ເຈົ້າຫນ້າທີ່ ພາກຣັຖ ແລະ ຫົວຫນ້າ ການຄ້າ ຫລາຍຄົນ ຈາກປະເທດ ອາຊຽນ ຮ່ວມປະຊຸມ ກັບປະເທດຄູ່ ເຈຣະຈາ ການຄ້າ 3 ປະເທດ ດັ່ງຈີນ ຍີປຸ່ນ ແລະ ເກົາຫລີໃຕ້ ທີ່ ນະຄອນຫລວງວຽງຈັນ ກ່ຽວກັບ ທຸຣະກີດ ຂນາດກາງ ແລະ ຂນາດນ້ອຍ ໃນຂົງເຂດ ເພື່ອຍົກຣະດັບ ສັກກະຍາພາບ ໃນການແຂ່ງຂັນ ທາງດ້ານການຄ້າ ຂອງປະເທດສະມາຊີກ.
ໃນກອງະຊຸມ ທີ່ໃຊ້ເວລາ 3 ວັນ ເລີ້ມແຕ່ ວັນທີ 4 ເປັນຕົ້ນມາ ທີ່ນະຄອນຫລວງ ວຽງັຈນ ກໍ່ມີ ການວາງກົດເກນ ຢ່າງເຄັ່ງຄັດ ໃນການປະຕິບັດງານ ຮ່ວມກັນ ໃນບັນຫານີ້ ຣະຫວ່າງ ກຸ່ມປະເທດ ສະມາຊີກ ຮ່ວມກັບ ປະເທດ ຄູ່ເຈຣະຈາ ເພື່ອຊອກຊ່ອງທາງ ຊ່ອຍ ທຸຣະກິດ ຣະດັບກາງ ແລະ ຣະດັບຕ່ຳ ໃຫ້ສາມາດ ຜ່ານຜ່າ ບັນຫາ ເຫດວິກິດ ທາງດ້ານການເງີນ ທີ່ເກີດຂຶ້ນ ໃນໂລກ ໃນປັດຈຸບັນ ທີ່ອາດຈະສົ່ງ ຜົນກະທົບ ມາສູ່ອາຊຽນ. ກໍ່ມີການວາງແຜນ ໄວ້ລ່ວງຫນ້າ ເພື່ອການແກ້ໄຂບັນຫາດັ່ງກ່າວ.
ກອງປະຊຸມ ທຸຣະກີດ ຂນາດກາງ ແລະ ຂນາດນອ້ຍ ຄັ້ງທີ 23 ເທື່ອນີ້ ຍັງໄດ້ວາງນະໂຍບາຍ ໃນແຜນການ ສຳລັບ ປີ 2004 ຫາປີ 2010 ນຳອີກ ທີ່ເອີ້ນກັນວ່າ ແຜນການ ວຽງຈັນ ເພື່ອປະຕິບັດງານ ໃນຊ່ວງເວລານັ້ນ.