ແຂວງຫົວພັນຕ້ອງການ ເພີ້ມພະນັກງານຣັຖ

ຜູ້ແທນແຂວງຫົວພັນ ຕ້ອງການຢາກໃຫ້ ຣັຖບານ ຮັບພະນັກງານ ຣັຖຕື່ມ ເພື່ອບໍຣິຫານ ການພັທນາໃໝ່ໆ. ທ່ານຄຳເຫລັກ ແກ້ວສົມພັນ ສະມາຊິກ ສະພາ ແຫ່ງຊາດ ແຂວງຫົວພັນ ສເນີໃຫ້ຣັຖບານ ຈັດຫາໂຄຕາ ການອະນຸມັດ ຮັບເອົາ ພະນັກງານຣັຖ ໃຫ້ໄວຂື້ນເພາະວ່າ ກົມກອງຂອງພາກຣັຖ ທັງຂັ້ນສູນກາງ ແລະທ້ອງຖິ່ນ ກຳລັງຂາດແຄນ ພະນັກງານຣັຖ ເພື່ອມາປະຕິບັດ ໜ້າທີ່ວຽກງານ ຂອງຣັຖ ໃຫ້ພຽບພ້ອມໄປກັບ ການຂຍາຍຕົວ ຂອງເສຖກິດ ແລະສັງຄົມ. ທ່ານວ່າ ທາງການຕ້ອງໄດ້ ແກ້ໄຂບັນຫາ ນີ້ຢ່າງຮີບດ່ວນ:

"ດຽວນີ້ຄວາມຕ້ອງ ການພະນັກງານ ໃນແຕ່ລະຂແນງ ການອະນຸມັດ ໂຄຕາ ພະນັກງານ ມັນສວນທາງກັນ ດັ່ງນັ້ນບັນຫານີ້ ພວກເຮົາຊິສົມທົບ ກັນແນວໃດ ໃຫ້ມັນມີໂຕເລກ ພຽງພໍກັບຄວາມ ຕ້ອງການ".

ທ່ານເວົ້າຕໍ່ໄປວ່າ ການຂຍາຍໂຕທາງ ເສຖກິດ ເຮັດໃຫ້ສະພາບ ສັງຄົມ ປ່ຽນແປງຢ່າງວ່ອງໄວ ທຸຣະກິດ ກໍຂຍາຍໂຕ ແລະ ບັນຫາສັງຄົມ ຕ່າງໆກໍເກີດ ຂື້ນຢ່າງກວ້າງຂວາງ. ຣັຖບານ ທີ່ມີໜ້າທີ່ ປົກຄອງ ແລະບໍຣິຫານ ຈຶ່ງຈຳເປັນຕ້ອງໄດ້ ຊອກຫາຈຳນວນ ພະນັກງານຣັຖ ທີ່ມີຄຸນນະພາບ ແລະພຽງພໍ ກັບການພັທນາ ໃນປັດຈຸບັນ. ທີ່ຜ່ານມາເຫັນວ່າ ພະນັກງານຣັຖ ຍັງບໍ່ພຽງພໍ ແລະຍັງສັບສົນ ກັບການປະຕິບັດ ວຽກງານ ໂດຍສະເພາະການ ບໍຣິຫານ ການພັທນາໃໝ່ໆ.