ແມ່ແລະເດັກໄປໂຮງໝໍບໍ່ ເສັຽຄ່າ

ໄມຊູລີ
2015-12-29
ອີແມວລ໌
ຄໍາເຫັນ
Share
ພິມ
ຕົວຢ່າງຂອງ ແມ່ຍິງທີ່ຖືພາ ເຂົ້າມາຝາກທ້ອງ ຢູ່ໂຮງໝໍ ພາຍໃຕ້ ການອຸປຖັມ ຂອງ ອົງການອາຫານໂລກ
ຕົວຢ່າງຂອງ ແມ່ຍິງທີ່ຖືພາ ເຂົ້າມາຝາກທ້ອງ ຢູ່ໂຮງໝໍ ພາຍໃຕ້ ການອຸປຖັມ ຂອງ ອົງການອາຫານໂລກ
Courtesy of World food program

ເຈົ້າໜ້າທີ່ ສາທາຣະນະສຸຂ ຂະແຫນງ ແມ່ແລະເດັກ ແຂວງ ບໍ່ແກ້ວ ເປິດເຜີຍ ຕໍ່ ວິທຍຸ ເອເຊັຽເສຣີ ໃນມື້ວັນຈັນ ທີ່ 28 ທັນວາ ນີ້ວ່າ, ນະໂຍບາຍ ຂອງທາງການ ທີ່ວ່າຈະ ໃຫ້ ບໍຣິການ ຮັກສາ ສຸຂພາບ ແກ່ ຜູ້ຍາກຈົນ ໂດຍບໍ່ຕ້ອງ ເສັຽຄ່າ, ເພື່ອໃຫ້ ປະຊາຊົນ ຜູ້ຍາກຈົນ ໃນ ເຂດຫ່າງໄກ ສອກຫລິກ ສາມາດ ເຂົ້າເຖິງໝໍ ຫຼາຍຂຶ້ນ. ທາງການ ຈະຈ່າຍຄ່າ ໂຮງໝໍ ຄ່າເດີນທາງ. ດັ່ງ ເຈົ້າໜ້າທີ່ ເວົ້າວ່າ:

“ມັນກໍຈະມີ ອາການດີຂຶ້ນ ເພາະວ່າ ຜູ້ເຂົາເຈົ້າ ທຸກຍາກ ເຂົາເຈົ້າ ບໍ່ມີເງິນ ມາຮັກສາ ບາງຄັ້ງ ເຂົາເຈົ້າກໍຢູ່ ບ່ອນບ້ານໄກ ສອກຫລີກ ທີ່ວ່າເສັ້ນທາງ ຄົມມະນາຄົມ ອິຫຍັງ ເຂົາເຈົ້າ ກໍບໍ່ມີເງິນ”.

ນອກຈາກນີ້ ເຈົ້າໜ້າທີ່ ຂະແຫນງ ແມ່ແລະເດັກ ຫ້ອງການ ສາທາຣະນະສຸຂ ແຂວງ ຊຽງຂວາງ ກໍວ່າ ເຫັນພ້ອມ ກັບການ ຊ່ວຍເຫລືອ ຄ່າຫມໍ ແລະ ຄ່າເດີນທາງ ແກ່ ຜູ້ທຸກຍາກ ທຸກເພດ ທຸກວັຍ ຍ້ອນວ່າ ຈະມີ ປະຊາຊົນ ມາຫາໝໍ ຫຼາຍຂຶ້ນ ເຊັ່ນດຽວກັບ ໂຄງການ ອອກລູກ ບໍ່ເສັຽຄ່າ ທີ່ ປະຕິບັດ ກັນຢູ່ ໃນ ປັຈຈຸບັນ ກໍ ປະກົດວ່າມີ ແມ່ຍິງ ຖືພາ ຈາກ ເຂດຫ່າງໄກ ເຂົ້າມາ ຝາກທ້ອງ ຢູ່ໂຮງໝໍ ຫຼາຍຂຶ້ນ. ດັ່ງ ທ່ານ ກ່າວວ່າ:

“ເຄີຍໄດ້ຍິນ ເຈົ້າ ເຄີຍໄດ້ຍິນ ດີສໍາຫລັບ ການເກີດລູກ ບໍ່ເສັຽຄ່າ ຢູ່ທີ່ແຂວງ ການ ມາເກິດລູກ ຢູ່ໃນ ສະຖານທີ່ ບໍຣິການ ເຂົາເຈົ້າ ກໍມາຫຼາຍ ກວ່າ ປົກກະຕິ”.

ປັຈຈຸບັນ ທາງການລາວ ມີໂຄງການ ຊ່ວຍເຫລືອ ຜູ້ທຸກຍາກ ສະເພາະ ແມ່ນ ແມ່ທີ່ຖືພາມານ ແລະ ເດັກນ້ອຍ ທີ່ ມີອາຍຸ ບໍ່ເກີນ 5 ປີ ໂດຍ ຈະໃຫ້ເງິນ ຄ່າເດີນທາງ ມາໂຮງໝໍ ຄ່າຝາກທ້ອງ ແລະ ຄ່າ ອອກລູກ, ແຕ່ ເຖິງຢ່າງໃດ ກໍຕາມ ທາງການ ລາວ ຍັງບໍມີ ໂຄງການ ຮັກສາ ສຸຂພາບ ລ້າ ແກ່ ປະຊາຊົນ ຜູ້ທຸກຍາກ ໂດຍທົ່ວໄປ.

ຄໍາເຫັນ (2)
Share

ຄ.ນະຄຳມ່ວນ

ຈາກ ທ່າແຂກ

ແມ່ແລະເດັກ ໄປໂຮງຫມໍ ບໍ່ຕ້ອງເສັຍຄ່າ ນັ້ນມັນ ກໍ່ບໍ່ມີສິ່ງແປກ ປະລາດໄດໆ ທັງນັ້ນ, ເງິນທຸກກິບທຸກບີ້ ທາງສາກົນ ໄດ້ໃຫ້ການ ຊ່ວຍເຫລືອ ມາເປັນປະຈຳ, ສະນັ້ນເປັນການດີແລ້ວ ທີ່ຈະຕ້ອງ ຄວນໃຊ້ເງິນໃຫ້ ມີປະໂຍດ ຖືກຕ້ອງຕາມ ນະໂຍບາຍ ຂອງສາກົນ ຄິດສ້າງສັນ ປັນແຕ່ງແດ່.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 08, 2016 12:43 AM

ลาว

ຈາກ ห่างไกลชอกหลีก

นี้เปันกานช่วยและอุปถัมภ์จากองกรอนอาหารโลกที่ไห้ทุนและทุกย่างแต่รัถบานลาวทำไมไม่ทำกันมาตั้งแต่นานพี้งมาทําเอาประจุบันหรีว่าทะนาคารไม้รับบันชีเงินฝากแล้วไช้ไหม?



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 30, 2015 03:11 PM

ເຕັມຫນ້າ