ຜູ້ນໍາໂລກປະຊຸມ ເສຖກິຈທີ່ການາດາ

ຜູ້ນໍາຂອງໂລກ ບໍ່ມີທາງເລືອກ ຫລາຍໃນກອງ ປະຊຸມ ທາງດ້ານເສຖກິດ ຢູ່ປະເທດ ການາດາ.
ໂພໄຊສວັດ
2010-06-29
ອີແມວລ໌
ຄໍາເຫັນ
Share
ພິມ

ຜູ້ນຳຂອງໂລກ ທີ່ໄດ້ຮັບການ ສັ່ນສະເທືອນຈາກ ວິກິດການດ້ານ ໜີ້ສິນຂອງຢູໂຣບ ແລະກໍຕ້ອງລະມັດ ລະວັງໃນການ ທີ່ຈະຍຸຕິ ໂຄງການ ກະຕຸ້ນເສຖກິດ ມູ້ງໝາຍ ວ່າຈະຫລຸດຜ່ອນ ຄວາມຂາດດຸນຂອງ ງົບປະມານຣັຖ ໃນປະເທດ ອຸດສາຫະກັມ ໃຫຍ່ໆລົງເຄິ່ງນຶ່ງ ໃຫ້ໄດ້ພາຍໃນ ປີ 2013.

ໃນກອງປະຊຸມ ທີ່ສິ້ນສຸດລົງ ມື້ວັນອາທິດ ທີ 27 ມິຖຸນາ 2010 ຫລາຍປະເທດ ຕົກລົງເຫັນດີ ທີ່ຈະຕັດລາຍ ຈ່າຍລົງແລະຂື້ນ ພາສີອາກອນ ເຖິງວ່າຈະໄດ້ ຮັບຄຳ ເຕືອນຈາກ ປະທານາທິບໍດີ ສະຫະຮັຖ ທ່ານ ບາຣັກ ໂອບາມາ ແລະ ຜູ້ນຳບາງຄົນ ກໍຕາມ ທີ່ເຫັນວ່າການ ຫລຸດຜ່ອນທີ່ເຄັ່ງຄັດ ກັບໂຄງການ ກະຕຸ້ນເສຖກິດ ໄວເກີນ ໄປ ອາດຈະ ກະທົບກະເທືອ ນຕໍ່ການຟື້ນຄື ນຂອງເສຖກິດ ໄດ້.

ຜູ້ເຂົ້າຮ່ວມປະຊຸມ ພຍາຍາມ ຜ່ອນສັ້ນຜ່ອນຍາວ ໄປກັບ ປະທານາທິບໍດີ ໂອບາມາ ທີ່ເນັ້ນໃສ່ການ ເຕີບໃຫຍ່ ຂອງເສຖກິດ ແລະ ການສເນີຂອງ ຜູ້ນຳຫລາຍຄົນເຊັ່ນ ນາຍົກຣັຖມົນຕຣີ ມາດາມ Angela Merkel ຂອງເຢຣະມັນທີ່ ຢາກຕັດຫລຸດຜ່ອນ ການໃຊ້ຈ່າຍລົງ ແລະ ແມ່ນແຕ່ຂື້ນພາສີຊ້ຳ.
ປະທານາທິບໍດີ ຝຣັ່ງເສດ ທ່ານ Nicolas Sarkozy ເຫັນພ້ອມກັບ ປະທານາທິບໍດີ ໂອບາມາ. ທ່ານໂອບາ ມາໄດ້ກ່າວຕໍ່ກອງ ປະຊຸມຜູ້ສື່ຂ່າວ ວ່າ:

“ສຳຄັນທີ່ສຸດ ຄືຫລາຍປະເທດ ທີ່ຍັງສາມາດ ເຮັດໄດ້ ຄວນດໍາເນີນການ ກະຕຸ້ນ ແລະໃຊ້ຈ່າຍເງິນຄ້ຳປະກັນ ຕໍ່ໄປອີກ, ແລະບໍ່ຄວນໂຮມໃຈ ພາກັນຟ້າວຖອນ      ອອກມາ ໃນເວລາດຽວກັນ”.

ຖແລງການຮ່ວມ ຂອງກອງປະຊຸມ ຄັ້ງນີ້ ປະເທດ ອຸດສາຫະກັມຕ່າງໆ ຕົກລົງທີ່ ຈະຫລຸດຜ່ອນ ຄວາມຂາດດຸນຂອງ ງົບປະມານຂອງຕົນລົງ ໃຫ້ເຫລືອເຄິ່ງນຶ່ງພາຍໃນປີ 2013. ນອກຈາກນີ້ ຍັງຕົກລົງວ່າ ພາຍໃນປີ 2016 ຈະບໍ່ໃຫ້ໜີ້ ສິນຂຍາຍຂື້ນໄວ ເທົ່າກັບການ ຂຍາຍໂຕຂອງເສຖກິດ.

ເຕັມຫນ້າ