ການບິນໄທຫຼວງພຣະບາງ ບາງກອກ

2013-12-18
ອີແມວລ໌
ຄໍາເຫັນ
Share
ພິມ
ສາຍການບິນໄທ Thai Smile ຈະບິນໄປກັບ ຣະຫວ່າງ ສນາມບິນ ສຸວັນນະພຸມ ຫລວງພຣະບາງ ສີ່ຖ້ຽວ ຕໍ່ອາທິດ
ສາຍການບິນໄທ Thai Smile ຈະບິນໄປກັບ ຣະຫວ່າງ ສນາມບິນ ສຸວັນນະພຸມ ຫລວງພຣະບາງ ສີ່ຖ້ຽວ ຕໍ່ອາທິດ
Thai Smile

 

ປັດຈຸບັນການບິນຣະຫວ່າງເມືອງມໍຣະດົກໂລກ ຂອງລາວແລະເມືອງຫລວງຂອງໄທ ຜູກດ້ວຍສອງສາຍການບິນ ຄືສາຍການບິນລາວ ແລະ ສາຍການບິນ Bangkok Airways ແຕ່ວ່ານັບແຕ່ວັນທີ 22 ທັນວາ 2013 ເປັນຕົ້ນໄປຈະມີສາຍການບິນທີສາມຄືສາຍການບິນໄທ ຊຶ່ງຈະ ໃຊ້ຍົນໂດຍສານ ທີ່ໃຫຍ່ກວ່າສາມາດບັນຈຸຜູ້ໂດຍສານໄດ້ເຖິງ 174 ຄົນຫຼາຍກວ່າສາຍການບິນລາວ ສອງເທົ່າ.

ສາຍການບິນໄທ(Thai Smile)ຈະບິນໄປກັບຣະຫວ່າງສນາມບິນສຸວັນນະພຸມແລະຫລວງພຣະບາງສີ່ຖ້ຽວຕໍ່ອາທິດຄືໃນມື້ວັນອັງຄານ,ສຸກ,ເສົາ ແລະອາທິດ. ບາງກອກໂພສຣາຍງານວ່າໃນເບື້ອງຕົ້ນ ສາຍການບິນໄທຈະເກັບຄ່າໂດຍສານໃນຣາຄາຖືກພິເສດຄືພຽງແຕ່ 7,300 ບາດ ຫລື ປະມານ 265 ດອນລ່າສະຫະຣັຖ ເທົ່ານັ້ນສຳຣັບຖ້ຽວບິນໄປກັບ.

ປັດຈຸບັນທາງການລາວຍັງບໍ່ອະນຸຍາດໃຫ້ສາຍການບິນຣາຄາຖືກໆເຊັ່ນສາຍການບິນ AirAsia ໃຫ້ບິນໄປລາວເທື່ອເພື່ອຮັກສາຜົນປໂຍດຂອງ ສາຍການບິນລາວຊຶ່ງຈະບໍ່ສາມາດແຂ່ງຂັນກັບສາຍການບິນຣາຄາ ຖືກອື່ນໆໄດ້.ໃນປີ 2015 ເມື່ອເປີດປະຊາຄົມເສຖກິຈອາຊຽນແລ້ວ ສປປ ລາວຈະໄດ້ປະຕິບັດຕາມສັນຍາທີ່ໄດ້ເຊັນກັບປະເທດອື່ນໆ ໃນອາຊຽນ.

ປັດຈຸບັນສາຍການບິນ Bangkok Airways ມີຖ້ຽວບິນຣະຫວ່າງຫລວງພຣະບາງແລະບາງກອກສອງຖ້ຽວຕໍ່ມື້ທຸກໆມື້ສ່ວນສາຍການບິນລາວ ມີມື້ລະຖ້ຽວ.

ຄໍາເຫັນ (2)
Share

lao europ

ຈາກ europ

ໄປສົນໃຈຫັຍງກັບ ສາຍການບິນໄທ ອານຸຍາດໃຫ້ເຂົາແລ້ວ ເຂົາມາຕິມາຫາເລື່ອງນັ້ນນີ້ເດີ ຂາດລາຍໄດ້ ສາຍການບິນລາວອີກ ຍົນລາວເກີດ ອຸບັດຕິເຫັດ ຍອ້ນດິນຟ້າອາກາດ ຜູ້ໂດຍສານ ຫລື ນັກທອ່ງທ່ຽວ ຖ້າຢ້ານກະເດີນ ທາງດ້ວຍລົດ ຫົວອ່ອນຫລາຍ ພວກເຈົ້າໄທ ມັນແຮ່ງມັກເວົ້າໃຫ້ ລາວຢູ່ແລ້ວ ດຽວນີ້ສິນຄ້າເຂົ້າມາລາວ ກໍເຂົ້າທາງ ຈີນ ວຽດນາມພຸ້ນ ໄປງໍ້ມັນຫັຍງໄທ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 05, 2014 03:36 PM

BT

ຈາກ Luangphabang, LaosVVYNX3Q

Thai airlines is better than Lao airlines, safety, quality services and true believe.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 19, 2013 03:37 PM

ເຕັມຫນ້າ