ພັນທະມິດເປີດປະຊຸມໃຫຍ່ ປະຈໍາປີ 2016

ຈໍາປາທອງ
2016-11-20
ອີແມວລ໌
ຄໍາເຫັນ
Share
ພິມ
ກອງປະຊຸມໃຫຍ່ ປະຈຳປີ 2016 ຂອງ ຊຸມຊົນຊາວລາວ ກ່ຽວກັບ ສິດທິມະນຸດ, ເອກກະຣາດ ຂອງລາວ ທີ່ສະຫະຣັຖ ອະເມຣິກາ
ກອງປະຊຸມໃຫຍ່ ປະຈຳປີ 2016 ຂອງ ຊຸມຊົນຊາວລາວ ກ່ຽວກັບ ສິດທິມະນຸດ, ເອກກະຣາດ ຂອງລາວ ທີ່ສະຫະຣັຖ ອະເມຣິກາ
ADL

ພັນທະມິດ ເພື່ອ ປະຊາທິປະຕັຍ ໃນລາວ ຊຶ່ງ ເປັນອົງການ ຈັດຕັ້ງ ຂອງ ຊຸມຊົນ ຊາວລາວ ທີ່ ມີສູນກາງ ຢູ່ ປະເທສ ເຢັຽຣະມັນ ແລະ ມີສາຂາ ຢູ່ຫລາຍ ປະເທສ ໃນໂລກ ໄດ້ຈັດກອງປະຊຸມ ໃຫຍ່ ປະຈຳປີ 2016 ເປັນເວລາສາມວັນ ເພື່ອ ສິດທິມະນຸດ, ໃຫ້ມີການເລືອກ ຕັ້ງ ເສຣີ ມີຫລາຍພັກ ການເມືອງ ແລະ ເອກກະຣາດ ແຫ່ງຊາດ ຢູ່ ເມືອງ Nashville, ຣັຖ Tennessee, ສະຫະຣັຖ ອະເມຣິກາ ແຕ່ ວັນທີ 18 ເຖິງວັນທີ 20 ພຶສຈິກາ 2016 ນີ້.

ໃນກອງປະຊຸມ ດັ່ງກ່າວ ໄດ້ມີຕົວແທນ ຂອງ ພັນທະມິດ ເພື່ອ ປະຊາທິປະຕັຍ ໃນລາວ ຈາກ ທຸກເຂດ ທົ່ວ ສະຫະຣັຖ ອະເມຣິກາ, ການາດາ ແລະ ເຢັຽຣະມັນ ເຂົ້າຮ່ວມ, ໄດ້ສະຫລຸບ ແລະຖອດຖອນ ບົດຮຽນ ໃນການເຄື່ອນໄຫວ ຕໍ່ສູ້ ເພືຶ່ອຄວາມເປັນ ເອກກະຣາດ ອັນແທ້ຈິງ ຂອງຊາດ ແລະ ເພື່ອສິດ, ເສຣີພາບ, ປະຊາທິປະຕັຍ ຂອງ ປວງຊົນລາວ ທັງຊາດ. ດັ່ງ ດຣ.ບຸນທອນ ຈັນທະລາວົງ ວີເຊີ ປະທານ ອົງການ ດັ່ງກ່າວ ໃຫ້ສຳພາດ ວິທຍຸ ເອເຊັຽເສຣີ ໃນຄືນວັນທີ 19 ພຶສຈິກາ ຕອນນຶ່ງ ວ່າ:

"ສລຸບລວມໄດ້ ອັນເດັ່ນທີ່ສຸດ ແມ່ນພົ້ນເດັ່ນ ຢູ່ໃນ ເວທີສາກົລ ການເຄື່ອນໄຫວ ຂອງ ພັລທະມິດ ພວກເຮົາ ທີ່ໄດ້ປະກອບສ່ວນ ຢູ່ໃນ ກອງປະຊຸມ ຂອງ ສະພາ ສິດທິມະນຸດ ສະຫະປະຊາຊາດ ທີ່ Geneva ຊື່ງທີ່ສາມາດ ນໍາເອົາ ຄໍາສເນີໄປໃຫ້ ທາງການ ສປປລາວ ຈໍານວນ 196 ຂໍ້ນັ້ນ ທາງການ ສປປລາວ ກໍຈໍາເປັນ ຕ້ອງນໍາໄປ ແກ້ໄຂ ປະຕິບັດຈໍານວນ 116 ຂໍ້ ນີ້ເປັນຜົລງານ ພັລທະມິດ ພວກເຮົາ ມີສ່ວນ ປະກອບ ເປັນຂໍ້ມູນຕ່າງໆ ໃຫ້ ທາງຄະນະ ກັມການ ສະຫະປະຊາຊາດ".

