ຈັບ ຊາວຈີນ 3 ຄົນ ໃຊ້ເງິນກີບປອມ

ໄຊຍາ
2019-04-15
ອີແມວລ໌
ຄໍາເຫັນ
Share
ພິມ
ທະນາບັດ ເງິນກີບ ສປປລາວ
ທະນາບັດ ເງິນກີບ ສປປລາວ
Public Domain

ຕຳຣວດ ແຂວງຫຼວງພຣະບາງ ຈັບຜູ້ຕ້ອງຫາ ຊາວຈີນ 3 ຄົນ ທີ່ໃຊ້ເງິນກີບປອມ ໃບລະ 50 ພັນກີບ ແລະ 1 ແສນກີບ ໄດ້ຢູ່ຕລາດ ຫຼວງພຣະບາງ ໃນວັນທີ 14 ເມສາ ຜ່ານມາ ຫຼັງຈາກ ຜູ້ຕ້ອງຫາທັງ 3 ເອົາໄປໃຊ້ຈ່າຍ ໃນໄລຍະສົງການນີ້ ຢູ່ຕລາດ ນະຄອນຫຼວງພຣະບາງ, ດັ່ງເຈົ້າໜ້າທີ່ຕຳຣວດ ຫ້ອງການຂ່າວສານ ແຂວງຫຼວງງພຣະບາງ ກ່າວຕໍ່ ວິທຍຸ ເອເຊັຽ ເສຣີ ເມື່ອວັນທີ 15 ເມສາ ວ່າ:

“ຕາມການຣາຍງານມາ ກໍແມ່ນຈັບແລ້ວ ຢູ່ຕາມຣາຍງານ ຂອງທ້ອງຖິ່ນຫຼວງພຣະບາງ ເຂົາກໍເວົ້າໄດ້ຈັບແລ້ວ 3 ຄົນ ປອມກໍແມ່ນໃບແສນ, ໃບ 50 ພັນໃຫຍ່ໆຫັ້ນນ່າ ມັນຖືກນໍ້າສີ ມັນຈະອອກເລີຍ ລາຍນູນ ລາຍອັນນັ້ນນະ ສີມັນຈະແຕກອອກ.”

ຄົນຈີນທັງ 3 ຄົນ ໄດ້ເອົາເງິນກີບປອມ ມາຊື້ເຄື່ອງນຸ່ງຫຼິ້ນສົງການ ຮວມແລ້ວຫຼາຍລ້ານກີບ ແຕ່ເງິນທີ່ນຳມາໃຊ້ນັ້ນປຽກ ໂຕເລຂ ຈຶ່ງອອກສີ ແມ່ຄ້າຮ້ານດັ່ງກ່າວ ຈຶ່ງໂທແຈ້ງຕຳຣວດ ໃຫ້ມາກວດສອບ ແລະ ຈັບຄົນຈີນ ທັງ 3 ຄົນ.

ທ່ານກ່າວຕື່ມວ່າ ຄົນຮ້າຍທັງ 3 ຄົນ, ປັດຈຸບັນ ຕຳຣວດ ກຳລັງເລັ່ງສອບສວນ ທີ່ມາຂອງເງິນປອມດັ່ງກ່າວ, ເຊິ່ງຄາດວ່າ ຈະໄດ້ຂໍ້ສລຸບ ໃນໄວໆນີ້ ພ້ອມກັບ ໄດ້ຝາກເຕືອນ ໄປຍັງປະຊາຊົນ ໃຫ້ຣະວັງ ເງິນປອມ.

“ວິທີ ບໍ່ສັບສົນປານໃດເນາະ ສ່ວນຫຼາຍເຂົາປອມ ເຂົາກໍຈະປອມ ໃນລັກສະນະ ກອບປີ້ເຈັ້ຽ ເອ 4 (A4) ແຕ່ເກົ່າເນາະ ດຽວນີ້ ມັນກໍອາຈພັທນາ ຂຶ້ນໜ້ອຍນຶ່ງ ແຕ່ສ່ວນຫຼາຍ ມັນຖືກນໍ້າ ສີ ມັນຈະອອກອອກໆ ສີມັນຈະແຕກອອກ ຄ້າຍຄືກັບຖືກນໍ້າ ແລ້ວສີມັນຈະບານອອກ ມັນຈະບໍ່ມີ ລ​າຍນໍ້າເນາະ ລາຍໂນນ ລາຍອັນນັ້ນນະ ສັງເກດເບິ່ງລາຍໂນນ."

ນອກຈາກນີ້ແລ້ວ ກໍໃຫ້ເບິ່ງໂຕເລຂຢູ່ໃບເງິນ ເຖິງແມ່ນ ຈະໃຊ້ເຈັ້ຍແນວໃດ ກໍເປັນເງິນປອມ ຫລືໃຫ້ທຽບໃສ່ ກັບໃບກີບ ທີ່ມີຢູ່ ຫາກພົບເຫັນ ວ່າບໍ່ຄືກັນ ກໍໃຫ້ຮີບແຈ້ງ ຫາເຈົ້າໜ້າທີ່ຕຳຣວດ ໃນທ້ອງຖິ່ນ ໃຫ້ຊ່ອຍເບິ່ງ ແລະ ແກ້ໄຂໂດຍໄວ.

ຄໍາເຫັນ (2)
Share

ລາວ

ຈາກ ລາວ

ອັນນີ້ຜູ້ນໍາລາວຍັງສິເວົ້າວ່າຈີນ ເປັນມິດທີ່ດີຢູ່ບໍ? ເຂົາເປັນຄົນຈີນເຂົ້າມາທໍາທຸລະກິດ ແບບຈີນໆຢູ່ແບບຈີນໂດຍບໍ່ໄດ້ຢ້ານກົວ ຕໍ່ກົດໝາຍຂອງຜູ້ນໍາລາວ, ແລະທຸກຢ່າງຂອງຈີນ ແມ່ນຂອງປອມໝົດແມ້ແຕ່ເງິນກີບລາວ ເຂົາກໍເຮັດປອມອອກມາໄຊ້ສະບາຍໆ, ບໍ່ຮູ້ຈັກສິວ່າແນວໃດກັບຜູ້ນໍາສປປລາວ ທີ່ເວົ້າວ່າຈີນເປັນມິດຍຸດທະສາດທີ່ດີ, ໂອ້ຍຫຼັບຫູຫຼັບຕາເວົ້າແທ້ໆ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 18, 2019 06:42 AM

(

Don't worry Laos. More fake money and goods will come to you than ever before.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 18, 2019 06:33 AM

ເຕັມຫນ້າ