຖືກຕ້ອງ
RFA/PN

ຄົນງານລາວຫລາຍຄົນ ຖືກເຈົ້າໜ້າທີ່ຕໍາຣວດ ປ້ອມກວດຄົນ ຮວມທັງປ້ອມເມືອງຫນອງສູງ ແລະເມືອງຄຳສະອີ ທີ່ແຂວງມຸກດາຫານ ຖືກເຈົ້າໜ້າທີ່ໄທ 3 ປ້ອມເກັບເງິນນໍາ ປ້ອມລະ 300 ບາດ, ລວມທັງໝົດຄົນລະ 900 ບາດ ໂດຍທີ່ບໍ່ໃຫ້ສາເຫດ ແລະ ທັງບໍ່ໃຫ້ໃບຮັບ ເງິນ ທັ້ງໆທີ່ມີບັດສີເຫລືອງ ຄືບັດທີ່ໃຊ້ເຮັດວຽກ ແບບຖືກຕ້ອງຕາມກົດຫມາຍ ໄດ້ຊົ່ວຄາວ ຢູ່ປະເທສໄທ. ດັ່ງຄົນງານນາງນຶ່ງ ກ່າວໃນ ວັນທີ 31 ມົກກະຣາ ນີ້ວ່າ:

"ຂຶຶ້ນໄປກວດໃນຣົດນັ້ນສອງຄົນ ໃຜຖືບັດເຫລືອງ ມັນກໍໃຫ້ລົງໄປເສັຽເງີນ ເຂົາບໍ່ເຄີຍບອກເຫດຜົລຫຍັງເລີຍ ມີແຕ່ລົງໄປເສັຽເງິນ ຜູ້ໃດ ບັດເຫລືອງ ເຂົາບອກຈັ່ງຊີ້ ຍື່ນເງິນໃຫ້ແລ້ວ ກໍຂຶ້ນຣົດເຂົາບອກ ເຄີຍຖາມສະຖານທູດ ແຕ່ເຂົາບອກວ່າໃຫ້ຖ່າຍຮູບ ສ.ນ ນັ້ນມາໃຫ້ເຂົາ ເຂົາບອກ ມັນກໍບໍ່ໄດ້ທັນຄິດວ່າ ຈະຖາຍຮູບນີ້ເນາະ ຄົນເຮົາມັນຫລາຍ ກໍແບບຜູ້ໃດລົງໄປກໍຈ່າຍງເງິນ ຕ້ອງເລັ່ງເລີຍ ເຮົາກໍຢາກຟ້າວ ມີສາມດ່ານ ກໍໄດ້ຈ່າຍສາມເທື່ອ ກໍເປັນ 9 ຮ້ອຍ ດ່ານລະ 300."

ແລະຄົນງານລາວອີກຜູ້ນຶ່ງກໍເວົ້າວ່າ ຢ້ານບໍ່ໄດ້ກັບເມືອບ້ານ ຈຶ່ງຈ່າຍເງິນນັ້ນໃຫ້ເຈົ້າຫນ້າທີ່ຕຳຣວດໄທ ທັ້ງໆທີ່ຮູ້ວ່າ ການເກັບເງິນນັ້ນ ມັນບໍ່ຖືກຕ້ອງ ເພາະຕົນ ກໍມີບັດຜ່ານແດນຊົ່ວຄາວ  ຢ່າງຖືກຕ້ອງຕາມກົດໝາຍແລ້ວ ແລະທັງວ່າ ຄັ້ງກ່ອນແຮງໄດ້ເສັຍ ຫຼາຍກວ່ານີ້:

"ເມື່ອກ່ອນກໍຄືກັນນີ້ແຫລະເຂົາເກັບ 500, 300, 200 ຢູ່ປະມານນີ້ແຫຼະ 3 ດ່ານກໍໄປມາທໍ່ໃດລະ ຖ້າບໍ່ເສັຽມັນກໍບໍ່ປ່ອຍມັນກໍເອີ້ນລົງຣົດ ກໍເສັຽໃຫ້ມັນ ຫັ້ນແຫລ້ວ ເປັນຫຍັງຊີ່ບໍ່ເສັຽເນາະ ມັນມີອຳນາດຢູ່ເຂົາເດ ມັນຂູ່ຈັ່ງໃດ ກໍຢ້ານຄົນລາວນັ້ນ ສ່ວນຫລາຍຈະຢ້ານນະ ເຂົາຂູ່ ຫນ້ອຍນຶ່ງ ກໍຫນ້າຊີດແລ້ວ."

ກ່ຽວກັບບັນຫາດັ່ງກ່າວ ວິທຍຸເອເຊັຽເສຣີ ໄດ້ໂທຣະສັບໄປຫາຕຳຣວດ ທີ່ແຂວງມຸກດາຫານ, ແຕ່ເຈົ້າຫນ້າທີ່ຕໍາຣວດ ບໍ່ສະດວກທີ່ຈະໃຫ້ ສຳພາດ. ຜ່ານມາກໍຣະນີຄືກັນນີ້ ກໍເກີດຂຶ້ນກັບ ຄົນງານພະມ້າ ທີ່ເດີນທາງກັບຄືນປະເທສ ໄດ້ເສັຽໃຫ້ເຈົ້າໜ້າທີ່ ຕໍາຣວດໄທ ຢູ່ດ່ານແມ່ທໍ້ ແລະດ່ານຫ້ວຍຫິນຝົນ ແຂວງຕາກ ຄົນລະແຕ່ 1,000 ບາດ ຫາ 4,000 ບາດ. ແຕ່ຄັ້ງນັ້ນມີຫລັກຖານຢັ້ງຢືນ ຈາກກ້ອງວົງຈອນປິດ ແລະຕໍ່ມາມີຄໍາສັ່ງ ໃຫ້ຍົກເລີກດ່ານນັ້ນ.

ເຕັມຫນ້າ