ໂຄງການສ້າງເຂື່ອນ ນໍ້າບຸ່ນ 2 ແຂວງຜົ້ງສາລີ

ບໍຣິສັດກໍ່ສ້າງ ແລະຕິດຕັ້ງໄຟຟ້າ ຂອງລາວ ແລະ ບໍຣິສັດຂອງ ຝຣັ່ງເສດ ກໍາລັງສຶກສາ ຄວາມເປັນໄປໄດ້ ໃນການສ້າງເຂື່ອນ ນໍ້າບຸ່ນ 2 ຢູ່ແຂວງ ຜົ້ງສາລີ.
ຈໍາປາທອງ
2010-03-25
ອີແມວລ໌
ຄໍາເຫັນ
Share
ພິມ

ບໍຣິສັດ ACI ບໍຣິສັດກໍ່ສ້າງ ແລະຕິດຕັ້ງໄຟຟ້າ ຂອງລາວ ແລະ ບໍຣິສັດຂອງ ຝຣັ່ງເສດ ໄດ້ຮັບອະນຸມັດ ເຂົ້າໄປສຳຣວດ ຄວາມເປັນໄປໄດ້ ໃນການພັທນາ ເຂື່ອນໄຟຟ້າ ນ້ຳຕົກ ຢູ່ແຂວງ ຜົ້ງສາລີ ຊຶ່ງຂະນະນີ້ ກຳລັງສຶກສາ ໃນການທີ່ຈະ ກໍ່ສ້າງເຂື່ອນ ນ້ຳບຸ່ນ 2 ຢູ່ເມືອງ ບຸ່ນເໜືອ -ຕາມການເປີດເຜີຍ ຂອງເຈົ້າໜ້າທີ່ ຜແນກພລັງງານ ແລະບໍ່ແຮ່ ແຂວງຜົ້ງສາລີ:

"ຢູ່ນ້ຳບຸ່ນອະນະ ເຂົາເອີ້ນວ່າ ນ້ຳບຸ່ນ 2 ຫລືວ່າຢູ່ເຂດ ເມືອງບຸ່ນເໜືອຫັ້ນເນາະ ໂຕນີ້ນີ່ ກຳລັງສຶກສາ ຂໍ້ມູນຢູ່ ກຳລັງໃຫ້ ບໍຣິສັດ ACI ບໍຣິສັດກໍ່ສ້າງ ແລະຕິດຕັ້ງ ໄຟຟ້າຂອງລາວ ແລະ ບໍຣິສັດຂອງ ຝຣັ່ງເສດ".

ທ່ານວ່າ ຖ້າຫາກໂຄງການ ດັ່ງກ່າວ ສາມາດຈັດຕັ້ງ ປະຕິບັດໄດ້ ກໍ່ຈະຊ່ວຍໃຫ້ ປະຊາຊົນ ພາຍໃນແຂວງ ມີໄຟຟ້າໃຊ້ ຫລາຍຂຶ້ນ. ໂຄງການເຂື່ອນ ນ້ຳບຸ່ນ 2 ເປັນໂຄງການ ທີ່ກົມໄຟຟ້າ ແລະບໍຣິສັດ ເອກກະຊົນຕ່າງໆ ມາສຶກສາຂໍ້ມູນ ຄວາມເປັນໄປໄດ້ ມາດົນແລ້ວ ແຕ່ກໍ່ຍັງບໍ່ທັນ ມີການລົງມື ກໍ່ສ້າງ ຍ້ອນວ່າບໍ່ມີ ບໍຣິສັດໃດ ມາລົງທຶນ.

ໃນທີ່ສຸດ ບໍຣິສັດກໍ່ສ້າງ ແລະຕິດຕັ້ງໄຟຟ້າ ຂອງລາວ ໄດ້ຮັບການຕິດຕໍ່ ຈາກ ບໍຣິສັດຂອງ ຝຣັ່ງເສດ ທີ່ມີຄວາມສົນໃຈ ເຂົ້າໄປສຶກສາ ໂຄງການດັ່ງກ່າວ ແລະ ທາງການ ແຂວງຜົ້ງສາລີ ກໍ່ສນັບສນູນ ແລະໃຫ້ຄວາມສະດວກ ເພາະເຫັນວ່າ ໂຄງການເຂື່ອນ ນ້ຳບຸ່ນ 2 ເປັນໂຄງການ ທີ່ມີຄວາມສຳຄັນ ຊຶ່ງຈະສາມາດ ສນອງ ໄຟຟ້າ ໃຫ້ໄດ້ຢ່າງພຽງພໍ ຕໍ່ການພັທນາ ຕົວເມືອງບຸ່ນເໜືອ ຊຶ່ງທາງແຂວງ ກຳລັງມີແຜນການ ຍ້າຍທີ່ວ່າການແຂວງ ຈາກເມືອງ ຜົ້ງສາລີ ໄປຕັ້ງຢູ່ທີ່ນັ້ນ.

ເຕັມຫນ້າ