ພ້ອມກັນນັ້ນ ໃນ ກອງປະຊຸມໃຫຍ່ ປະຈຳປີ ຄັ້ງນີ້ ຍັງໄດ້ ວາງແຜນ ການເຄື່ອນໄຫວ ເພື່ອ ເຮັດໃຫ້ ສປປລາວ ມີການ ປ່ຽນແປງ ຈາກ ຣະບອບ ການປົກຄອງ ແບບ ຜະເດັດການ ພັກດຽວ ຜູກຂາດອຳນາດ ໄປສູ່ ປະຊາທິປະຕັຍ. ດັ່ງ ດຣ.ບຸນທອນ ໄດ້ກ່າວ ໃນຕອນ ນຶ່ງວ່າ:

"ແຜນການ ເຄື່ອນໄຫວ ສະເພາະໜ້າ ຂອງ ພັລທະມິດ ພວກເຮົາ ສໍາຄັນທີ່ສຸດ ໄດ້ແບ່ງເປັນ 3 ສາຍ ຄື ສາຍພົວພັລ ສາກົລ ພວກເຮົາ ຈະມີການ ສືບຕໍ່ ແລະ ເພີ່ມທະວີ ການພົວພັນ ທາງ ສະຫະປະຊາຊາດ ທາງ ສະພາ ແລະ ສະຫະພາ ຢູໂຣບ ກໍຄືອາຊຽນ ແລະ ພາກ ການ ຈັດຕັ້ງ ບໍ່ຂຶ້ນກັບ ຣັຖບານ ຫລື NGO ຂອງ ສາກົລ ເພື່ອວ່າ ເຄື່ອນໄຫວ ໃຫ້ ພວກເພິ່ນ ເພີ່ມທະວີ ການ ຜັກດັນ ທາງການ ສປປລາວ ໃຫ້ຍອມ ແກ້ໄຂ ບັນຫາ ການລະເມີດ ສິດທິ ມະນຸດ ຍອມ ເປີດໂອກາດ ໃຫ້ ປະຊາຊົນລາວ ຢູ່ໃນ ປະເທດ ມີສິດສຽງ ໂດຍສະເພາະ ຍອມເປີດ ມີຂ່າວເສຣີ ເກີດຂຶ້ນ ຍອມເປີດ ໃຫ້ມີການ ປ່ຽນແປງໄປສູ່ ເສຣີ ປະຊາທິປະຕັຍ ທີ່ມີຣະບົບ ຫລາຍພັກ ການເມືອງ".

ທ່ານ ພອນໄຊ ວໍຣະຣາດ ນັກເຄື່ອນໄຫວ ເພື່ອ ສິດທິມະນຸດ ແລະ ປະຊາທິປະຕັຍ ໃນລາວ ຈາກ ຣັຖ ຄອນເນັກຕິກັດ ຜູ້ເຂົ້າຮ່ວມ ເຄື່ອນໄຫວ ໃນກິຈກັມ ການເມືອງ ຄັ້ງນີ້ ກໍໄດ້ກ່າວເຖິງ ຄວາມສໍາຄັນ ຂອງ ກອງປະຊຸມ ໃຫຍ່ ນັ້ນວ່າ:

