ເສຖກິຈລາວ ໜ້າເປັນຫ່ວງ


2013-07-03
Share
F-World-bank ເຄື່ອງໝາຍຂອງ ທະນາຄານໂລກ
wb

 

ທະນາຄານ ໂລກ ເວົ້າວ່າ ການຂາດດູນ ງົບປະມານ ແລະ ການໃຊ້ຈ່າຍ ທີ່ບໍ່ມີ ປະສິດທິພາບ ເປັນບັນຫາ ທີ່ຫນ້າ ເປັນຫວ່ງ ສຳລັບ ເສຖກິດ ລາວ ໃນປີນີ້. ອິງຕາມ ບົດລາຍງານ ຂອງ ທະນາຄານ ໂລກ ທີ່ ພິມເຜິີຍແພ່ ມື້ຶ້ວານນີ້ ເສຖກິດ ລາວ ຄາດວ່າ ຈະເຕີບໂຕ ປະມານ 8% ໃນປີນີ້ ຈາກ ການເພິ້ມຂຶ້ນ ຂອງ ທຸຣະກິດ ຜແນກ ບໍຣິການ, ພລັງງານ ໄຟຟ້າ, ອຸດສາຫະກັມ ກໍ່ສ້າງ ແລະ ອຸດສາຫະກັມ ຜລິດອາຫານ ຮ່ວມດ້ວຍ ການຂຸດຄົ້ນ ແຮ່ທາດ. ແຕ່ຍັງເປັນ ຫວ່ງກ່ຽວກັບ ການ ຂາດດູນ ງົປມານ ແລະ ການໃຊ້ຈ່າຍ ທີ່ບໍ່ມີ ປະສິດທິພາບ.

ບົດລາຍງານ ດັ່ງກ່າວ ຂອງ ທະນາຄານ ໂລກ ໄດ້ຄາດຄະເນ ເຖິງ ການຂາດດູນ ງົບປະມານ ຂອງ ຣັຖບານ ລາວ ຈະເພິ້ມຂຶ້ນ ຫລາຍເທົ່າ ໃນປີນີ້ ເປັນຍ້ອນ ການຂຶ້ນ ຄ່າຈ້າງ ແຮງງານ ແລະ ເບັ້ຽລ້ຽງ ແກ່ ພະນັກງານ ຣັຖ ວ່າງຫລັງໆ ມານີ້ ຄຽງຄູ່ກັບ ການເຕີບໂຕ ທີ່ລ້າຊ້າ ຂອງລາຍໄດ້ ຂອງ ຣັຖບານ.

ທະນາຄານ ໂລກ ໄດ້ແນະນຳ ໃຫ້ມີການ ຍົກຣະດັບ ທຸຣະກິດ ທີ່ບໍ່ອາສັຍ ຊັພຍາກອນ ທັມມະຊາດ ເປັນ ທີ່ຕັ້ງເພື່ອ ແກ້ໄຂບັນຫາ ຄວາມບໍ່ ແນ່ນອນ ຈາກ ທຸຣະກິດ ບໍ່ແຮ່ ແລະ ທຸຣະກິດ ທີ່ໃຊ້ ຊັພຍາກອນ ທັມມະຊາດ ເປັນຫລັກ ໃນ ການພັທນາ ປະເທດຊາດ.
ຄວາມເປັນຫວ່ງ ໃນເສຖກິດລາວ ຍັງມີຂຶ້ນ ໃນກອງທຶນ ສຳຣອງ ຊຶ່ງທາງ ທະນາຄານ ໂລກ ໄດ້ແນະນຳ ໃຫ້ມີການ ຄວບຄຸມ ຄວາມຕ້ອງການ ຜ່ານການ ບໍຣິຫານ ຈັດການ ທາງດ້ານ ງົບປະມານ ແລະ ການເຕີບໂຕ ຂອງ ລາຍຮັບ ຂອງ ຣັຖບານ.

ໃນຂນະ ດຽວກັນ ບົດລາຍງານ ຍັງໄດ້ແນະນຳ ໃຫ້ມີການ ປັບປຸງການ ໃຊ້ຈ່າຍ ຢ່າງມີ ປະສິດທິພົລ ຂອງ ຣັຖບານ ໃຫ້ຫລາຍຂຶ້ນ ໂດຍສະເພາະ ການໃຊ້ຈ່າຍ ທາງດ້ານ ການສຶກສາ ແລະ ສາທາຣະນະສຸກ ໃນລາວ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