ຈະມີຣາຍງານສາເຫດ ເຂື່ອນແຕກ

ຈໍາປາທອງ
2019-01-23
ອີແມວລ໌
ຄໍາເຫັນ
Share
ພິມ
ໃນຄຸ້ມບ້ານໃໝ່ ເມືອງສະໜາມໄຊ ພາຍຫຼັງທີ່ ເຂື່ອນເຊປຽນ-ເຊນໍ້ານ້ອຍ ແຕກໄດ້ 90 ມື້ຕໍ່ມາ
ໃນຄຸ້ມບ້ານໃໝ່ ເມືອງສະໜາມໄຊ ພາຍຫຼັງທີ່ ເຂື່ອນເຊປຽນ-ເຊນໍ້ານ້ອຍ ແຕກໄດ້ 90 ມື້ຕໍ່ມາ
RFA/PN

ບໍຣິສັດສ້າງເຂື່ຶອນເຊປຽນ-ເຊນໍ້ານ້ອຍ ຕຽມຣາຍງານຜົລການສືບສວນສອບສວນ ສາເຫດເຂື່ອນດັ່ງກ່າວແຕກ ຕໍ່ຣັຖບາລສປປລາວ ໃນທ້າຍ ເດືອນ ມົກກະຣາ ນີ້ ແລະຣັຖບາລ ກໍມີແຜນທີ່ຈະສະຫລຸບ ແລະຣາຍງານຜົລຂອງການສືບສວນນັ້ນໃນທ້າຍ ເດືອນມິນາ ທີ່ີຈະມາເຖິງນີ້, ດັ່ງເຈົ້າໜ້າທີ່ເຂື່ອນໄຟຟ້າ ເຊປຽນ-ເຊນໍ້ານ້ອຍ ທ່ານນຶ່ງກ່າວຕໍ່ ວິທຍຸເອເຊັຍເສຣີ ໃນມື້ວັນທີ 23 ມົກກະຣາ ນີ້ວ່າ:

"ມົກກະຣາເຂົາເຮັດ Interim Report ຂະເຈົ້າກໍຍັງແຜນເໝືອນເດີມຢູ່ ແລ້ວກໍທ້າຍເດືອນສາມກໍຈະເປັນ Final Report ປັດຈຸບັນແຜນຍັງ ເໝືອນເດີມ ບໍ່ມີເລີຍວ່າຈະປ່ຽນແປງ."

ໃນການຊອກຫາສາເຫດເຂື່ອນແຕກນັ້ນ ນັກຊ່ຽວຊານໄດ້ຂຸດເຈາະເອົາດິນ ເຂື່ອນ ທັງ 5 ແຫ່ງໄປວິຈັຍ ຢູ່ປະເທສໄທແລະວຽດນາມ ໂດຍ ຈ້າງບໍຣິສັດ Lamson ຂອງວຽດນາມ ເປັນຜູ້ຂຸດເຈາະແລະມີ Dr. Schlies Anton ຊາວສະວິດເຊິແລັນພ້ອມທິມງານ ເປັນຜູ້ຮັບຜິດຊອບ ການສືບສວນສອບສວນ ມາຕັ້ງແຕ່ມື້ວັນທີ 20 ສິງຫາປີກາຍ.

ເຈົ້າໜ້າທີ່ເຂື່ອນໄຟຟ້າ ເຊປຽນ-ເຊນໍ້ານ້ອຍ ກ່າວຕື່ມອີກວ່າ ຜູ້ຖືຮຸ້ນທັງ 4 ບໍຣິສັດ ຈະປະຊຸມກັນທີ່ບາງກອກ ປະເທສໄທ ໃນມື້ວັນທີ 24 ມົກກະຣາ ນີ້ ເພື່ອຫາລືເຣຶ່ອງເງິນກູ້ ມາສ້ອມແປງເຂື່ອນ ທີ່ແຕກ ແລະຈ່າຍໃຫ້ຜູ້ຮັບເໝົາກໍ່ສ້າງ ຍ້ອນວ່າບໍຣິສັດ ຂາດນງົບປະມານ, ດັ່ງ ທີ່ທ່ານກ່າວວ່າ:

"ໄປປະຊຸມກັບສະພາບໍຣິຫານແລ້ວກໍປະຊຸມກັບ Lender ແນ່ ກັບ Lender ນີ້ສິເວົ້າເຣຶ່ອງການ ການປ່ອຍເງິນກູ້ຄືນ ໄປຄຸຍກັນເຣຶ່ອງ ຣາຍລະອຽດ ວ່າເງື່ອນໄຂ ສິໃຫ້ Lender ປ່ອຍເງິນກູກັບຄືນແກ່ໂຄງການ ແກ່ບໍຣິສັດ ເພາະມີຜົລກະທົບເຣຶ່ອງການເງິນ ໃນການຈ່າຍ ໃຫ້ແກ່ຜູ້ຮັບເໝົາ ໃນວຽກງານທີ່ດໍາເນີນການຢູ່ທຸກວັນ."

ບໍຣິສັດໄຟຟ້າເຊປຽນ-ເຊນໍ້ານ້ອຍ ເປັນເຈົ້າຂອງໂຄງການ ກໍ່ສ້າງເຂື່ອນໄຟຟ້າເຊປຽນ-ເຊນໍ້ານ້ອຍ ພາຍໃຕ້ການຮ່ວມທຶນ ຂອງບໍຣິສັດ SK ຂອງເກົາຫລີໃຕ້ ທີ່ຖືຮຸ້ນ 26%, ບໍຣິສັດ Korea Western Power ຂອງເກົາຫລີໃຕ້ - 25%, ບໍຣິສັດຣາຊບູຣີ ຂອງໄທ- 25% ແລະ ບໍຣິສັດ ຣັຖວິສາຫະກິດໄຟຟ້າລາວ - 24%.

ເຂື່ອນເຊປຽນ-ເຊນໍ້ານ້ອຍ ຂນາດ 410 MW, ມູນຄ່າການກໍ່ສ້າງ 1,020 ລ້ານ ໂດລາສະຫະຣັຖ. ຈະຂາຍກະແສໄຟຟ້າ ໃຫ້ປະເທສໄທ 90% ແລະໃຫ້ບໍຣິສັດ ຣັຖວິສາຫະກິດ ໄຟຟ້າລາວ 10%.

ຄໍາເຫັນ (1)
Share

(

Dam did not collapse but only water was released.So no compensations to whosoever. Now the governor can keep the money to improve the roads in the province. Claps claps...


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 24, 2019 05:14 AM

ເຕັມຫນ້າ