"ມັນມີ ຄວາມສໍາຄັນ ຄືວ່າ ມີ ພວກຊາວໜຸ່ມ ນີ້ໜາຂຶ້ນມາ ປະສານຮ່ວມກັນ ມີຫລາຍພາກສ່ວນ ເຂົ້າມາຮ່ວມ ນີ້ແມ່ນ ຈຸດໝາຍ ປາຍທາງ ທີ່ດີ ເພື່ອ ອະນາຄົດ ຂ້າງໜ້າ ໂຕນີ້ ເປັນເປົ້າໝາຍ ທີ່ວ່າ ຢາກໃຫ້ປ ວງຊົນລາວ ຢູ່ພາຍໃນຫັ້ນ ໄດ້ເຫັນວ່າ ບົດບາດ ແລະ ຄວາມ ຄິດຮອດ ຄິດເຖິງ ພໍ່ແມ່ ປະຊາຊົນລາວ ຢູ່ ສປປລາວ ຫັ້ນວ່າ ຄວາມຮັກແພງ ຂອງ ພວກເຮົານີ້ ຢູ່ພາຍນອກນີ້ ມັນເປັນ ຈັ່ງໃດ ສໍ່ ສະແດງ ຄວາມຮັກແພງ ພີ່ນ້ອງ ປະຊາຊົນລາວ ທີ່ຢູ່ ພາຍໃນ ປະເທສ".

ແລະທ່ານ ບຸນຍົງ ບຸນພະໄຊຊົນ ສະມາຊິກ ພັນທະມິດ ເພື່ອ ປະຊາທິປະຕັຍ ໃນລາວ ເຂດ 3 ຈາກຣັຖ ມັດສາຈຸເຊັດ ໄດ້ກ່າວເຖິງ ຄວາມຮູ້ສຶກ ຂອງຕົນໃນການ ເຂົ້າຮ່ວມ ກອງປະຊຸມໃຫ່ຍ ຄັ້ງນີ້ວ່າ:

"ຂ້າພະເຈົ້າເອງ ຮູ້ສຶກດີມົກ ດີໃຈ ດີໃຈຫລາຍ ທີ່ວ່າ ເຫັນພວກພໍ່ແມ່ ພີ່ນ້ອງ ຄົນລາວເຮົາ ມີຄວາມສມານ ສາມະຄີ ເກີນຄາດໝາຍ ທີ່ວ່າ ຂ້າພະເຈົ້າ ໄດ້ຄາດໝາຍໄວ້ ຄວາມນຶກຄິດ ຂອງ ຂ້າພະເຈົ້າ ກະແມ່ນ ບໍ່ຄຶດ ບໍ່ຝັນວ່າ ຄົນລາວ ເພີ່ນສິ ທ້ອນໂຮມ ຫລືວ່າ ສມານ ສາມະຄີກັນ ຫລາຍປານນີ້ ຄົນຢູ່ໃນ Hall ແປວ່າ ເຕັມ ມີຈິດໃຈ ອັນນຶ່ງ ອັນດຽວກັນ ແລະ ກະຈຸດໝາຍ ປາຍທາງ ອັນດຽວກັນ ການປະຊຸມ ເທື່ອນີ້ ແມ່ນຂ່້າພະເຈົ້າ ຄຶດວ່າ ແມ່ນດີທີ່ສຸດ".

ຫລັງຈາກ ກອງປະຊຸມໃຫຍ່ ແລ້ວ ກໍຍັງມີ ກອງປະຊຸມ ເປີດກວ້າງ ຊຶ່ງມີອົງການ ຈັດຕັ້ງ ຕ່າງໆ ຂອງລາວ ຢູ່ ນອກປະເທສ ແລະ ຊາວລາວ ເຂົ້າຮ່ວມ ຈຳນວນ 200 ປາຍຄົນ. ໃນນັ້ນ ໄດ້ເວົ້າເຖິງ ຫລາຍບັນຫາ ທີ່ກ່ຽວຂ້ອງ ກັບການ ເຮັດໃຫ້ລາວ ເປັນປະເທສ ເອກກະຣາດ ແລະ ເຮັດໃຫ້ ປະຊາຊົນລາວ ທັງຊາດ ມີ ປະຊາທິປະຕັຍ.

