ແມ່ຍິງບາງຄົນ ເຮັດວຽກ ຢູ່ຄິງສ໌ໂຣມັນສ໌ ຖືກບັງຄັບ ຄ້າ​ປະ​ເວ​ນີ

ຄວາມຄຶດຄວາມເຫັນ ກ່ຽວກັບຂ່າວ ຊາວລາວຫຼາຍຄົນ ຕ່າງກໍຈົ່ມ ເປັນສຽງດຽວກັນວ່າ ໄລຍະນີ້ ຕ້ອງ ໃຊ້ຈ່າຍຢ່າງລະມັດລະວັງ ເນື່ອງຈາກສະພາບເສຖກິຈ ບໍ່ ເອື້ອອຳນວຍ ໃນການຊອກຢູ່ ຫາກິນ ແລະ ການຄ້າຂາຍ ກໍບໍ່ຄ່ອຍ ຈະຄ່ອງໂຕ ເທົ່າທີ່ຄວນ, ລາວຂາດດຸນການຄ້າ 45 ລ້ານໂດລ້າຣ໌ ເດືອນພຶສຈິກາ, ແມ່ຍິງບາງຄົນ ທີ່ຖືກຕົວະ ໄປເຮັດວຽກ ຢູ່ເຂດເສຖກິຈພິເສດ ຄິງສ໌ໂຣມັນສ໌ ເມືອງຕົ້ນເຜິ້ງ ແຂວງບໍ່ແກ້ວ ຕ້ອງຖືກບັງຄັບ ໃຫ້ຂາຍໂຕ ແລະ ບາງຄັ້ງ ກໍຖືກກັກຂັງ ຢູ່ໃນຫ້ອງ ບໍ່ໄດ້ກິນເຂົ້າ ແລະ ຂ່າວອື່ນໆ.

ຄວາມເຫັນບາງຕອນ ຈາກທ່ານຜູ້ຟັງ:

ກ່ຽວກັບ ຂ່າວ “ແມ່ຍິງບາງຄົນ ທີ່ຖືກຕົວະ ໄປເຮັດວຽກ ຢູ່ ຄິງສ໌ໂຣມັນສ໌ ຖືກບັງຄັບ ໃຫ້ຂາຍໂຕ”

“ຖ້າມີຈິງ ປານນັ້ນ ເປັນຫຍັງ ພາກສ່ວນກ່ຽວຂ້ອງ ເມີນເສີຍ ບໍ່ເຂົ້າໄປ ກວດສອບ, ຕົວະຕີ່ນໍ, ເຂົາໄປເຮັດວຽກຢູ່ຫັ້ນ ບໍ່ແມ່ນ ຜູ້ນື່ງຜູ້ດຽວ ມີຫຼາຍຮ້ອຍຄົນ!”

“ມັນກະຊີມີ ຈີງແທ້ຫັ້ນລະ ເຫັນເຂົາ ເອົາລົງຄລິບ ບາດຢູ່ ແດນສະຫວັນ ພູເຂົາຄວາຍ ບໍ່ມີເດີ່ ແບບນັ້ນ ຊາຂອ້ຍໄປເຮັດວຽກ ຢູ່ຫັ້ນ.”

“ຫຼານຂ້ອຍ ກໍຢູ່ຫັ້ນ ລາວສາມາດອອກໄປຫຼີ້ນໄດ້ ໃນເວລານອກໂມງ ແລະ ສາມເດືອນ ຫຼື ຫົກເດືອນ ລາວລາງານ ອອກໄປທຽ່ວ ຕ່າງແຂວງໄດ້ ອອມມາແລ້ວລາວ ບໍ່ກັບໄປ ກໍໄດ້ ແຕ່ລາວ ພັດກັບໄປອີກ ຄື ບໍເຫັນລາວເວົ້າຫຍັງ ມັນຂື້ນກັບ ບາງບ່ອນຕິ.”

…

(ເຊີນທ່ານ ຟັງຣາຍລະອຽດ ຈາກສຽງບັນທຶກໄວ້)

ໝາຍເຫດ: ຄວາມຄິດຄວາມເຫັນ ຂອງຜູ່ອ່ານ ທີ່ສະແດງອອກ ໃນເວັບໄຊທ໌ ແລະ ເຟສບຸກຄ໌ ຂອງວິທຍຸ ເອເຊັຽ ເສຣີ, ພວກເຮົາ ທິມງານ ວິທຍຸເອເຊັຽເສຣີ ໃຫ້ຄວາມສຳຄັນ ແລະ ຂອບໃຈ ນຳທຸກໆຖ້ອຍຄຳ, ແລະ ມີໜ້າທີ່ ນຳມາອ່ານໃຫ້ທ່ານ ໄດ້ຮັບຟັງກັນ ແລະ ບໍ່ໄດ້ເສກສັນປັ້ນແຕ່ງໃດໆ, ມີພຽງແຕ່ ປ່ຽນຄຳສັພ ທີ່ບໍ່ສຸພາບ ໃຫ້ເບົາລົງ ເທົ່ານັ້ນ. ດັ່ງນັ້ນ ຂໍໃຫ້ທ່ານຜູ່ຟັງ ຈົ່ງຕັດສິນໃຈເອົາເອງ ວ່າ ຄວາມຄິດເຫັນນັ້ນ ເປັນໜ້າເຊື່ອຖື ແລະ ຄວາມຈິງ ຫລາຍ-ໜ້ອຍ ປານໃດ. ພ້ອມດຽວກັນນັ້ນ, ພວກເຮົາ ຍັງໄດ້ຮັກສາ ການສະກົດຄຳສັພ ສ່ວນຫຼາຍ ເອົາໄວ້ ເພື່ອບໍ່ໃຫ້ ຄວາມໝາຍປ່ຽນໄປຫຼາຍ. ຂອບໃຈ!