ເຂື່ອນນ້ຳເທີນສອງ ເລື່ອນການສົ່ງໄຟຟ້າໄປໄທ

ເຈົ້າຂອງເຂື່ອນໄຟຟ້ານ້ຳເທີນ 2 ເລື່ອນການສົ່ງກະແສໄຟຟ້າ ຂາຍໃຫ້ໄທ ຈາກເດືອນ ທັນວາ 2009 ໄປເປັນປີ 2010.
ຈຳປາທອງ
2009-12-23
Share
F-Namtheun2 ເຂື່ອນນໍ້າເທີນສອງເລື່ອນການສົ່ງ ກະແສພະລັງໄຟຟ້າໄປໄທ ຍ້ອນເກີດຂັດຂ້ອງທາງດ້ານເທັກນິກ ຮູປຖ່າຍໃນວັນທີ່9ຕຸລາ2009
AFP PHOTO

ການເລື່ອນກຳນົດ ສົ່ງກະແສໄຟຟ້າຂາຍໃຫ້ໄທ ຍ້ອນວ່າເຄື່ອງຜລິດກະແສໄຟຟ້າ ມີບັນຫາທາງດ້ານເທັກນິກ. ຕາມຄຳເວົ້າຂອງເຈົ້າໜ້າທີ່ ທີ່ກ່ຽວຂ້ອງຂອງ ໂຄງການເຂື່ອນໄຟຟ້ານ້ຳເທີນ 2. ເຈົ້າໜ້າທີ່ທ່ານນີ້ ເວົ້າວ່າ: ທ່ານວ່າ

"ກະຄິດວ່າເຮົາເລື່ອນ ກຳນົດເວລາສົ່ງ ເຮົາໄດ້ຕົກລົງກັບທາງ EGAT ຄິດວ່າສິກາງເດືອນ 3 ມັນຕິດຂັດທາງດ້ານ ການອອກແບບ ການປະກອບເຄື່ອງ ຈາກຫລາຍແຫ່ງກະຍັງ ບໍ່ສົມບູນແບບ ທາງດ້ານເທັກນິກ".

ທ່ານເວົ້າຕື່ມວ່າ ເຂື່ອນນ້ຳເທີນ 2 ມີເຄື່ອງຜລິດ ກະແສໄຟຟ້າທັງໝົດ 4 ເຄື່ອງ. ຕາມການຕົກລົງກັນ ທັງ 4 ເຄື່ອງ ຈະຜລິດກະແສໄຟຟ້າ ຂາຍໃຫ້ການໄຟຟ້າ ຝ່າຍຜລິດແຫ່ງປະເທດໄທ EGAT ເລິ່ມຕັ້ງແຕ່ວັນທີ 15 ທັນວາ 2009 ເປັນຕົ້ນໄປ. ແຕ່ມາຮອດ ປັດຈຸບັນນີ້ ເຄື່ອງບາງເຄື່ອງ ຍັງບໍ່ສາມາດຜລິດ ກະແສໄຟຟ້າໄດ້. ດັ່ງນັ້ນ ຈຶ່ງມີການຂໍເລື່ອນ ກຳນົດການສົ່ງກະແສໄຟຟ້າ ອອກໄປ ດັ່ງເຈົ້າໜ້າທີ່ ທີ່ກ່ຽວຂ້ອງຂອງ ການໄຟຟ້າຝ່າຍຜລິດ ແຫ່ງປະເທດໄທ ທ່ານນຶ່ງເວົ້າວ່າ: ທ່ານວ່າ

"ທີ່ຈິງແລ້ວ ທາງເຂື່ອນວ່າຈະຂາຍ ກະແສໄຟຟ້າທີ່ຜລິດ ຈາກທັງ4 ເຄື່ອງໃຫ້ໃນວັນທີ 15 ທັນວາ ແຕ່ມັນມີບັນຫາ ເລື່ອງການກໍ່ສ້າງ, ເຄື່ອງຜລິດກະແສໄຟຟ້າ ບາງເຄື່ອງຈະຖືກ ຕິດຕັ້ງແລ້ວພາຍ ໃນເດືອນທັນວາ ນີ້".

ການໄຟຟ້າຝ່າຍຜລິດ ແຫ່ງປະເທດໄທ ໄດ້ຕົກລົງຮັບຊື້ ກະແສໄຟຟ້າ ຈາກເຂື່ອນນ້ຳເທີນ 2 ໃນຣາຄາ 1.75 ບາດ ຕໍ່ ຢູນິດ ໃນຈຳນວນ 997 MW. ແລະ ໃນຂນະນີ້ການໄຟຟ້າ ຝ່າຍຜລິດແຫ່ງປະເທດໄທ ກຳລັງມີການພິຈາຣະນາ ກ່ຽວກັບຣາຄາຮັບຊື້ ກະແສໄຟຟ້າຈາກລາວໃນຕໍ່ໜ້າ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