ການເຄື່ອນໄຫວ ຂອງ ພັນທະມິດ ເພື່ອ ປະຊາທິປະຕັຍ ໃນລາວ ທີ່ເມືອງ Nashville, ຣັຖ Tennessee ສະຫະຣັຖ ອtເມຣິກາ ຄັ້ງນີ້ ມີທັງ ກອງປະຊຸມ ໃຫຍ່, ກອງປະຊຸມ ເປີດກວ້າງ, ການປຶກສາ ຫາລື ກ່ຽວກັບ ຊາວໜຸ່ມ, ຂ່າວສານ ໂຄສະນາ ຂອງ ທີວີ ພປລ ແລະ ການຊຸມນຸມ ປະທ້ວງ ສປປລາວ ວັນທີ 2 ທັນວາ ຊຶ່ງ ຜູ້ເຂົ້າຮ່ວມ ຖືວ່າເປັນ ວັນອຸບາດ ສໍາລັບ ປະເທສຊາດ ແລະ ປະຊາຊົນ ລາວ ນໍາດ້ວຍ.

ຄໍາເຫັນ (6)
Share

ສີຈັນ

ຈາກ ຫລວງພະບາງ

ພວກບ້າ ທິດສະດີ ນຳແຕ່ຄວາມຢາກ,ປະທ້ວງໄປຫມົດ ທຸກບອ່ນ ມີຜົລອັນໄດແດ່ ແກ່ປະເທສຊາຕ ແລະ ປະຊາຊົນລາວ,ເບິ່ງ ຫົວຫນ້າ ກໍ່ພໍຮູ້ ໄດ້ແລ້ວວ່າ:ສ້າງຄວາມດີ,ດັງແລ້ວ ກໍດັບທັງຕົນເອງ ແລະ ພັກພວກ ທີ່ໂງ່ຈ້າ,ບ້າບິ່ນ ທັງຫມົດ ນັ້ນແລ້ວ,ພວກຄະນະ ປະຕິວັດ ດອກຈຳປາ,ຮ່ວມກັບ ອາຈານ ສິດດົງໂດກ,ຕົ້ມຕຸນ ໄດ້ເງິນແລ້ວ ກໍ່ມິດຈ້ອຍ ຫນີໄປຢູ່ໄທ ພຸ້ນນໍ້,ຂໍເຕືອນ ຄົນລາວ ທົ່ວທຸກບອ່ນ ຈົ່ງຢ່າ ໄດ້ຫລົງເຊື່ອ ພວກດັ່ງກ່າວ ນີ້ໂດຍເດັດຂາດເດີ!ພວກນີ້ ກໍ່ບໍ່ແຕກຕ່າງ ຫັຍງກັບ ພວກສິບແປດມົງກຸດ ນັ້ນແລ້ວ!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 27, 2016 03:34 PM

ຈິດໃຈ

ຈາກ ປາກເຊ

ພວກຫມາ ກິນຄວາມຄິດ ເຈັບບໍ່ຈັກຈຳ ນຳແຕ່ຄວາມຈັງໄຮ ມາກວນບ້ານ ກວນເມືອງ,ຜີ ສຸພານຸວົງ ມາຫລອກຫລອນ ກໍ່ຍັງ ອອນຊອນສຸດຂີດ ຍ້ອນ ໄດ້ເຕັ້ນກິນ ລຳກິນ ດ້ວຍກິເລດ ແລະ ຕັນຫາ ຕາມພາສາ ພວກບໍ່ເຕັມບາດ,ຂ້າພະເຈົ້າ ຂໍປະນາມ ພວກຊົ່ວຊ້າ ສາມານ ຊາຕານສຸດຂົ້ວ ພວກດັ່ງກ່າວນີ້,ໃຫ້ມັນ ລົ່ມຈົມລົງ ນາຮົກອາເວຈີ ນຳພວກ,ສຸພານຸວົງ,ໄກສອນ ພົມວິຫານ ພູມມີ ວົງວິຈິດ ແລະ ຄົນອື່ນໆຕໍ່ໆໄປເທີ້ນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]



