ຂ.ຫົວພັນວຽດນາມເພີ້ມຂຶ້ນ

ຈໍາປາທອງ
2016-11-13
ອີແມວລ໌
ຄໍາເຫັນ
Share
ພິມ
ຊາວວຽດນາມ ໃນແຂວງຫົວພັນ ຄ້າຂາຍຕາມບ້ານເຮືອນ
ຊາວວຽດນາມ ໃນແຂວງຫົວພັນ ຄ້າຂາຍຕາມບ້ານເຮືອນ
Screen captured Lao-Viet video

ປັດຈຸບັນ ຊາວວຽດນາມ ເຂົ້າມາເຊົ່າ ດິນ ຊາວບ້ານ ແລະ ດິນຣັຖ ຢູ່ເມືອງແອດ ແຂວງຫົວພັນ ຫຼາຍຂຶ້ນ ເພື່ອລົງທຶນ ຕັ້ງຮ້ານ ຄ້າຂາຍ ເຄື່ອງຂອງ ແລະ ບໍຣິການ ໃນດ້ານຕ່າງໆ ຈົນ ກາຍເປັນວ່າ ໃນເມືອງແອດ ມີແຕ່ຮ້ານ ຂອງ ຄົນວຽດນາມ. ດັ່ງ ຊາວເມືອງແອດ ເວົ້າວ່າ:

"ຢູ່ຂອບເຂດຕລາດ ໃກ້ຄຽງ ນີ້ແມ່ນຄົນວຽດນາມ ໝົດ ຂາຍເຄື່ອງ ຂາຍຫຍັງ ສຳປະທານ ດິນ ເຊົ່າດິນ ຂອງຣັຖເບາະ ຂອງ ເອກຊົນ ເບາະ ຂອງບ້ານ ປະຊາຊົນ ນີ້ນະ ຮ້ານຂາຍເຄື່ອງ ບໍ່ ຫລືວ່າເຮັດ ບໍຣິສັດ ວຽດນາມ ນີ້ມັນ ກໍຂ້ອນຂ້າງວ່າ ຢາກໃກ້ ເຂົ້າມາ ຫຼາຍແດ່ ການພົວພັນ ເສຖກິດ ອັນນັ້ນ ອັນນີ້ ສ່ວນຫຼາຍ ມາຈາກ ວຽດນາມ ໝົດ".

ທ່ານເວົ້າຕື່ມວ່າ ທຸກມື້ນີ້ ສິນຄ້າ ທຸກຢ່າງ ຢູ່ພາຍໃນ ເມືອງແອດ ນັບຕັ້ງແຕ່ ອາຫານ ໄປຈົນຮອດ ຣົດຈັກ ລ້ວນແລ້ວແຕ່ ໄປຊື້ນຳ ພໍ່ຄ້າ ວຽດນາມ ທັງໝົດ ແລະ ການປູກພືດ ຜັກ ຮວມທັງ ໝາກສາລີ ກໍແມ່ນ ຊາວວຽດນາມ ລົງທຶນ ປູກ ແລະ ທັງມີ ຂ່າວວ່າ ອີກບໍ່ດົນນີ້ ນັກທຸຣະກິດ ວຽດນາມ ກຽມເຂົ້າມາ ລັງທຶນ ເຮັດສວນກ້ວຍ ໃນເນື້ອທີ່ ກວ່າ 2 ພັນເຮັກຕາ ເພື່ອສົ່ງໄປຂາຍ ວຽດນາມ.

ກ່ຽວກັບເຣຶ່ອງນີ້ ເຈົ້າໜ້າທີ່ ຫ້ອງການ ພັທນາ ຊົນນະບົດ ແຂວງຫົວພັນ ເວົ້າວ່າ ປັດຈຸບັນ ຊາວວຽດນາມ ເຂົ້າມາເຮັດ ທຸຣະກິດ ຢູ່ແຂວງ ຫົວພັນ ຫຼາຍແທ້ ເພາ ຣັຖບາລ ເປີດກວ້າງ ໃນເຣຶ່ອງ ຄ້າຂາຍແລະ ການລົງທຶນ ຈາກ ຕ່າງປະເທສ ເພື່ອໃຫ້ ປະຊາຊົນ ມີການເປັນຢູ່ ທີ່ດີຂຶ້ນ:

"ຣັຖບານເຮົາມັນເປີດກວ້າງ ເນາະກ່ຽວກັບ ການຄ້າຂາຍ ນີ້ຫັ້ນນະ ອີກອັນນຶ່ງ ເຄື່ອງທີ່ວ່າ ຄົນ ຕ່າງປະເທດ ເອົາມາຂາຍ ມັນຈະຖືກ ກວ່າຫັ້ນ ນະເນາະ ກະຄືເຮັດໃຫ້ ຊີວິດ ປະຊາຊົນ ຫັ້ນດີຂຶ້ນ ຍ້ອນວ່າວຽດບໍ່ ຈີນບໍ່ ເພິ່່ນເອົາຣົດເຫວບ ຣົດຫຍັງຫັ້ນ ມາຂາຍ ຊາວບ້ານ ກະສາມາດ ຊື້ໄດ້ ແຕ່ລະເຮືອນ ຫັ້ນ ກໍສາມາດ ໄດ້ຂີ່".

ແຕ່ນາງກໍເວົ້າວ່າ ທ່ານ ບໍ່ຮູ້ຈຳນວນ ຊາວວຽດນາມ ທີ່ເຂົ້າມາ ແຂວງຫົວພັນ ນີ້ ມີເທົ່າໃດ ກັນແທ້ ແຕ່ມີຣາຍງານ ເມື່ອຕົ້ນປີ ນີ້ວ່າ ມີ ປະມານ 6,000 ຄົນ. ແລະວ່າ ທາງການ ຈະສຳຣວດ ກວດກາ ຄົນຕ່າງ ປະເທສ ເຂັ້ມງວດຂຶ້ນ ເພາະມີ ແນວໂນ້ມວ່າ ຈະເຂົ້າມາ ຫຼາຍຂຶ້ນ ນຳເລື້ອຍໆ.

ຄໍາເຫັນ (1)
Share

ຄ.ນະຄຳມວ່ນ

ຈາກ ທ່າແຂກ

ແນ່ນອນແລ້ວ ພວກວຽດນາມ ມີສິດ ເຂົ້າມາຢູ່ ສປປລາວ ໄດ້ຕາມສະບາຍ ເພາະພັກ-ຣັຖ ກຳຄວາມລັບ ຂອງການເຊັນສັນຍາ ເພື່ອນມິດ ສາກົນ ກຳມະຊີບຮອບດ້ານ ໃນປີ 1977 ບໍ່ເຜີຍແຜ່ ໃຫ້ປວງປະຊາຊົນ ຮູ້ຢ່າງຈະແຈ້ງ ແຈ່ມໃສຢ່າງລະອຽດ,ສັນຍາດັ່ງ ກ່າວນີ້ ຜູ້ຕາງຫນ້າ ຝ່າຍລາວ ແມ່ນ ໄກສອນ ພົມວິຫານ ຝ່າຍວຽດນາມ ແມ່ນ ຟາມວັນດົງ,ໄກສອນ ກໍ່ແມ່ນຄົນ ວຽດນາມ,ເວົ້າລວມແລ້ວ ແກວ ເຊັນກັບ ແກວ ສັນຍາພິເສດ ດັ່ງກ່າວນັ້ນ ກໍ່ເປັນແຂວງນຶ່ງ ຂອງ ວຽດນາມ ໂດຍຕຣົງນັ້ນລະຕີ້ ບໍ່ຕ້ອງຕື່ນພີ່ນ້ອງເອີຍ,ມີຫລື ປະທານ ປະເທສລາວ,ນາຍົກ ຣັຖມົນຕຣີ ສປປລາວ ກ້າທັກທ້ວງ ຫລື ເວົ້າພາສາປະຕິວັດ ແມ່ນສ່ອງແສງ,ຜູ້ໃດກ້າ ອອກປາກ ຜູ້ນັ້ນ ກໍ່ແຈບຈົມດິນ ນັ້ນລະຕີ້.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 14, 2016 04:43 PM

ເຕັມຫນ້າ