Nov 27, 2016 03:26 PM

ຄົນລາວ

ຈາກ ທາແຄກ

ຕາມຂ້ອຍເບິ່ງນີ້ຄົນມາປະຊຸມບໍ່ຮອດ100. ເປັນຕາອີ່ຕົນ, ສາມະຊີກຈາກອາເມຮິກາແລະການາດາກະຫັຍງບໍ່ໄດ້ແລ້ວຈະມາຊ່ອຍລາວໃນໄດ້ຈັ່ງໃດ! ພາກັນຝັນກາງເວັນອີກແລ້ວ!! ຄັນເກັ່ງແທ້ກະພາກັນມາລາວແດ່! ພວກຂ້ອຍຖ້າດົນແລ້ວ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 22, 2016 11:17 AM

ຄົນລາວ

ຈາກ ທາແຂກ

ຕາມຂ້ອຍເບິ່ງນີ້ ຄົນມາປະຊຸມ ບໍ່ຮອດ100. ເປັນຕາອີ່ຕົນ,ສາມະຊິກ ຈາກ ອາເມຮິກາ ແລະ ການາດາ ກະຍັງບໍ່ໄດ້ແລ້ວ ຈະມາຊ່ອຍລາວໃນ ໄດ້ຈັ່ງໃດ! ພາກັນ ຝັນກາງເວັນ ອີກແລ້ວ!! ຄັນເກັ່ງແທ້ ກະພາກັນມາລາວແດ່! ພວກຂ້ອຍ ຖ້າດົນແລ້ວ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 22, 2016 11:17 AM

ຄ.ນະຄຳມວ່ນ

ຈາກ ທ່າແຂກ

ເບື່ອ ກົລອຸບາຍ ທຳລາຍປະເທສຊາຕ ເຂັນຂ້າ ປະຊາຊົນລາວ, ນີ້ລະ ພວກເອົາຜ້າພັນຄໍ ສະແດງເຖິງ ທາດແທ້ຝ່າຍຊ້າຍຈັດ ສຸພານຸວົງ,ຄິດພັນທະມິດ ຮຽນແບບ ນຳມາປຸກລະດົມ ໃຊ້ຄືນໃຫມ່ ຈັງແມ່ນເຈັບແລ້ວ ບໍ່ມີຄວາມຊົງ ຈຳໃສ່ແນວຄິດ,ສະຕິ,ປັນຍາ ເພື່ອ ນຳພາກອບກູ້ຊາຕ ໃຫ້ລຸດພົ້ນ ຈາກອົ້ງມື ຂອງພວກໂຈນ,ຫ້າຮ້ອຍ ດັ່ງກ່າວນີ້ແດ່ບໍ? ພວກດັ່ງກ່າວນີ້ ມັນເປັນພຽງຫມາກໄມ້ ລົ່ນລົງດິນ ມັນກໍ່ບໍຫນີໄກຕົ້ນ ໂດຍເດັດຂາດ,ເຫັນພວກ ລາວນອກ ມັກຫງ່າຍຈ່າຍໄວ,ພວກເຂົາ ຍິ່ງໄດ້ໃຈທຸກຢ່າງ. ເບິ່ງ ປຸກລະດົມ ໃຫ້ແຮງງານລາວ ຢູ່ໄທ ລຸກຂຶ້ນປະທ້ວງ ສິດທິມະນຸຕ ຢູເມືອງໄທ,ພວກດັ່ງກ່າວນີ້ ໄດ້ຊ່ວຍຫຽັງແດ່, ມີແຕ່ ພວກເຂົາຕ້ອງການ ໃຫ້ຕາຍໄວໆ ທັງນັ້ນລະຕີ້, ຈົ່ງຢ່າຫວັງ ກັບພວກພັນທະມິດ ປະຊາທິປະໄຕ ດັ່ງກ່າວນີ້ເລີຍ, ຂໍນຳຫລາຍໆ, ມີເງິນໄວ້ ຊື້ເຂົ້າຕົ້ມ ເຂົ້າຫນົມ ໃຫ້ລູກຫລານ ດີກວ່າ. ເຕືອນມາ ດ້ວຍຄວາມຫວັງດີແທ້ໆ.!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 22, 2016 11:13 AM

ເບິ່ງຄວາມເຫັນທັງໝົດ.

ເຕັມຫນ້າ